جياڭ زىمين جولداس دۇنيەگە كەلگەندىگىنىڭ 100 جىلدىعىن ەسكە ءتۇسىرۋ جينالىسى بەيجيڭدە سالتاناتپەن وتكىزىلدى

8 - ايدىڭ 17 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى بەيجيڭدەگى حالىق سارايىندا سالتاناتتى جينالىس وتكىزىپ، ۇلى ماركسيزمشىل، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، جۇڭگوشا سوتسياليزم ۇلى ىستەرىنىڭ كورنەكتى باسشىسى جياڭ زىمين جولداس دۇنيەگە كەلگەندىگىنىڭ 100 جىلدىعىن ەسكە ءتۇسىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناستى ءارى ماڭىزدى ءسوز سويلەدى.

سۋرەتتى شينحۋا اگەنتتىگىنىڭ ءتىلشىسى لي شياڭ تۇسىرگەن

8 - ايدىڭ 17 - كۇنى تۇستەن بۇرىن جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى بەيجيڭدەگى حالىق سارايىندا سالتاناتتى جينالىس وتكىزىپ، ۇلى ماركسيزمشىل، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، جۇڭگوشا سوتسياليزم ۇلى ىستەرىنىڭ كورنەكتى باسشىسى جياڭ زىمين جولداس دۇنيەگە كەلگەندىگىنىڭ 100 جىلدىعىن ەسكە ءتۇسىردى. پارتيا مەن مەملەكەت باسشىلارىنان شي جينپيڭ، لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، حان جىڭ قاتارلىلار جينالىسقا قاتىناستى.

سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن

■ جياڭ زىمين جولداستىڭ سۇبەلى ەڭبەگىن ساعىنا ەسكە الامىز، جياڭ زىمين جولداستىڭ وسكەلەڭ قاسيەتىن ىشكەرىلەي ۇيرەنىپ، بۇكىل پارتيانى، بۇكىل ەلدەگى ءار ۇلت حالقىن جۇڭگوشا سوتسياليزم ىستەرىن ۇزدىكسىز العا ىلگەرىلەتۋگە شابىتتاندىرۋ كەرەك

■ ۇزاق ۋاقىت قۇلشىنۋ ارقىلى پارتيا مەن مەملەكەت ىستەرى گۇلدەنىپ - كوركەيدى، جۇڭگونىڭ بايتاق دالاسى تىنىش، بەرەكەلى بولدى، حالىقتىڭ تۇرمىسى ۇزدىكسىز جاقساردى، جۇڭحۋا ۇلتىنىڭ ۇلى گۇلدەنۋىنىڭ بولاشاعى نۇرلى بولدى، نەشە ۇرپاق ادامداردىڭ العان بەتىنەن قايتپاي كۇرەس جۇرگىزۋ ارمانى بىرتىندەپ رەالدىققا اينالۋدا. بۇكىل پارتيا، بۇكىل ارميا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، سەنىمدى بەكەمدەپ، قايراتتانا العا ۇمتىلىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزىپ، جۇڭگو حالقىنىڭ اناعۇرلىم تاماشا تۇرمىسىن ۇزدىكسىز جاراتىپ، جۇڭحۋا ۇلتىنىڭ اناعۇرلىم ايبىندى داستانىن جازۋىمىز كەرەك!

