فۋجوۋ جاڭا داۋىردەگى ”قامال ينجەنەرياسىن“ ىشكەرىلەي اتقاردى

سالت باس قارت جاڭ چيۋشياڭنىڭ جالعىز تۇرمىس كەشىرۋى قولايسىز ەكەنىن ەستىگەننەن كەيىن، فۋجيان ولكەسى فۋجوۋ قالاسى يۇڭتاي اۋدانى چىڭفىڭ قالاشىعى شۋەلي قىستاعىنىڭ شيپاگەرى فىڭ جيڭ دەرەۋ ۇيىنە بارىپ ەمدەۋ جۇرگىزدى، ودان اي سايىن ۇيىنە بارىپ احۋال ۇعىسىپ، قارتتىڭ دەنساۋلىعىن تەكسەرىپ، ءدارى ىستەتۋدە كوڭىل بولەتىن ىستەردى تاپسىردى.

”جاڭ اپايدىڭ جاعدايىن ماعان قىستاق تۇرعىندارى ايتتى“. فىڭ جيڭ _ شۋەلي قىستاعى پارتيا ياچەيكاسىنىڭ مۇشەسى، ”ەمحاناعا كەلىپ ەمدەلگەن قىستاق تۇرعىندارى ۇنەمى مەنىمەن اڭگىمە دۇكەنىن قۇرادى، كوپشىلىك كوڭىلىندەگى بەيمازالىقتار مەنىڭ جۇرەگىمدە“. تاياۋ جىلداردان بەرى يۇڭتاي اۋدانى قىستاق شيپاگەرلەرىن ”اۋىلعا قابىلداپ، قىستاققا ىستەتۋ“ سياقتى تاسىلدەر ارقىلى قىستاق شيپاگەرلەرىنىڭ قىستاق جاعدايىنا قانىق بولۋىنا، بۇقاراعا سەنىمدى بولۋ ابزالدىلىعىن ساۋلەلەندىرۋىنە مۇمكىندىك جاساپ، بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشتى.

شي جينپيڭ جولداس فۋجوۋدا قىزمەت ىستەگەن كەزىندە ”قامال ينجەنەرياسىن“ اتقارۋدى ىلگەرىلەتىپ، نەگىزگى ساتى پارتيا ۇيىمىنىڭ ۇيىستىرۋ قۋاتىن، جاۋىنگەرلىك قۋاتىن شىنايى كۇشەيتىپ، فۋجوۋعا باعالى يدەيالىق بايلىق، رۋحاني بايلىق جانە امالياتتىق جەتىستىك قالدىردى. 2021 - جىلى 3 - ايدا باس شۋجي شي جينپيڭ فۋجياندا قىزمەت تەكسەرگەندە: ”ءار سالاداعى نەگىزگى ساتى پارتيا ۇيىمدارىن پارمەندى جاۋىنگەر قامال ەتىپ قۇرىپ شىعۋ كەرەك“ دەپ اتاپ كورسەتتى.

باس شۋجي شي جينپيڭنىڭ ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرعان فۋجوۋ قالاسى جاڭا داۋىردەگى ”قامال ينجەنەرياسىن“ ىشكەرىلەي اتقارىپ، قالا، اۋىل - قىستاق، ورگان، مەملەكەت مەنشىگىندەگى كاسىپورىن سياقتى تۇرلىشە سالالارعا قاراتا، نەگىزگى ساتى پارتيا ۇيىمى قۇرىلىسىنا جەكە - جەكە جەتەكشىلىك ەتىپ، نەگىزگى ساتى پارتيا ۇيىمىنىڭ جاپپاي العا باسۋىن، جاپپاي شىڭدالۋىن ىلگەرىلەتتى.

نازاردى حالىق تۇرمىسىنىڭ قاجەتىنە شوعىرلاندىرىپ، ءالسىز بۋىنداردى قاداعالاپ، نەگىزگى ساتىنى جونگە سالۋدىڭ پارمەندى، ءونىمدى بولۋىن ىلگەرىلەتتى.

ساڭشان رايونى شيانفىڭ قىستاعىنىڭ تۇرعىنى لين شۋيىڭ فۋجوۋ قالاسىنىڭ حالىققا ءتيىمدى قارجى تورابىن اشىپ، ازاماتتىق كۋالىك ءنومىرىن كىرگىزۋدە، بۇكىل قىستاقتىڭ قارجىسى، مال - مۇلكى، بايلىعى سياقتى ”جاي - جاپسارى“ ايدان انىق بولۋىنا مۇمكىندىك جاسادى. شيانفىڭ قىستاعى پارتكومى قىستاق ىستەرىن جەلىدە جانە جەلىدەن تىس جاريا ۇستادى، سونىمەن بىرگە %70 تىك پايدانى قىستاق تۇرعىندارىنىڭ تابىسى مەن يگىلىك كەپىلدىگىنە جۇمساپ، قىستاق تۇرعىندارىن دامۋ جەتىستىكتەرىنەن بىرگە يگىلىكتەندىردى.

