ا ق ش مەن يران اراسىنداعى كەلىسسوزدەن كۇتكەن ءۇمىت ورىندالادى دەگەن مەجەگە ساي، حالىقارادا مۇناي باعاسى 8 - ايدىڭ 4 – كۇنى %5 تەن استام تومەندەدى 

ا ق ش مەن يران جۋىق ارادا حورمۇز بۇعازىنا قاتىستى كەلىسىم جاساسۋى مۇمكىن دەگەن ۇمىتكە تولى بولجامنىڭ ىقپالىنا ۇشىراعاندىقتان، حالىقارادا تابيعي مۇنايدىڭ كەسىكتى باعاسى 8 - ايدىڭ 4 – كۇنى تاڭەرتەڭگى بازاردا تەز ارادا تومەندەپ، بازار بارىسىندا ءالسىز كۇيدە تۇرعاننان كەيىن، بازار جابىلعان كەزدە حالىقارادا مۇناي باعاسى كورنەكتى تومەندەپ، تومەندەۋ مولشەرى %5 تەن اسقان.

سول كۇنگى بازار جابىلعان كەزدە، نيۋ – يورك تاۋار بيرجاسىندا 9 – ايدا تاپسىرىلاتىن جەڭىل قۇرامدى تابيعي مۇنايدىڭ كەسىكتى باعاسى 4.57 ا ق ش دوللارى تومەندەپ، ءار باررەلى 75.77 ا ق ش دوللارى بولىپ، تومەندەۋ مولشەرى %5.69 بولعان؛ 10 – ايدا تاپسىرىلاتىن لوندون برەنت مۇنايىنىڭ كەسىكتى باعاسى 4.41 ا ق ش دوللارى تومەندەپ، ءار باررەلى 79.36 ا ق ش دوللارى بولىپ، تومەندەۋ مولشەرى %5.26 بولعان.

ا ق ش مەديالارىنىڭ 8 – ايدىڭ 4 – كۇنگى حابارىنا قاراعاندا، ا ق ش قازىنا مينيسترى بەسسەنت حورمۇز بۇعازى جونىندەگى كەلىسىمنىڭ 8 - ايدىڭ 4 – كۇنى نەمەسە 5 – كۇنى جاسالۋى مۇمكىن ەكەنىن ايتقان. بەسسەنت: ”ءدال قازىر حورمۇز بۇعازىنان شىعىپ جاتقان كەمەلەردىڭ از ەمەس ەكەنىن كورۋگە بولادى“، – دەگەن.

يران سىرتقى ىستەر مينيسترلىگىنىڭ مالىمدەمەشىسى باعاي 8 - ايدىڭ 4 – كۇنى بىلاي دەدى: يران حورمۇز بۇعازى جونىندە ءالى دە ومانمەن كەلىسسوز جۇرگىزىپ جاتىر، كەلىسسوزدە تەحنيكالىق جانە ساياسي جاقتان ”بەلسەندى ىلگەرىلەۋشىلىككە“ قول جەتكىزىلدى.

كەلۋ قاينارى: حالىق تورابى