جوعارى ساپالى، تولىق جۇمىستانۋدى ىلگەرىلەتۋدە تىڭ ىلگەرىلەۋشىلىكتەرگە قول جەتتى (”15 - بەسجىلدىقتا“ جاقسى باستاما اشىپ، جاقسى قادام باسايىق)

ەڭبەكاقى يگىلىگىنەن دارەجەنى جوعارىلاتۋعا دەيىن جۇمىس ىزدەۋشىلەر ەگجەي - تەگجەيلى سۇراستىردى؛ جۇمىس ورنى مازمۇنىنان كاسىپورىن مادەنيەتىنە دەيىن جۇمىسقا قابىلداۋشى جاق ەگجەي - تەگجەيلى جاۋاپ بەردى. سىچۋان ي - بين شۋەيۋانى لينگاڭ مەكتەپ رايونى تاياۋدا وتكىزگەن جۇمىستاندىرۋ بويىنشا قوس باعىتتا تاڭداۋ جينالىسىندا جاساندى زەردە، جاڭا ەنەرگيا، بيولوگيالىق ءدارى - دارمەك سياقتى سالالارداعى 200 دەن استام ادام ىستەتۋشى ورىن الاڭعا كىرىپ، 2500 دەن استام وقۋشىنى باۋرادى. بيىل 3 - ايدان بەرى ي - بين شۋەيۋانى ءتۇرلى جۇمىسقا قابىلداۋ جينالىسىن 100 رەتتەن اسىرىپ، 10 مىڭعا جۋىق قىزمەت ورنىمەن قامداپ، مەكتەپ بىتىرگەن وقۋشىلاردىڭ اناعۇرلىم جاقسى كاسىپ تاڭداۋىنا كومەكتەستى.

باس شۋجي شي جينپيڭ بىلاي دەپ باسا دارىپتەدى: ”جۇمىستاندىرۋدى الدىمەن ويلاستىرۋ ساياساتتىق بەتالىسىن كۇشەيتىپ، جۇمىس ورنىن ورنىقتىرىپ، سيىمدىلىعىن ارتتىرىپ، ساپاسىن جوعارىلاتۋ ارەكەتىن اتقارىپ، جوعارى مەكتەپتەن وقۋ بىتىرگەن وقۋشىلار، شارۋا جۇمىسكەرلەر سياقتى ءتۇيىندى قاۋىمنىڭ جۇمىستانۋىن كۇش سالا ورنىقتىرۋ كەرەك“. 7 - ايدىڭ 30 - كۇنى اشىلعان جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ ماجىلىسىندە بىلاي دەپ اتاپ كورسەتىلدى: ”كوپ ءتۇرلى شارانى قاتار قولدانىپ، حالىق تۇرمىسىن قامتاماسىز ەتۋدى كۇشەيتىپ، ءتۇيىندى قاۋىمنىڭ جۇمىستانۋىن قولداۋ تەبىنىن ارتتىرىپ، يكەمدى جۇمىستانعاندار مەن جاڭا جۇمىستاندىرۋ كۇيىندەگى ادامداردىڭ ۇقىق - مۇددەسىن قامتاماسىز ەتۋ قىزمەتىن ويداعىداي ىستەۋ كەرەك“.

«جۇمىستانۋدى الدىڭعى ورىنعا قويۋ ستراتەگياسىنىڭ ”15 - بەسجىلدىق“ جوباسىندا» ”15 - بەسجىلدىق“ جوبا مەزگىلىندە جۇمىستانۋدى الدىمەن ويلاستىرۋ ستراتەگياسىن ىشكەرىلەي اتقارۋ، جوعارى ساپالى، تولىق جۇمىستانۋدى جەبەۋدىڭ وي جەلىسى، نىساناسى، ءتۇيىندى مىندەتتەرى جانە ساياساتتىق شارالارى ايقىندالدى. بيىل جىل باسىنان بەرى جەر - جەر، تاراۋلار جۇمىستاندىرۋدى حالىق تۇرمىسىنداعى ماڭداي الدى ءىرى ءىس رەتىندە قاراپ، جوبا - مىندەتتەردىڭ تياناقتانۋىن مىقتى يگەرىپ، قىزمەت ورنىن ورنىقتىرۋ، جۇمىس ورنىن كەڭەيتۋ، تەحنيكالىق كۋرستان وتكىزۋ، قيىنشىلىعى بارلارعا كومەكتەسۋ - سۇيەمەلدەۋ سياقتى ءبىر قىدىرۋ ساياساتتىق شارالاردى العا قويىپ، جۇمىستانۋ جاعدايىن بار كۇشپەن ورنىقتىرىپ، جۇمىستانۋ ساپاسىن جوعارىلاتتى.

