شي جينپيڭ تەلەگرامما جولداپ باكانىڭ ۆەنگريانىڭ زۇڭتۇڭى بولىپ تاعايىندالعانىن قۇتتىقتادى

شينحۋا اگەنتتىگى، 8 - ايدىڭ 19 - كۇنى، بەيجيڭ. 8 - ايدىڭ 19 - كۇنى مەملەكەت ءتوراعاسى شي جينپيڭ باكا اندراسقا تەلەگرامما جولداپ، ونىڭ ۆەنگريانىڭ زۇڭتۇڭى بولىپ تاعايىندالعانىن قۇتتىقتادى.

شي جينپيڭ بىلاي دەپ اتاپ كورسەتتى: ۆەنگريا − جاڭا جۇڭگونى ەڭ ەرتە مويىنداعان ەلدەردىڭ ءبىرى، جۇڭگو - ۆەنگريا ەكى ەلدىڭ ءداستۇرلى دوستىعى ارىدان باستالادى. ديپلوماتيالىق قاتىناس ورناتقان 77 جىلدان بەرى ەكى جاق باستان - اياق ءوزارا قۇرمەت ەتۋگە، تەڭ تۇرعىدا مامىلە جاساۋعا، ءوزارا پايدا جەتكىزىپ، تەڭ يگىلىككە كەنەلۋگە تاباندى بولىپ، ءار سالاداعى سەلبەستىكتە كورنەكتى تابىسقا قول جەتكىزدى. مەن جۇڭگو - ۆەنگريا قاتىناسىنىڭ دامۋىنا ايرىقشا ءمان بەرەمىن، باكا زۇڭتۇڭمەن بىرگە قۇلشىنىپ، ءداستۇرلى دوستىقتى جالعاستىرىپ، ساياسي ءوزارا سەنىمدىلىكتى جانە ءار سالاداعى ناقتى سەلبەستىكتى تەرەڭدەتىپ، جۇڭگو مەن ۆەنگريانىڭ جاڭا داۋىردەگى جالپى بەتتىك ستراتەگيالىق سەرىكتەستىك قاتىناسىنىڭ ورنىقتى، باياندى دامۋىن ىلگەرىلەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.