سۋ يگىلىگى مينيسترلىگى: بۇكىل ەلىمىزدەگى 45 وزەندە سۋ دەڭگەيى ءالى دە ساقتىق سىزىعىنان جوعارى دەڭگەيدە تۇر 

بۇگىن تۇستەن بۇرىن، سۋ يگىلىگى مينيسترلىگى كەڭەس وتكىزىپ، بۇكىل ەلىمىزدىڭ تاسقىننان ساقتانۋ جاعدايى جونىندە تۇجىرىم جاسادى.

بۇگىن ساعات 9 عا دەيىن، حيلۇڭجياڭ، ىشكى موڭعۇل، حىنان، جىجياڭ قاتارلى جەرلەردەگى 45 وزەندە سۋ دەڭگەيى ءالى دە ساقتىق سىزىعىنان جوعارى دەڭگەيدە بولعان، ساقتىق دەڭگەيىنەن اسۋ مولشەرى ەڭ جوعارى بولعاندا 3.51 مەترگە جەتكەن، مۇنىڭ ىشىندە 11 وزەندە سۋ دەڭگەيى كەپىلدىك ەتۋ دەڭگەيىنەن جوعارى بولعان.

مەجەلەۋگە قاراعاندا، 8 – ايدىڭ 17 – كۇنىنەن 18 – كۇنىنە دەيىن، جاڭبىر جاۋۋدىڭ جانە جوعارعى اعاردان كەلگەن سۋدىڭ ىقپالىنا بايلانىستى، تايحۋ كولىندە الاپتىق ءىرى تاسقىن تۋىلادى، حيلۇڭجياڭنىڭ جوعارعى اعارىنداعى نەگىزگى اعارى كايكۋكاڭنان سانداۋكاعا دەيىنگى بولىگىندە ساقتىق دەڭگەيىنەن اسقان تاسقىن تۋىلادى، چاڭجياڭنىڭ جوعارعى اعارىنداعى سالالارى مينجياڭ، توجياڭ، دادۋحى وزەندەرىندە، شيجياڭ وزەنىنىڭ جوعارعى اعارىنداعى سالالارى نانپانجياڭ، بەيپانجياڭ قاتارلى نەگىزگى وزەندەردە سۋ دەڭگەيىنىڭ كورنەكتى ارتۋ بارىسى بايقالادى، نوسەرلى رايونداعى ءىشىنارا ورتاشا، شاعىن وزەندەردە ساقتىق دەڭگەيىنەن اسقان تاسقىن تۋىلۋى مۇمكىن. بۇگىن ساعات 8 دەن ەرتەڭ ساعات 8 گە دەيىن، سىچۋاننىڭ ورتا - وڭتۇستىك بولىگىندە، يۇنناننىڭ شىعىس – سولتۇستىك بولىگىندە تاسقىن اپاتى تۋىلۋ ىقتيمالدىعى زور، تاسقىننان ساقتانۋدىڭ قىزعىلت سارى ءتۇستى دابىلى قاعىلدى.

سۋ يگىلىگى مينيسترلىگى تاسقىننان ساقتانۋدىڭ سارى ءتۇستى ساقتىق دابىلىن ساقتاپ قالدى، نوسەر، تاسقىن ىقپال جاسايتىن رايوندارداعى جۇرتشىلىققا ساقتانۋدى ەسكەرتتى.

(ورتالىق تەلەۆيزيا ءتىلشىسى ۋاڭ كايبو، ليۋ يۋەشين)

كەلۋ قاينارى: حالىق تورابى