جۇمىستانۋدى الدىڭعى ورىنعا قويۋ ساياساتىن كۇشەيتىپ، ءتۇيىندى قاۋىمنىڭ جۇمىستانۋىن ورنىقتىردى جانە كەڭەيتتى

”العاشىندا مەن قىزمەت ورنىمنىڭ ۇيلەسىمدى باعدارىن تابا المادىم، تاربيەشى مەنىڭ قىسقاشا ءومىر بايانىمدى قايتا جازۋىما كومەكتەسىپ، اۆتوكولىك جابدىقتارى جاعىنداعى ناقتى جۇمىس قابىلەتىمدى كورنەكتىلەندىردى، سونداي - اق كاسىپورىنداردىڭ قىزمەتكەر قابىلداۋ ينفورماتسياسىن باعىتتامالى تۇردە جەتكىزدى“. ي - بين شۋەيۋانىنان 2026 - جىلى اۆتوكولىك قىزمەت وتەۋ ينجەنەرياسى كاسىبىنەن وقۋ بىتىرگەن ۋاڭ بو بىلاي دەدى: قازىر سىچۋان حۇڭشىڭ زەردەلى جابدىق شەكتى سەرىكتەستىگىمەن قىزمەتكەر قابىلداۋ كەلىسىمىنە قول قويىستىم، ماماندىعىم سايكەس كەلدى.

ي - بين شۋەيۋانى پارتكومىنىڭ شۋجيى ما حۇڭجياڭ بىلاي دەپ تانىستىردى: مەكتەپ ”ءبىر ادامعا ءبىر ارحيۆ، ءبىر وقۋشىعا ءبىر شارا“ بويىنشا دالمە - ءدال كومەكتەسۋ مەحانيزمىن ورناتىپ، بىردە – ءبىر ادامى جۇمىستانباعان وتباسى، وقۋ بىتىرگەن مۇگەدەك وقۋشى سياقتى ءتۇيىندى قاۋىمعا كەمىندە 3 رەت سىرلاسۋ، اڭگىمەلەسۋ، 3 رەت جۇمىستانۋعا جەتەكشىلىك ەتۋ، 3 رەت جۇمىس تانىستىرۋ ارقىلى جۇمىستانۋدى قالايتىن ءتۇيىندى توپتاعى وقۋ بىتىرگەن وقۋشىلاردى %100 جۇمىستاندىرۋعا قۇلشىندى.

چۇڭچيڭ قالاسىنداعى ءبىر ەرەن بازاردا 41 جاستاعى شارۋا جۇمىسكەر لي يۇڭ زات ارباسىن مۇقيات رەتتەۋدە. ”جارالانعاندىقتان ءجۇرىس - تۇرىسىم قولايسىز، جۇمىستاندىرۋعا كومەكتەسۋ ساياساتىنىڭ ارقاسىندا، ەرەن بازاردىڭ قورعاۋشىسى بولدىم، ايەلىم دە وسىندا ۇن تاعامدارىن پىسىرۋشى بولىپ ىستەيدى“. ول كوڭىلدەنە: ”جۇمىس ورنىمىز ۇيگە جاقىن، ەرلى - زايىپتى ەكەۋمىزدىڭ ايلىق كىرىسىمىزدى قوسقاندا 7000 يۋاننان اسادى“ دەدى.

ەرەن بازاردىڭ باستىعى زوۋ چۋان بىلاي دەپ تانىستىردى: جۇمىستاندىرۋ قوسىمشا قاراجاتى ساياساتىنىڭ پايداسى كاسىپورىنداردىڭ كەڭەيتىپ قابىلداۋىنا ءونىمدى تىرەك بولدى، جىل باسىنان بەرى ەرەن بازارىمىزعا جاڭادان قابىلدانعان قىزمەتكەر 80 ادامنان استى. الدىڭعى جارتى جىلدا چۇڭچيڭ شارۋا جۇمىسكەرلەردىڭ جاقىن ماڭدا جۇمىستانۋىن جەبەپ، 196 مىڭ ادامدى جۇمىستاندىردى، بۇل سايكەس مەزگىلدەگىدەن %6.4 ارتتى.

