8 ولكەنىڭ (قالا) جاراتىلىستىق اپاتتارعا شۇعىل توتەپ بەرۋ، قاتەردەن اراشالاۋ، اپاتتان قۇتقارۋ قىزمەتىن ورىستەتۋىنە قولداۋ كورسەتتى

حالىق گازەتىنىڭ 8 - ايدىڭ 5 – كۇنى بەيجيڭنەن بەرگەن حابارى. قازىر ەلىمىز تاسقىننان ساقتانۋدىڭ ”7 – ايدىڭ سوڭى مەن 8 – ايدىڭ باسى“ سىندى شەشۋشى كەزەڭىندە تۇر، ەلىمىزدىڭ شىعىس سولتۇستىگى، باتىس وڭتۇستىگى، باتىس سولتۇستىگى قاتارلى كوپ جەردە ءۇرتىس نوسەر جاۋىپ، تاسقىن، گەولوگيالىق اپات تۋىلىپ، ءولىم – ءجىتىم جانە ءۇي قۇلاۋ جاعدايى تۋىلدى.

8 – ايدىڭ 5 – كۇنى، قازىنا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى ورتالىقتىڭ 330 ميلليون يۋان جاراتىلىستىق اپاتتان قۇتقارۋ قارجىسىن شۇعىل بوساتىپ، حيلۇڭجياڭ، لياۋنيڭ، جيلين، چۇڭچيڭ، سىچۋان، گۇيجوۋ، يۇننان، شانشي قاتارلى 8 ولكەنىڭ (قالانىڭ) جاراتىلىستىق اپاتتان شۇعىل قۇتقارۋ قىزمەتىن ورىستەتۋىنە، جۇيەدەن اپاتقا ۇشىراعان ادامداردى ىزدەۋ، قۇتقارۋ، جوتكەۋ، حاۋىپتەن اراشالاۋ قاتارلى شۇعىل جاعدايعا توتەپ بەرۋ، ءبىر جاقتى ەتۋ، اپات كومەسكى قاتەرىن تەكسەرۋ، جونگە سالۋ، قۇلاعان تۇرعىن ۇيلەردى قالپىنا كەلتىرۋ قاتارلى قىزمەتتەردى ءتۇيىندى تۇردە ويداعىداي ىستەۋىنە، اپات زيانىن مۇمكىندىكتىڭ بارىنشا ازايتۋىنا قولداۋ كورسەتتى.

قازىنا مينيسترلىگى جوعارىدا ايتىلعان 8 ولكەنىڭ (قالا) قازىنا تاراۋلارىنان قارجىنى اپات تۋىلعان رايونعا جەدەل بوساتىپ، اپاتتان قۇتقارۋ قارجىسىن باقىلاۋ - باسقارۋدى كۇشەيتىپ، اپاتتان قۇتقارۋ قارجىسىنىڭ تۇگەلدەي اپات تۋىلعان رايونعا جانە اپاتقا ۇشىراعان بۇقاراعا جۇمسالۋىنا كەپىلدىك ەتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگى مەن اپات تۋىلعان رايوننىڭ ءوندىرىس، تۇرمىس ءتارتىبىن شىنايى قورعاۋدى تالاپ ەتتى.

كەلۋ قاينارى: حالىق تورابى