«حالىق گازەتى»، 8 - ايدىڭ 17 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتى، مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس، مەملەكەتتىك ساياسي كەڭەس، ورتالىق اسكەري ىستەر كوميتەتى 8 - ايدىڭ 17 - كۇنى تۇستەن بۇرىن حالىق سارايىندا سالتاناتتى جينالىس وتكىزىپ، ۇلى ماركسيزمشىل، ۇلى پرولەتاريات توڭكەرىسشىسى، ساياساتشى، اسكەري ىستەر مامانى، ديپلومات، جۇڭگوشا سوتسياليزم ۇلى ىستەرىنىڭ ۇزدىك باسشىسى جياڭ زىمين جولداس دۇنيەگە كەلگەندىگىنىڭ 100 جىلدىعىن ەسكە ءتۇسىردى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى ءسوز سويلەپ بىلاي دەپ باسا دارىپتەدى: جياڭ زىمين جولداستىڭ سۇبەلى ەڭبەگىن ساعىنا ەسكە الامىز، جياڭ زىمين جولداستىڭ وسكەلەڭ قاسيەتىن ىشكەرىلەي ۇيرەنىپ، بۇكىل پارتيانى، بۇكىل ەلدەگى ءار ۇلت حالقىن جۇڭگوشا سوتسياليزم ىستەرىن ۇزدىكسىز العا ىلگەرىلەتۋگە شابىتتاندىرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەلەرى لي چياڭ، جاۋ لىجي، ۋاڭ حۋنيڭ، ساي چي، ديڭ شۋەشياڭ، لي شي، مەملەكەت ءتوراعاسىنىڭ ورىنباسارى حان جىڭ جينالىسقا قاتىناستى.

حالىق سارايىنىڭ ۇلكەن زالى تىنىشتىققا شومدى. ءتوراعالار مىنبەسىنىڭ جوعارعى جاعىنا ”جياڭ زىمين جولداس دۇنيەگە كەلگەندىگىنىڭ 100 جىلدىعىن ەسكە ءتۇسىرۋ جينالىسى“ دەگەن ءماجىلىس بەلگىسى ىلىنگەن، ارتقى پەردەنىڭ ءدال ورتاسىنا جياڭ زىمين جولداستىڭ ۇلكەن سۋرەتى قويىلعان، استىڭعى جاعىنا ”1926 − 2026“ دەگەن جازۋ جازىلعان. 2 - قاباتتاعى تەكشەگە ”شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزەيىك!“ دەگەن ۇران ىلىنگەن.

تۇستەن بۇرىن ساعات 10:00 دا جينالىس ايبىندى مەملەكەت انىمەن باستالدى.

شي جينپيڭ ماڭىزدى ءسوز سويلەدى. ول بىلاي دەپ اتاپ كورسەتتى: جياڭ زىمين جولداستىڭ ءومىرى − شۇعىلالى ءومىر، جاۋىنگەرلىك ٴومىر، ول حالىقتىڭ ازاتتىعىنا قول جەتكىزۋ جانە مەملەكەتتىڭ قۇدىرەتتەنۋىن، حالىقتىڭ باقىتىن جۇزەگە اسىرۋ جولىندا اقتىق دەمىنە دەيىن قىزمەت ەتىپ، ءومىر بويى كۇرەس جۇرگىزدى. ول سوتسياليستىك زاتتىق مادەنيەت، ساياسي مادەنيەت، رۋحاني مادەنيەت قۇرىلىسىن جانە پارتيا قۇرىلىسىن ىلگەرىلەتۋگە جەتەكشىلىك ەتىپ، دۇنيە ءجۇزىن قايران قالدىراتىن تىڭ ىلگەرلەۋلەردى قولعا كەلتىرىپ، جۇڭگوشا سوتسياليزم ۇلى ىستەرىن قورعاۋ، جاپپاي رەفورما جاساپ، ەسىك اشۋدىڭ جاڭا اۋقىمىن جاراتتى، حالىق تۇرمىسىن جاپپاي دوڭگەلەك داۋلەتكە جەتكىزىپ، جۇڭگوشا سوتسياليزمدى 21 - عاسىرعا ءساتتى بەتالدىرۋ ءۇشىن وشپەس ۇلەس قوستى، بۇكىل پارتيانىڭ، بۇكىل ارميانىڭ، بۇكىل ەلدەگى ءار ۇلت حالقىنىڭ شىنايى قۇرمەتىنە جانە حالىقارالىق قوعامنىڭ جاپپاي القاۋىنا يە بولدى.