«جۇمىس ورنىن ورنىقتىرۋ، سيىمدىلىقتى ارتتىرۋ، ساپانى جوعارىلاتۋ ارەكەت جوباسىن» باسىپ تاراتىپ، سىرتقى ورتانىڭ ىقپالىنا ۇشىراعان كاسىپ سالالارىن دامىتۋ ارقىلى جۇمىستانۋعا جەتەلەۋگە قولداۋ كورسەتتى؛ جۇمىس ورنىن ورنىقتىرۋ بويىنشا قاراجات قايتارۋ، تەحنيكالىق قابىلەتتى جوعارىلاتۋ قوسىمشا قاراجاتى، جۇمىس ورنىن كوبەيتۋ قوسىمشا قاراجاتى سياقتى كاسىپورىندارعا تيىمدىلىك جاساۋ، حالىققا پايدا جەتكىزۋ ساياساتتارىن جالعاستىرىپ جانە ساپالى اتقارىپ، ەڭبەك شوعىرلانعان كاسىپورىنداردىڭ جۇمىس ورنىن ورنىقتىرۋىنا دەم بەردى؛ جاستاردىڭ جۇمىستانۋىن اناعۇرلىم كورنەكتى ورىنعا قويىپ، 2026 - جىلى جوعارى مەكتەپ بىتىرگەن وقۋشىلار سياقتى جاستاردىڭ جۇمىستانۋىنا قىزمەت وتەۋدەن قامال الۋ ارەكەتىن باستادى... بيىل جىل باسىنان بەرى ءتۇيىندى كاسىپتەردىڭ جۇمىسشى ىستەتۋىن ورنىقتىرۋ، جۇمىستانۋ كومەسكى كۇشىن اشۋ، جۇمىستانۋ ساپاسىن جوعارىلاتۋ سياقتى جاقتاردا ساياساتتىق شارالار ىركەس - تىركەس العا قويىلدى.

”ءبىز جۇمىستانۋدىڭ جالپى تۇلعالىق ورنىقتىلىعىن ساقتاۋدى كۇش سالا ىلگەرىلەتىپ، قالا - قالاشىقتاردا جاڭادان جۇمىستانعانداردىڭ سانىن نەداۋىر كولەمگە جەتكىزىپ، جوعارى ساپالى، تولىق جۇمىستانۋدا تىڭ ىلگەرىلەۋشىلىككە قول جەتكىزەمىز“ دەدى ادام كۇشى بايلىعى جانە قوعامدىق قامتاماسىزداندىرۋ مينيسترلىگى جوبا - قازىنا تارماق مەكەمەسىنىڭ قاتىستى جاۋاپتىسى.

ادام مەن جۇمىس ورنىنىڭ سايكەسۋ ونىمدىلىگىن جوعارىلاتىپ، قۇرىلىمدىق جۇمىستانۋ قايشىلىعىن كۇش سالا شەشتى

”تاربيەلەنۋ ارقىلى ايلىق ەڭبەكاقىسى 6000 يۋان بولاتىن جۇمىس تاپتىم“. حۋنان ولكەسى يۇڭجوۋ قالاسى لىڭشۇيتان رايونىنداعى قارتتاردى كۇتىمگە الۋعا قىزمەت وتەۋ سەرىكتەستىگىندە پان جىڭلين قابىلەتىنەن ايرىلعان قارتتارعا تۇرمىستىق كۇتىمدەۋ جۇرگىزدى. قىزمەتتەن ايرىلعانىنا كوپ جىل بولعان پان جىڭليننىڭ قىزمەت تابۋى ونشا ءساتتى بولمادى. پان جىڭلين بار سەنىممەن: ”مەن ’يۇڭجوۋ‘ ۋيشين تۇعىرىنان ۇكىمەتتىڭ شەبەرلىككە تاربيەلەۋدى ۇيىمداستىراتىنىن كورىپ، سالاماتتىق كۇتىمدەۋشىلىك كلاسىنا تىزىمدەلدىم. قازىر جەتىلگەن ونەرىم، ورنىقتى جۇمىسىم بار، تۇرمىسىم بارعان سايىن جاقسارىپ كەلەدى“ دەدى.

