حالىققا باقىت جاراتۋ جاعىندا ناقتى شارا قولدانىپ، ناقتى ونىمدىلىككە قول جەتكىزۋگە كۇش سالدى (دۇرىس ناتيجە كوزقاراسىن ورناتايىق جانە امالياتتا ايگىلەيىك)

قازىر جەر - جەر، تاراۋلار، ورىندار دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىن ۇزدىكسىز ىشكەرىلەي ورىستەتىپ، ۇيرەنۋ، تەكسەرۋ، تۇزەتۋدى ءبىر تۇتاس ىلگەرىلەتىپ، نازاريامەن قارۋلانىپ، پارتيالىلىقتى شىڭداپ، تەكسەرۋ - زەرتتەۋ ارقىلى ناقتى جاعدايدى انىقتاپ، اشىق تاربيە ارقىلى حالىقتىڭ ءۇنىن كەڭىنەن قابىلداپ، ەرەجە - ءتۇزىم ورناتۋ ارقىلى تابىستاردى بەكەمدەپ، حالىققا باقىت جاراتۋ جاعىندا ناقتى ءادىس - امال قولدانىپ، ناقتى ونىمدىلىككە قول جەتكىزۋگە كۇش سالۋدا.

نازاريامەن قارۋلانۋدى ۇزدىكسىز كۇشەيتتى

شينجياڭ ۇيعۇر اۆتونوميالى رايونى تۇرپان قالالىق پارتكومى «شي جينپيڭنىڭ دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ جونىندەگى بايىمداۋلارىنان ۇزىندىلەردى» زەر سالا وقىپ، باس شۋجي شي جينپيڭنىڭ ەڭ جاڭا ماڭىزدى سوزدەرى مەن ماڭىزدى نۇسقاۋلارىنىڭ، بەكىتۋلەرىنىڭ رۋحىن دەر كەزىندە ىلەسە ۇيرەنىپ، كىتاپ وقۋ كلاسىن ىشكەرىلەي ءتۇسىنۋ، ارناۋلى تاقىرىپتا پىسىقتاۋ، تەرەڭ ءبىلۋ، شوعىرلى زەرتتەۋ - تالقىلاۋ، تەرەڭ ۇعىنۋ سىندى ۇيرەنۋگە جەتەكشىلىك ەتۋ ۇلگىسى ارقىلى بۇكىل قالاداعى ءار دارەجەلى باسشىلىق القالارىنىڭ نازاريا ۇيرەنۋىن ۇدايىلاندىرۋعا جەتەكشىلىك ەتتى. سونىمەن بىرگە، قالا، رايونداردا (اۋدان) 1700 گە جۋىق پارتيالى باسشى كادر، 2300 دەن استام پارتيا ياچەيكاسىنىڭ شۋجيى ءىس جۇزىندىك جاعدايمەن ۇشتاستىرىپ، ارناۋلى تاقىرىپتىق پارتيا ساباعىن ءوتىپ، پارتيالى كادرلاردى پارتيانىڭ جاڭالىق اشۋ نازارياسىنىڭ امالياتتىق ۇلى كۇشىن سەزىنۋگە جەتەكتەدى.

ۇيرەنۋ تاربيەسى ورىستەتىلگەننەن بەرى گۋاڭشي جۋاڭزۋ اۆتونوميالى رايونى چينجوۋ قالاسى ”كانالدا پارتيا تۋى جەلبىرەيدى . قىزمەت وتەۋدە اۆانگارد بولۋعا ۇمتىلۋ“ پارتيا قۇرىلىسى ماركا قۇرىلىسىن ۇزدىكسىز تەرەڭدەتىپ، نازاريا ۇيرەنۋ جوسپارىن جاساپ، ۇيرەنۋ، زەرتتەۋ - تالقىلاۋ مايدانىن كانال نىسانى قۇرىلىسىنا، كاسىپورىن وندىرىسىنە جانە ورنالاستىرۋ اۋماعىنىڭ ءبىرىنشى شەبىنە جوتكەپ، پارتيالى كادرلار عاسىرلىق ينجەنەرياسىنىڭ جوعارى ولشەمدى، جوعارى ساپالى قۇرىلىسىنا قىزمەت وتەۋىن، قامتاماسىز ەتۋىن، دۇرىس قىزمەت ناتيجەسى كوزقاراسىن ورناتۋىن جانە امالياتتا ايگىلەۋىن ىلگەرىلەتتى.

