يۇننان تۇندەلەتە حابارلاندىرۋ جاريالادى: ”تومەن باعاداعى ساياحات ۇيىرمەسىنە“ قاتىستى ماسەلەلەر جونىندە تەكسەرۋ جۇرگىزىلەدى 

جۇڭگو اقپارات تورابى 8 – ايدىڭ 17 – كۇنى كۇنميڭنەن حابارلايدى (شى ۋىنجى). 8 – ايدىڭ 16 – كۇنى كەشتە، ورتالىق تەلەۆيزياسىنىڭ ”قازىنا – ەكونوميكا تەكسەرۋى“ جازدىق دەمالىس كەزىندەگى ساياحات سالاسىنداعى بىلىققان جاعدايلاردى اشكەرەلەدى. مۇنىڭ ىشىندە، يۇننان ولكەسىنىڭ كۇنميڭ، شيشۋاڭباننا قاتارلى جەرلەرىندەگى ءبىر ءبولىم ”كوپ جەرگە ساياحاتتاتامىز، تەك ساياحاتتايسىز، زات ساتىپ الۋعا ماجبۇرلەمەيمىز، قوسىمشا اقى الىنبايدى“ دەپ ۋادە بەرگەن ساياحات ۇيىرمەلەرىنە قاتىستى تۇتىنۋعا ساياتىن داۋ – شار ءجيى تۋىلعان. ساياحاتشىلاردىڭ ءىس جۇزىندە ساياحاتتاپ بارعان جەرى ساۋداگەرلەردىڭ ۇگىتتەگەنىمەن سايكەس كەلمەگەن جاعداي اۋىر بولعان، كومەسكى جولمەن زات ساتىپ الۋعا ماجبۇرلەۋ، تۇتىنۋعا ماجبۇرلەۋ، اياق استىنان باعانى قىمباتتاتۋ قاتارلى ماسەلەلەر ءجيى كەزدەسكەن.

سول كۇنى كەشتە، يۇننان ولكەلىك مادەنيەت جانە ساياحات مەڭگەرمەسى جاعداي جونىندە حابارلاندىرۋ جاريالاپ بىلاي دەگەن: حاباردا ايتىلعان ”تومەن باعاداعى ساياحات ۇيىرمەسىنە“ قاتىستى ماسەلەلەر جونىندە، مەڭگەرمەمىز ايرىقشا ءمان بەرىپ، دەرەۋ قاتىستى وبلىس، قالالاردى وسى ىسكە قاتىستى ساياحات سەرىكتەستىكتەرىنە، ساياحات جەتەكشىلەرىنە، زات ساتۋ ورىندارىنا تەكسەرۋ جۇرگىزگە ۇيىمداستىردى. تەكسەرىلىپ انىقتالسا بولعانى، زاڭ – ەرەجەلەر بويىنشا قاتاڭ ءبىر جاقتى ەتىلەدى.

كەلۋ قاينارى: حالىق تورابى