ءبىر جاعىنان، ءبىر ءبولىم ەڭبەكشىلەردىڭ تەحنيكالىق قابىلەتى ۇيلەسىمسىز بولعاندىقتان جۇمىستانۋى قيىنداۋدا، ەندى ءبىر جاعىنان، ءوتىمدى كاسىپتەردىڭ دارىندىلارى تاپشى بولۋ، قامداۋ مەن قاجەتسىنۋدىڭ ورىن اۋىسۋى سىندى قۇرىلىمدىق قايشىلىق جۇمىستانۋ قىزمەتىنىڭ ءبىر بوگەتى بولۋدا. يۇڭجوۋ ”بۇقارالىق تاپسىرىس، ادام كۇشى بايلىعى جانە قوعامدىق قامتاماسىزداندىرۋ مەكەمەسىنىڭ تاپسىرىسى، قۇرىلىم تاپسىرىسى، كاسىپورىن تاپسىرىسى“ سىندى باۋلۋ ۇلگىسىن جاسامپازدىقپەن العا قويىپ، نازاردى جاساندى زەردەگە تاربيەلەۋشى، درون جۇرگىزۋشى سياقتى تاپشى جۇمىس تۇرلەرىنە شوعىرلاندىرىپ، الدىڭعى جارتى جىلدا رەت سانى بويىنشا 11 مىڭ ادام - رەت تاربيەلەۋ ۇيىمداستىرىپ، 5000 نان ارتىق ادامدى ءساتتى جۇمىستاندىردى.

ادام مەن جۇمىس ورنىنىڭ سايكەسىمدىلىگى _ جوعارى ساپالى، تولىق جۇمىستانۋدىڭ ماكرولىق جاقتاعى ماڭىزدى مازمۇندارىنىڭ ءبىرى. ادام كۇشى بايلىعى جانە قوعامدىق قامتاماسىزداندىرۋ مينيسترلىگى كاسىپتىك قابىلەت قۇرىلىسى تارماق مەكەمەسىنىڭ قاتىستى جاۋاپتىسىنىڭ تانىستىرۋىنشا، ەلىمىز ”شەبەرلىك ارقىلى بولاشاقتى نۇرلاندىرۋعا“ تاربيەلەۋ ارەكەتىن ىشكەرىلەي اتقارىپ، جاساندى زەردە تەحنيكاسى سياقتىلاردى ءتۇيىندى تۇردە ارقاۋ ەتىپ، ارناۋلى كۋرس ۇيىمداستىرادى. ”15 - بەسجىلدىق“ كەزىندە ەلىمىز قوسىمشا قاراجات سيپاتتى كاسىپتىك شەبەرلىككە تاربيەلەۋگە قاتىناسۋ مولشەرىن 50 ميلليون ادام - رەتتەن اسىرىپ، كاسىپكە تىعىز جاناسىپ، جۇمىستاندىرۋعا قىزمەت وتەيدى.

اۋقىمدى جۇمىستانۋ كوزقاراسىن ورناتىپ، جۇمىستانۋدىڭ جاراسىمدى دامۋ ءتاسىلىن ورناتتى

تاڭعى ساعات 5 تە انحۇي ولكەسى بوجوۋ قالاسى چياۋچىڭ رايونى مادەنيەت شاعىن اۋماعىنىڭ جايلى جاتاعىندا شىراق جارقىرادى. 43 جاستاعى تاماق جەتكىزۋشى چىن كۇي ورنىنان اقىرىن تۇرىپ، شىرت ۇيقىدا جاتقان ايەلى مەن بالاسىنا قارادى. 120 شارشى مەتردەن استام بۇل ءۇي قازىر ولاردىڭ جىلى باسپاناسىنا اينالدى، ول بىلاي دەدى: ”بۇل ارادا ءۇي جيھازدارى تولىق، ەشتەڭە الماي - اق ۇيگە تىكە كىرۋگە بولادى، ماياقىسى بازاردان كوپ ارزان ەكەن“. بوجوۋدا جاڭادان جۇمىستانعان قاۋىمعا دەم بەرۋ ءۇشىن 979 جايلى جاتاق سالىندى.