شي جينپيڭ بىلاي دەپ باسا دارىپتەدى: 70 نەشە جىلدىق توڭكەرىستىك ومىرىندە، اسىرەسە، پارتيا 13 - كەزەكتى ورتالىق كوميتەتىنىڭ ءتورتىنشى جالپى ماجىلىسىنەن كەيىن پارتيا مەن مەملەكەت ىستەرىندە وراسان زور تابىستارعا قول جەتكىزۋدى ىلگەرىلەتۋ ۇلى امالياتىندا جياڭ زىمين جولداس ماركسيزمشىل ساياساتشى رەتىندەگى ۇلى ونەرىن، شەشۋشى رولىن، باسشىلىق ونەرىن تولىق ايگىلەپ، ءبىزدىڭ ماڭگى ۇيرەنۋىمىزگە تاتيتىن، ماڭگى العا باسۋىمىزعا دەم بەرەتىن وسكەلەڭ قاسيەت ورناتتى.

شي جينپيڭ بىلاي دەپ اتاپ كورسەتتى: جياڭ زىمين جولداس كوممۋنيزم مۇراتىنان اينىماي، پارتيا مەن حالىققا شەكسىز ادال بولىپ، پارتيا مەن حالىق ىستەرى جولىندا قاجىماي - تالماي كۇرەس جۇرگىزدى. ءبىز ونىڭ مىزعىماس ساياسي سەنىمىنەن ۇيرەنىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، ماركسيزمگە سەنىمدى، كوممۋنيزمگە سەنىمدى، جۇڭگوشا سوتسياليزمگە سەنىمدى بەكەمدەپ، پارتيانىڭ نەگىزگى نازارياسىنا، نەگىزگى لۋشيانىنا، نەگىزگى جالپى جوباسىنا تاباندى بولىپ، سانالى تۇردە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداۋىمىز كەرەك. پارتيانىڭ جاپپاي باسشىلىعى مەن پارتيا ورتالىق كوميتەتىنىڭ ورتالىقتانعان ءبىر تۇتاس باسشىلىعىنا تاباندى بولىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، پارتيانىڭ باستان - اياق جۇڭگوشا سوتسياليزم ىستەرىنىڭ پارمەندى باسشىلىق ۇيتقىسى بولۋىنا شىنايى كەپىلدىك ەتۋىمىز كەرەك.

شي جينپيڭ بىلاي دەپ باسا دارىپتەدى: جياڭ زىمين جولداس باستان - اياق حالىق مايدانىندا تۇرىپ، حالىق بۇقاراسىنىڭ مۇڭ - مۇقتاجىنا كوڭىل ءبولىپ، قالىڭ حالىقتىڭ ءتۇبىرلى مۇددەسىن شىعار ءتۇيىن ەتە وتىرىپ قىزمەتتەردى ورنالاستىردى جانە ىلگەرىلەتتى. ءبىز ونىڭ حالىققا دەگەن شىنايى سۇيىسپەنشىلىگىنەن ۇيرەنىپ، بيلىك دەگەنىمىز حالىق، حالىق دەگەنىمىز بيلىك دەگەندى ەستە بەرىك ساقتاپ، حالىقتى وزەك ەتكەن دامۋ يدەياسىنا تاباندى بولىپ، دۇرىس ساياسي ناتيجە كوزقاراسىن ورناتىپ جانە امالياتتا ايگىلەپ، حالىقتىق مايداندا بەرىك تۇرىپ، حالىق قىزمەتكەرى تانىمىن كۇشەيتىپ، جاڭا داۋىردەگى پارتيانىڭ بۇقارالىق لۋشيانىمەن ويداعىداي ءجۇرىپ، حالىققا سۇيەنىپ تاريحي ۇلى ىستەردى جاراتىپ، ادامنىڭ جان - جاقتى دامۋىن، جالپى حالىقتىڭ بىرگە اۋقاتتانۋىن ىلگەرىلەتۋدە نىق قادام تاستاۋىمىز كەرەك.