جۇڭگو ۇلتتار ءتىل - ادەبيەت اۋدارما ورتالىعى (مەكەمەسى) نازاريامەن قارۋلانۋدى كۇشەيتىپ، پارتكوم باسشىلىق القاسىنىڭ ارناۋلى تاقىرىپتىق كىتاپ وقۋ كلاسىن، ”دۇرىس ساياسي ناتيجە كوزقاراسىن ورناتىپ، ناقتى ىستەپ، جاۋاپكەرشىلىك ارقالاپ، تىڭ ۇلەس قوسۋ“ كۋرسىن اشتى. پارتيا مەن مەملەكەتتىڭ كەلەلى ماجىلىستەرىن قامتاماسىزداندىرۋ كەزىندە، ۇلتتار ءتىل - جازۋىندا جارىسپالى اۋدارۋ گرۋپپاسى نازاريا ۇيرەنۋ جەتىستىكتەرى ارقىلى قىزمەت ساپاسىن، ونىمدىلىگىن جوعارىلاتىپ، ماقالالاردى مۇقيات دايىنداپ، ەلىكتەمەلى كورىنىس جاتتىعۋىن جۇرگىزىپ، كاسىپتىك قابىلەت پەن كاسىپتى قاستەرلەۋ رۋحى ارقىلى ساياسي وتكەلدى، ساپا وتكەلىن قاتاڭ يگەرىپ، مەملەكەتتىڭ كەلەلى باعىت - ساياساتتارىن ۇلتتار رايوندارى مەن از ۇلت كادرلارىنا، بۇقاراسىنا دۇرىس جەتكىزۋگە دەم بەردى.

كورنەكتى ماسەلەلەردى ءدال تاۋىپ، ناقتاپ تەكسەردى

سىچۋان - چۇڭچيڭ - گاۋجۋ جاڭا رايونى پارتيا قىزمەت كوميتەتى ءبىر جاعىنان تەكسەرىپ، ءبىر جاعىنان تۇزەتۋگە، تاباندا اتقارىپ، تاباندا تۇزەتۋگە تاباندى بولىپ، ەكونوميكالىق رايون مەن اكىمشىلىك رايوندى ۇيلەسىمدى ءبولۋ رەفورماسى جونىندە ىزدەنىس جاساپ، ءوندىرىس فاكتورلارىنىڭ جوعارى ءونىمدى اينالىمى مەن ورنالاستىرىلۋىنا كەدەرگى بولاتىن قيىن تۇيىندەردى، بوگەتتەردى ىشكەرىلەي تەكسەردى. اكىمشىلىك قىزمەت وتەۋ جاعىندا، اكىمشىلىك تەكسەرىپ بەكىتۋ ۋاقىتىن قىسقارتىپ، ۇيرەنۋ تاربيەسى جەتىستىكتەرىن ەكونوميكانىڭ، قوعامنىڭ جوعارى ساپالى دامۋ ونىمدىلىگىنە ۇزدىكسىز اينالدىردى.

حىبەي ولكەسى شيڭتاي قالاسى جاپپاي قاتاڭ تەكسەرۋگە، ورتاعا قويۋعا تاباندى بولىپ، ساياسي ناتيجە كوزقاراسىنىڭ شەكتەلگەن سالالار ءتىزىمىن جۇيەلى رەتتەپ، تاياۋ جىلداردان بەرى ءتۇرلى باقىلاۋ - تەكسەرۋدە بايقالعان 87 ماسەلەگە ىشكەرىلەي تالداۋ جاساپ، قاتىستى تاراۋلاردىڭ جاپپاي تەكسەرىپ، سالىستىرۋىنا جولدادى. تەكسەرۋ بارىسىندا، شوعىرلى بىرلەسىپ تەكسەرۋ مەن ايقاسپالى ءوزارا تەكسەرۋدى ۇشتاستىرۋ ءتاسىلىن اتقارىپ، ”جاڭا باسشىلاردىڭ كونە ەسەپتى ەلەمەۋى“، جاسىل تيپكە بۇرىلىس جاساۋ، اتموسفەرانى جونگە سالۋ، ءوندىرىس حاۋىپسىزدىگى سياقتى ماڭىزدى سالالاردى ءتۇيىندى تۇردە تەكسەرىپ، اۋدان، باسقارما دارەجەلىدەن جوعارى باسشىلىق القالارىنىڭ يكەمدى جاڭالانۋ ءتىزىمىن ءبىر - بىرلەپ ساراپتادى.