باسپانادان الاڭسىز بولعان سوڭ تۇرمىستا الاڭسىز بولۋ كەرەك. تاياۋدا بوجوۋدا قىزمەت ىستەيتىن تاماق جەتكىزۋشى لي حاۋ كاسىپتىك زاقىمدالۋدى قامتاماسىزداندىرۋ مامىلەسىن تاپسىرىپ الدى، ول بىلاي دەدى: ”جارالانعاننان اقشا العانعا دەيىن، ادام كۇشى بايلىعى جانە قوعامدىق قامتاماسىزداندىرۋ تاراۋلارى جالپى بارىستى قاداعالاپ، كوڭىلىمىزدى ايرىقشا ورنىقتىردى“.

حالىققا قولايلى كوپ ساتىلى قىزمەت وتەۋ جانە جاڭا تۇتىنۋ، شارۋاشىلىق قۇرۋ ورتاسىن قالىپتاستىرىپ، شارۋاشىلىق قۇرۋ دوسجار ەكولوگيالىق شەڭبەرىن قۇردى؛ جاڭا جۇمىستانۋ كۇيىندەگى ادامداردىڭ كاسىپتىك زاقىمدالۋىن قامتاماسىز ەتۋدى تۇيىندە سىناق ەتۋ بۇكىل ەلگە جالپىلاستىرىلىپ، رەفورمانىڭ ساپاسى، ونىمدىلىگى جانە قامتۋ كولەمى جوعارىلاتىلدى؛ بۇكىل ەلدىڭ جۇمىستانۋعا الەۋمەتتىك قىزمەت وتەۋ كارتاسىن اشىپ، جۇمىس ىزدەۋشىلەردىڭ جاقىن ماڭنان قىزمەت تابۋىنا قولايلىلىق جاراتتى ... جەر - جەر، تاراۋلار ساياساتتىق سايكەسۋدى كۇشەيتىپ، دامۋدىڭ جۇمىستانۋعا جەتەكشىلىك ەتۋ قوزعاۋشى كۇشىن كورنەكتىلەندىرىپ، تاماشا جۇمىستانۋ، شارۋاشىلىق قۇرۋ ەكولوگياسىن بەكەمدەپ، ەكونوميكانىڭ ارتۋى مەن جۇمىستانۋ كولەمىن كەڭەيتىپ، ساپاسىن جوعارىلاتۋدىڭ تاماشا اينالىمىن جەبەدى.

ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ قاتىستى جاۋاپتىسى مىنانى ءبىلدىردى: ” ’15 - بەسجىلدىق‘ كەزىندە ەلىمىز ەكونوميكاسىنىڭ ۇزاق ۋاقىت جاقسارۋعا بەت الۋىنىڭ تىرەكتىك شارت - جاعدايى مەن نەگىزگى بەتالىسى وزگەرگەن جوق، جۇمىستاندىرۋ جالپى جاعدايىنىڭ ورنىقتىلىعىن، اۋقىمنىڭ جاقسارۋىن جۇزەگە اسىرۋعا سەنىمىمىز كامىل، قابىلەتىمىز قاپتال جەتەدى. ’ ءتورتتى ورنىقتىرۋ‘ تالابىن بار كۇشپەن تياناقتاندىرىپ، جۇمىستاندىرۋدى الدىمەن ويلاستىرۋ ستراتەگياسىن ىشكەرىلەي اتقارىپ، بەتالىستى كۇشەيتىپ، ارنانى كەڭەيتىپ، ءتۇيىندى قامتاماسىزداندىرىپ، جوعارى ساپالى، تولىق جۇمىستاندىرۋدا تىڭ ىلگەرىلەۋشىلىككە قول جەتكىزۋدى ۇزدىكسىز ىلگەرىلەتەمىز“.

(«حالىق گازەتىنىڭ» تىلشىلەرى چيۋ چاۋ - ي، ليۋ شين - ۋ، يوۋ ي، سۇن چاۋ، لو ياڭچي)