شي جينپيڭ بىلاي دەپ اتاپ كورسەتتى: جياڭ زىمين جولداس يدەيانى ازات ەتۋگە، شىندىقتى ءىس جۇزىنەن ىزدەۋگە، داۋىرمەن بىرگە العا باسۋعا تاباندى بولىپ، ءداۋىردىڭ دامۋ تالابى مەن امالياتتىق دامۋ قاجەتىنە سايكەسىپ، نازاريادا، تۇزىمدە، عىلىم - تەحنيكادا، مادەنيەتتە، سونداي - اق باسقا دا جاقتاردا جاڭالىق اشۋدى ۇزدىكسىز ىلگەرىلەتتى.

ءبىز ونىڭ داۋىرمەن بىرگە العا باسقان جاڭالىق اشۋ رۋحىنان ۇيرەنىپ، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋعا تاباندى بولىپ، ماركسيزمنىڭ جۇڭگوشالانۋىنىڭ، زامانالانۋىنىڭ جاڭا ءورىسىن ۇزدىكسىز اشۋىمىز كەرەك. رەفورما جاساپ، ەسىك اشۋدى اناعۇرلىم جاپپاي تەرەڭدەتىپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، بۇكىل پارتيانىڭ، بۇكىل قوعامنىڭ جاسامپازدىق ومىرشەڭدىگىن قاۋلاتىپ، ەكونوميكانىڭ، قوعامنىڭ دامۋىنا سارقىلماس قوزعاۋشى كۇش ۇستەۋ كەرەك.

شي جينپيڭ بىلاي دەپ باسا دارىپتەدى: جياڭ زىمين جولداستىڭ كوز اياسى كەڭ، اۋقىمدى باعامداي بىلەدى، جۇڭگو مەن دۇنيە ءجۇزىنىڭ دامۋ اۋقىمىن، پارتيا مەن مەملەكەت قىزمەتىنىڭ جالپى جاعدايىن شىعار ءتۇيىن ەتە وتىرىپ ماسەلەلەرگە كوز جىبەرىپ جانە وي جۇگىرتۋگە شەبەر بولىپ، پارتيا مەن مەملەكەت ىستەرىنىڭ دامۋىن دۇنيە جۇزىنە، بولاشاققا نازار سالاتىن ءبىر قىدىرۋ كەلەلى شەشىمدەرمەن، ماڭىزدى شارالارمەن ىلگەرىلەتتى. ءبىز ونىڭ بولاشاقتى كوزدەيتىن ستراتەگيالىق ويىنان ۇيرەنىپ، جۇڭحۋا ۇلتىنىڭ ۇلى گۇلدەنۋى سىندى ستراتەگيالىق جالپى جاعداي مەن دۇنيە جۇزىندە 100 جىلدا بولماعان زور وزگەرىستى ءبىر تۇتاس جوسپارلاپ، ۇلى كۇرەستى، ۇلى ينجەنەريانى، ۇلى ءىستى، ۇلى ارماندى ءبىر تۇتاس مەڭگەرىپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ ۇستانىمىن تولىق، دالمە - ءدال جاپپاي دايەكتىلەندىرىپ، جاڭا دامۋ ارناسىن جەدەل ورناتىپ، جوعارى ساپالى دامۋدى تىڭعىلىقتى ىلگەرىلەتۋىمىز كەرەك. دۇنيە جۇزىلىك دامۋ باستاماسىن، دۇنيە جۇزىلىك حاۋىپسىزدىك باستاماسىن، دۇنيە جۇزىلىك وركەنيەت باستاماسىن، دۇنيە جۇزىلىك جونگە سالۋ باستاماسىن تياناقتاندىرۋدى ىلگەرىلەتىپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتىپ، دۇنيە ءجۇزىنىڭ بەيبىتشىلىگى مەن دامۋىنا اناعۇرلىم كوپ وڭ ەنەرگيا ۇستەۋىمىز كەرەك.