جياڭسۋ ولكەسىنىڭ ىلە وبلىسىنا باعىتتامالى كومەكتەسۋ الدىڭعى شەپ قولباسشىلىق شتابى ماسەلەنى تەكسەرۋ، ماسەلەنى شەشۋ، رەفورمامەن ونىمدىلىكتى ارتتىرۋ ارقىلى مەكتەپ، شيپاحانا، كاسىپورىن باقشا رايونى، مال شارۋاشىلىق رايونىنداعى كيىز ۇيلەر سياقتى نەگىزگى ساتىنىڭ ءبىرىنشى شەبىنە بارىپ تەكسەرۋ - زەرتتەۋ جۇرگىزدى، سونىمەن بىرگە، شارلاۋ، قازىنالىق باقىلاۋ، كۇندەلىكتى تەكسەرۋ - زەرتتەۋ، كومەك قابىلداۋشى جەردىڭ اڭىسى سياقتى كوپ ارنالى پىكىر - ۇسىنىس جيناپ، حالىق تۇرمىسىن قامتاماسىز ەتۋ، كاسىپ سالاسى ارقىلى شينجياڭعا كومەكتەسۋ، مادەنيەت اۋىس - كۇيىسى سياقتى جاقتارداعى ءتۇيىندى مىندەت تىزىمدىگىن رەتتەپ شىقتى. نىسان مىندەتىنىڭ تۇتاس بارىسىن باقىلاۋ - باسقارۋ قىزمەت مەحانيزمىن ورناتىپ، شىنايى تەكسەرۋ، شىنايى تۇزەتۋ، ناقتى ىستەۋ، ناقتى ونىمدىلىك ارقىلى كومەك قابىلداۋشى جەردىڭ باياندى تىنىشتىعى مەن گۇلدەنىپ - كوركەيۋىنە، دامۋىنا دەم بەردى.

حالىق تۇرمىسىنداعى ناقتى ىستەردى دەن قويا جاقسى ىستەدى

ساۋداگەر شاقىرۋ بانكەسى فينانستى حالىق ءۇشىن جۇرگىزۋگە، ناقتى ەكونوميكاعا قىزمەت وتەۋگە تاباندى بولىپ، عىلىم - تەحنيكا، جاسىل، جالپىعا ءتيىمدى، زەينەتكەرلىك سالالارىن توڭىرەكتەپ، عىلىم - تەحنيكا كاسىپورىندارى ارقىلى قارىز اقشا بەرۋ، جاسىل فينانس، شاعىن كاسىپورىنداردىڭ جالپىعا ءتيىمدى قارىز اقشا بەرۋى، زەينەتكەرلىك فينانسى سياقتى ونىمدەردى شىعارىپ، كاسىپورىنداردىڭ قارجى قۇراۋى مەن بۇقاراعا فينانستىق قىزمەت وتەۋدەگى قيىن ماسەلەلەردى كۇش سالا شەشتى. قىزمەت وتەۋ ساپاسىن جوعارىلاتۋ ءۇشىن، ”تۇتاس بانكە ءبىر كاسىپورىنعا قىزمەت وتەۋ“ مەحانيزمىن ورناتىپ، ءوڭىر اتتاعان جالپىلىق قىزمەت وتەۋدىڭ ساڭلاۋسىز ۇشتاسۋىن جۇزەگە اسىردى.

”بۇرىن ادام كوپ بولسا سۋ جەتپەيتىن، قازىر جاقسى بولدى، تاۋلىك بويى سۋ دايىن“. چۇڭچيڭ قالاسى جۇڭشيان اۋدانى حۋاڭجين قالاشىعى داليڭ قىستاعىنىڭ تۇرعىنى ياڭ ميڭحۋانىڭ جۇزىنەن كۇلكى ەستى. جۇڭشيان اۋدانى 16 ءتۇرلى كورنەكتى ماسەلەنى سالىستىرا وتىرىپ، ءبىر جاعىنان ۇيرەنىپ، ءبىر جاعىنان تەكسەرىپ، ءبىر جاعىنان تۇزەتىپ، اۋىل - قىستاقتىڭ سۋدان پايدالانۋى قيىن بولۋ ماسەلەسىنە قاراتا، ”اۋدان دارەجەلى ءبىر تۇتاس باسقارۋ تۇعىرى سەرىكتەستىگى + اۋىل - قىستاقتى سۋمەن قامداۋ قوعامى“ ۇلگىسى جونىندە ىزدەنىس جاساپ، تۇتاس اۋداندى قامتىعان سۋ يگىلىگىن باسقارۋ - قورعاۋ تورابىن قۇرىپ، اۋىل - قىستاقتا قۇبىر سۋىنىڭ جالپىلاسۋ شاماسىن %96.5 كە جەتكىزدى.