قالا الەۋمەتتىك اۋماعىندا، فۋجوۋ پارتيا مەن بۇقارانىڭ قىزمەت وتەۋ شەبىن ۇزدىكسىز كۇشەيتىپ، حالىققا قولايلى 340 تۇرمىس شەڭبەرىن قۇرىپ، قارتتار اسحاناسى، قارتتارعا قارايلاسۋ سياقتى قىزمەت وتەۋمەن قامداپ، اۆتوكولىك توقتاتۋ قيىن بولۋ، ليفت ورناتۋ باياۋ بولۋ سياقتى قيىن ماسەلەلەردى شەشتى. اۋىل - قىستاقتا نازاردى ءالسىز قىستاقتارعا قىزمەت وتەۋدەگى قيىن ماسەلەلەردى شەشۋگە شوعىرلاندىردى، فۋجوۋداعى پارتيا مۇشەلەرى كومەكتەسۋ، ۋاكىلدىك رەتىندە ءبىتىرۋ سياقتى ۇلگىلەردى اتقارىپ، جونگە سالۋدىڭ ونىمدىلىگىن جوعارىلاتۋ مەن قىزمەت وتەۋدىڭ ساپاسىن جوعارىلاتۋدى ءبىر تۇتاس ىلگەرىلەتىپ، بۇقارا ءۇشىن 14 مىڭ 500 دەن استام ناقتى ءىس ىستەدى.

كەلەلى نىسانداردىڭ بوگەلۋ تۇيىندەرىن، كاسىپ سالاسىنىڭ دامۋىنداعى قيىن تۇيىندەردى كوزدەپ، پارتيا ۇيىمىن نىساندا، كاسىپ تىزبەگىندە قۇرىپ، ۇيىمدىق باسىمدىقتى دامۋ باسىمدىعىنا اينالدىردى.

فۋجوۋ شيحۋ باقشاسى كوگىلدىر تولقىنمەن كومكەرىلدى، 110 مىڭ تەكشە مەترگە جۋىق كول تازاردى. ”سۋ بايلىعى اينالمالى ەكونوميكا كاسىپ سالاسى تىزبەگى پارتيا قۇرىلىسى تۇعىرىنىڭ سايكەستىرۋىندە، ءبىز جوعارى مەكتەپتەرمەن، كاسىپورىندارمەن بىرلەسىپ، تەحنيكادان قامال الۋدى سايكەسە ورىستەتىپ، تۇنبانى ايىرۋ تەحنيكاسىندا جاڭالىق اشىپ، لاس زاتتاردى تازالاۋمەن بىرگە، كول ەكولوگياسىن دا بارىنشا قورعادىق“ دەدى فۋجوۋ قالالىق قالا سۋ ىعىستىرۋ شەكتى سەرىكتەستىگىنىڭ باس ينجەنەرى ۋ لياڭحۇڭ.

فۋجوۋ 50 كاسىپ سالاسى تىزبەگىندەگى پارتيا قۇرىلىسىن بىرلەسىپ قۇرۋ تەكشەسىن قۇرىپ، ۇكىمەت، كاسىپورىن، عىلمي زەرتتەۋ، فينانس، قوعام سياقتى ءار جاقتاعى كۇشتەردى بىرىكتىرىپ، كاسىپ سالاسىنىڭ باسەكەلىك قۋاتىن جوعارىلاتتى. ”كەلەلى قيمىلداردى، ءتۇيىندى نىسانداردى اتقارۋدى ۇيىمداستىرۋدى قاتار ورناتۋ، القانى قاتار سەپتەۋ، رولدى قاتار ساۋلەلەندىرۋ ’ءۇشتى قاتار جۇرگىزۋ‘ مەحانيزمىن اتقارىپ، 205 ۋاقىتتىق پارتيا ۇيىمىن قۇرىپ، پارتيا قۇرىلىسىن يگەرۋدىڭ، كادرلاردى جاتتىقتىرۋدىڭ، نىسانداردى جەبەۋدىڭ ورگانيكالى بىرلىگىن جۇزەگە اسىردى“ دەپ تانىستىردى فۋجوۋ قالالىق پارتكومنىڭ تۇراقتى مۇشەسى، ۇيىمداستىرۋ ءبولىمىنىڭ باستىعى ساي يادۇڭ.