شي جينپيڭ بىلاي دەپ اتاپ كورسەتتى: جياڭ زىمين جولداس كەلەلى تاريحي كەزەڭدە جانە شەشۋشى ساتتە باتىل شەشىم جاساپ، حاۋىپ - قاتەرگە، سىن - سايىسقا بايسالدىلىقپەن توتەپ بەرىپ، قيىنشىلىقتار مەن حاۋىپ - قاتەرلەردى باتىل جەڭىپ، وسىزامانداندىرۋ قۇرىلىسىنا كەڭ ءورىس اشىپ، تاماشا ورتا ازىرلەدى. ءبىز ونىڭ قايسار دا كەسكىن ەلدەن ەرەك باتىلدىعىنان ۇيرەنىپ، تاۋقىمەت تانىمىن كۇشەيتىپ، تومەنگى شەك وي جۇيەسىن ورناتىپ، دامۋ مەن حاۋىپسىزدىكتى اناعۇرلىم ويداعىداي ءبىر تۇتاس جوسپارلاپ، قايىسپاس كۇرەسكەرلىك رۋحپەن، ەرەن كۇرەس قابىلەتىمەن داۋىلدى تولقىندار مەن اساۋ تولقىنداردىڭ، ءتىپتى، دۇلەي تولقىنداردىڭ كەلەلى سىناعىنا بەلسەنە توتەپ بەرىپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن باتىل قورعاپ، ەكونوميكانىڭ تەز قارقىنمەن دامۋى مەن قوعامنىڭ ۇزاق ۋاقىت ورنىقتىلىعى سىندى ەكى ۇلكەن كەرەمەتتىڭ جاڭا داستانىن ۇزدىكسىز جازۋىمىز كەرەك.

شي جينپيڭ بىلاي دەپ باسا دارىپتەدى: ۇزاق ۋاقىت قۇلشىنۋ ارقىلى پارتيا مەن مەملەكەت ىستەرى گۇلدەنىپ - كوركەيدى، جۇڭگونىڭ بايتاق دالاسى تىنىش، بەرەكەلى بولدى، حالىقتىڭ تۇرمىسى ۇزدىكسىز جاقساردى، جۇڭحۋا ۇلتىنىڭ ۇلى گۇلدەنۋىنىڭ بولاشاعى نۇرلى بولدى، نەشە ۇرپاق ادامداردىڭ العان بەتىنەن قايتپاي كۇرەس جۇرگىزۋ ارمانى بىرتىندەپ رەالدىققا اينالۋدا. بۇكىل پارتيا، بۇكىل ارميا، بۇكىل ەلدەگى ءار ۇلت حالقى پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، جۇڭگوشا سوتسياليزم ۇلى تۋىن بيىك ۇستاپ، سەنىمدى بەكەمدەپ، قايراتتانا العا ۇمتىلىپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا قاجىماي - تالماي كۇرەس جۇرگىزىپ، جۇڭگو حالقىنىڭ اناعۇرلىم تاماشا تۇرمىسىن ۇزدىكسىز جاراتىپ، جۇڭحۋا ۇلتىنىڭ اناعۇرلىم ايبىندى داستانىن جازۋىمىز كەرەك!

لي چياڭ جينالىستى باسقارعاندا بىلاي دەپ اتاپ كورسەتتى: باس شۋجي شي جينپيڭ ماڭىزدى سوزىندە جياڭ زىمين جولداستىڭ شۇعىلالى جاۋىنگەرلىك ءومىرىن ەسكە الىپ، جياڭ زىمين جولداستىڭ پارتيا مەن حالىق ءۇشىن سىڭىرگەن وشپەس ەڭبەگىن جوعارى باعالاپ، جياڭ زىمين جولداستىڭ وسكەلەڭ قاسيەتىن جۇيەلى جيناقتادى، جياڭ زىمين جولداستىڭ مىزعىماس ساياسي سەنىمىن، حالىققا دەگەن شىنايى سۇيىسپەنشىلىگىن، داۋىرمەن بىرگە العا باساتىن جاڭالىق جاراتۋ رۋحىن، بولاشاقتى كوزدەيتىن ستراتەگيالىق وي جۇيەسىن، باتىل دا كەسكىن ەرەكشە باتىلدىعىن مۇقيات ۇيرەنۋدى باسا دارىپتەدى. ءسوز اسا كۇشتى ساياسيلىققا، يدەيالىققا، جەتەكشىلىككە يە، ءبىز ىشكەرىلەي ۇيرەنىپ، ءتۇسىنىپ، دايەكتىلەندىرۋدى، تياناقتاندىرۋدى ويداعىداي يگەرىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ ءتۇسىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جۇڭگو ۇلگىسىندەگى وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ ءۇشىن قاجىماي - تالماي كۇرەس جۇرگىزۋىمىز كەرەك.