جىجياڭ ولكەسى حۋجوۋ قالاسى انجي اۋدانى قوجالىق داۋ - شارىنداعى قيىن تۇيىندەردى، بوگەتتەردى شەشۋگە نىسانانى بەلگىلەپ، قوجالىق قىزمەت وتەۋى ارناعا تۇسپەۋ، تالاپ - تىلەككە دەر كەزىندە ءۇن قوسپاۋ سياقتى ماسەلەلەرگە مەڭزەس، ”انجي سيفرلى - پاراساتتى قوجالىق“ شاعىن قولدانىس جۇيەسىن ىسكە قوسىپ، ساپالى باسپانا قىزمەت وتەۋ ارناۋلى لەنياسىن اشىپ، تالاپ - تىلەك تىكە جەتكىزىلگەن، جەدەل ءۇن قوسقان ءبىر جاقتى ەتۋ ارناسىن قالىپتاستىردى؛ قوجالىق شاعىن اۋماعىنىڭ ساپاسىن جوعارىلاتۋ ارناۋلى قيمىلىن ورىستەتىپ، قوجالىق كاسىپورىندارىنىڭ سەنىمدىلىگىن باعالاۋ قىزىل - قارا تاقتاسىن ورناتىپ، قاتاڭ تەجەۋ ارقىلى قىزمەت وتەۋدى ساپالىلاندىرىپ، تۇرعىنداردىڭ باقىت سەزىمىن جوعارىلاتتى.

گۇيجوۋ ولكەسى چياندۇڭنان مياۋزۋ - دۇڭزۋ اۆتونوميالى وبلىسى تيانجۋ اۋداندىق شۇعىل جاعدايعا توتەپ بەرۋدى باسقارۋ مەكەمەسى قولباسشىلىق ورتالىعىنىڭ زەردەلى باقىلاۋ - مەڭگەرۋ ەكرانىندا سۋ، قۋاڭشىلىق اپاتىنان ساقتانۋ، گەولوگيالىق اپاتتان ساقتانۋ جانە ونى جونگە سالۋ سياقتى ساندى مالىمەتتەر جاڭالانىپ، باسشى كادرلار كەزەكتەسىپ كەزەكشىلىك ىستەدى. تاسقىن مەزگىلىنەن بەرى تيانجۋ اۋدانى تاسقىن قۇيعانى، سۋ قويماسىنداعى تاۋ كولشىگى سياقتى ورىنداردى قاداعالاپ، حاۋىپسىزدىك كومەسكى قاتەرىن جاپپاي اداقتادى، سونىمەن بىرگە، پارتيالى كادرلاردى ءبىر وتباسىن ءبىر - بىرلەپ تەكسەرىپ، ءبىر ورىندى ءبىر - بىرلەپ قاداعالاپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە كەپىلدىك ەتتى.

امبەباپ تەحنيكا توبى سالاماتتى جۇڭگو ستراتەگياسىنا باتىل قىزمەت وتەپ، ۇيرەنۋ تاربيەسى جەتىستىكتەرىن ەمدەۋ، سالاماتتىق قىزمەت وتەۋىنىڭ ساپاسىن جوعارىلاتىپ، ونىمدىلىگىن ارتتىرۋدىڭ ناقتى امالياتىنا اينالدىردى. توپ ەمدەۋ قۇرىلىمدارىنىڭ كەڭ كولەمدە ورنالاستىرۋ ابزالدىعىن ساۋلەلەندىرىپ، قىزمەت وتەۋ ماركاسىن قالىپتاستىرىپ، بۇكىل ەل بويىنشا ءبىر تۇلعالانعان وزگە جەردە رەنتيگەنگە تارتۋ قىزمەت وتەۋ تورىن ورناتىپ، بۇيرەك اۋرۋىنا شالدىققان ناۋقاستاردىڭ ءوڭىر اتتاپ ەمدەلۋ قيىن بولۋ ماسەلەسىن شەشۋىنە كومەكتەستى، سونىمەن بىرگە، ”ەمدەۋ مەن كۇتىمدەۋدى ۇشتاستىرۋ“ ۇلگى كورسەتۋ نىسانىن زور كۇشپەن ىلگەرىلەتىپ، ەمدەۋ بايلىعىن زەينەتكەرلىك جاعدايىنا كىرىستىرىپ، ەمدەۋ سالاماتتىعى مەن كۇتىمدەۋدىڭ ءبىر تۇلعالانىپ دامۋىن جۇزەگە اسىردى.

(«حالىق گازەتىنىڭ» تىلشىلەرى شى ي - چي، ۋ چيۋيۇي، ليۋ جۇنگو، جاڭ تىڭياڭ، حۋاڭ شيان، جۋ جياچي، ليۋ بوتۇڭ، ارداق، باي گۋاڭدي، ۋاڭ شينيۋە)
كەلۋ قاينارى: حالىق تورابى