”ەكى جاڭا“ ۇيىمعا، جاڭا جۇمىستانۋشىلار ۇزدىكسىز كوبەيگەن جاڭا جاعدايعا سايكەسىپ، ”ەكىنى قامتۋدى“ تىڭعىلىقتى ىلگەرىلەتىپ، پارتيا ۇيىمىنىڭ قۇرىلۋعا تيىستىلەرىن مۇمكىندىكتىڭ بارىنشا قۇرۋدى، تاڭداۋلىلارىن قۇرىپ، مىقتىلارىن كۇشەيتۋدى ىلگەرىلەتتى.

”ساۋدا سارايىندا تۇراتىن پارتيالى ارناۋلى قىزمەتكەرلەر مەن ءمالى، الەۋمەتتىك اۋماق جاردەمدەسكەندىكتەن، ءساتتى تۇردە ىرگە تەپتىك“. حۋاچۋ عىلىم - تەحنيكا توبى شەكتى سەرىكتەستىگىنىڭ اكىمشىلىك قىزمەتكەرى چىن سى بىلاي دەپ تانىستىردى: كاسىپورىن كوشىرىلگەندە تىركەلگەن مەكەن - جايدى كوشىرۋ قيىن بولدى، ساۋدا سارايىندا تۇراتىن پارتيالى ارناۋلى قىزمەتكەرلەر ىرىقتىلىقپەن سايكەسىپ، ءتۇيىلىستىرىپ، تۇتاس بارىستا بىرگە قىزمەت وتەدى.

سەرىكتەستىك تۇرعان گۋلوۋ رايونى ساۋدا سارايىندا تۇراتىن پارتيا قۇرىلىسى قىزمەت ۇلگىسىندە جاڭالىق اشىپ، ”ءمالى پارتيا قىزمەتى كوميتەتى _ ساۋدا سارايى پارتكومى _ كاسىپورىن پارتيا ياچەيكاسى“ سىندى 3 دارەجەلى بىرلەسىپ قيمىلداۋ جۇيەسىن ورناتىپ، ساۋدا سارايىندا تۇراتىن پارتيا ۇيىمدارىمەن ەندىك باعىتتا بىرلەسە ارەكەتتەنىپ، فۋنكتسيالىق تاراۋلاردى بويلىق باعىتتا تۇتاستىردى. شىجيە جينلۇڭ عيماراتى ساۋدا سارايى جالپىلىق پارتكومىنىڭ شۋجيى ۋاڭ زوۋلۋ بىلاي دەپ تانىستىردى: ساۋدا سارايى پارتكومى بىرلەسە قيمىلداپ، قوجالىق ىستەرىن ۇدايىلاندىرىپ، كاسىپورىنداردى ارالاپ، دامۋ تالابىن رەتتەپ، جيناپ، ءار جاقتىڭ بايلىعىن ءبىر تۇتاس جوسپارلاپ، كاسىپورىنداردىڭ قيىنشىلىعىن شەشىپ، ساۋدا سارايىنا ىرگە تەبۋ ۇزدىكسىز جوعارىلاتتى.

فۋجوۋ ساۋدا شەڭبەرى سياقتى جەرلەردە ولشەمدەنگەن 53 ”دوستىق كورىنىس الاڭىن“، 520 ”جاڭا“ ايالداما قۇرىپ، دامىلداۋ، قامداۋ سياقتى الەۋمەتتىك يگىلىك قىزمەت وتەۋمەن قامدادى؛ 1400 دەن استام پارتيالى جەتكىزۋشىنى، جەدەل تاسۋشىنى، ينتەرنەتتە ۋادەلەسكەن اۆتوكولىك شوفەرىن ”قوسىمشا قىزمەتكەر“، ”جول قاتىناس حاۋىپسىزدىگى قىزمەتكەرى“ بولۋعا جەتەكتەپ، جاڭادان جۇمىستانعان بۇقارانىڭ تاۋەلدىلىك سەزىمىن، باقىت سەزىمىن ۇزدىكسىز جوعارىلاتتى.

شي جينپيڭ پارتيا قۇرىلىسى يدەياسىن ىشكەرىلەي ۇيرەنىپ، دايەكتىلەندىرگەن فۋجوۋ جاڭا داۋىردەگى ”قامال ينجەنەرياسىن“ جاپپاي ىشكەرىلەي اتقارىپ، كورشىلەر پارتيا قۇرىلىسىن، جۇرەك جىلىتاتىن پارتيا قۇرىلىسىن، جاڭادان گۇلدەنگەن سالالارداعى پارتيا قۇرىلىسىن، كاسىپ سالاسى تىزبەگى پارتيا قۇرىلىسىن جانە قوجالىق پارتيا قۇرىلىسىن بىرلەسىپ قۇرۋدى ناقتى، ەگجەي - تەگجەيلى يگەرىپ، وسىزاماندانعان حالىقارالىق قالا قۇرۋدى جەدەلدەتۋگە پارمەندى ۇيىمدىق كەپىلدىك ازىرلەدى.

كەلۋ قاينارى: حالىق تورابى