جينالىس ايبىندى «ينتەرناتسيونال انىمەن» اياقتادى.

جينالىسقا تاعى تومەندەگىلەر قاتىناستى: ۋاڭ ي، يىن لي، شى تايفىڭ، ليۋ گوجۇڭ، لي گانجيە، لي شۋلەي، لي حۇڭجۇڭ، حى ليفىڭ، جاڭ گوچيڭ، چىن ۋىنچيڭ، ۋىن جياباۋ، جيا چيڭلين، جاڭ دىجياڭ، يۇي جىڭشىڭ، لي جانشۋ، ۋاڭ ياڭ، لي لانچيڭ، زىڭ چيڭحۇڭ، لي چاڭچۇن، حى گوچياڭ، ليۋ يۇنشان، ۋاڭ چيشان، جاڭ گاۋلي، جۇڭگو كوممۋنيستىك پارتياسى ورتالىق كوميتەتىنىڭ شۋجيچۋىنداعى، مەملەكەتتىك حالىق قۇرىلتايى تۇراقتى كوميتەتىندەگى، مەملەكەتتىك كەڭەستەگى، ەڭ جوعارى حالىق سوتى مەكەمەسىندەگى، ەڭ جوعارى حالىق پروكۋراتۋراسىنداعى، مەملەكەتتىك ساياسي كەڭەستەگى، ورتالىق اسكەري ىستەر كوميتەتىندەگى باسشى جولداستار جانە باسشىلىق مىندەتىنەن بوساعان جولداستار.

ورتالىقتاعى پارتيا، ۇكىمەت، ارميا تاراۋلارىنداعى، بۇقارالىق تاراۋلارداعى جانە بەيجيڭ قالاسىنداعى نەگىزگى جاۋاپتى جولداستار، ءارقايسى دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارى جانە پارتيادا، توپتا جوق قايراتكەرلەردىڭ ۋاكىلدەرى، بەيجيڭدەگى ورتالىق كوميتەت مۇشەلەرى، ورتالىق كوميتەتتىڭ كانديدات مۇشەلەرى، بەيجيڭدەگى مەملەكەتتىك حالىق قۇرىلتايى تۇراقتى كوميتەتىنىڭ مۇشەلەرى، مەملەكەتتىك ساياسي كەڭەستىڭ تۇراقتى مۇشەلەرى، ساقا كادرلاردىڭ، ساقا جولداستاردىڭ ۋاكىلدەرى، جياڭ زىمين جولداستىڭ تۋىس - تۋعاندارى، بۇرىنعى جانىنداعى قىزمەتكەرلەر جانە اۋىلداستارىنىڭ ۋاكىلدەرى، جياڭ زىميننىڭ ءومىرى مەن يدەياسى تالقى ماجىلىسىنە قاتىناسقان ۋاكىلدەر، استاناداعى ءار سالا جۇرتشىلىعىنىڭ ۋاكىلدەرى، بەيجيڭدە تۇراتىن اسكەري بولىمدەردەگى كوماندير - جاۋىنگەرلەردىڭ ۋاكىلدەرى بولىپ 6000 داي ادام جينالىسقا قاتىناستى.

جينالىس باستالاردان بۇرىن شي جينپيڭ قاتارلى باسشى جولداستار جياڭ زىمين جولداستىڭ تۋىس - تۋعاندارىمەن ىقىلاسپەن كەزدەستى ءارى ولارمەن بىرگە سۋرەتكە ءتۇسىپ ەستەلىك قالدىردى.