حالىق قۇرىلتايى تۇراقتى كوميتەتى | اۋىل شارۋاشىلىعى زاڭىنا وزگەرىس ەنگىزۋ جوباسىنىڭ ەكىنشى رەت قارالاتىن نۇسقاسىندا اۋىل شارۋاشىلىعى جانە اۋىل – قىستاق ەكونوميكاسىن دامىتۋعا قولداۋ كورسەتۋ شارالارىن كەمەلدەندىرۋ ويلاستىرىلعان 

شينحۋا اگەنتتىگىنىڭ 8 – ايدىڭ 25 – كۇنى بەيجيڭنەن بەرگەن حابارى (ءتىلشى حۋ لۋ، حان جيانو). اۋىل شارۋاشىلىعى زاڭىنا وزگەرىس ەنگىزۋ جوباسىنىڭ ەكىنشى رەت قارالاتىن نۇسقاسى 8 - ايدىڭ 25 – كۇنى 14 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 24 – رەتكى ماجىلىسىندە قاراۋعا ۇسىنىلدى. جوبانىڭ ەكىنشى رەت قارالاتىن نۇسقاسىندا اۋىل شارۋاشىلىعى مەن اۋىل – قىستاق ەكونوميكاسىن دامىتۋعا قولداۋ كورسەتۋ شارالارىن كەمەلدەندىرۋ ويلاستىرىلعان.

اۋىل شارۋاشىلىعى زاڭىنا وزگەرىس ەنگىزۋ جوباسى بيىل 4 – ايدا تۇڭعىش رەت مەملەكەتتىك حالىق قۇرىلتايى تۇراقتى كوميتەتى ءماجىلىسىنىڭ قاراۋىنا ۇسىنىلىپ، ماجىلىستەن كەيىن قوعامداعى جۇرتشىلىقتان پىكىر قابىلدانعان. كوپ جاقتىڭ پىكىر – ۇسىنىستارىن سۇراستىرۋ ارقىلى وسى رەت قاراۋعا ۇسىنىلعان جوبانىڭ ەكىنشى رەت قارالاتىن نۇسقاسى قالىپتاستىرىلعان.

تۇراقتى كوميتەت قۇرامىنداعى كەيبىر مۇشەلەر مەن جەرگىلىكتى ورىندار، تاراۋلار اۋىل شارۋاشىلىعى مەن اۋىل – قىستاق ەكونوميكاسىن دامىتۋعا قولداۋ كورسەتۋ شارالارىن كەمەلدەندىرۋ جونىندە ۇسىنىس بەرگەن. وسى جونىندە، جوبانىڭ ەكىنشى رەت قارالاتىن نۇسقاسىنا بەلگىلەمەلەر قوسىلعان، مۇندا عىلىم – تەحنولوگيالىق اۋىل شارۋاشىلىعىن، جاسىل اۋىل شارۋاشىلىعىن، ساپالى اۋىل شارۋاشىلىعىن، ماركالى اۋىل شارۋاشىلىعىن ءبىرتۇتاس جوسپارلاپ دامىتۋ؛ تۇقىم شارۋاشىلىعىنىڭ حاۋىپسىزدىگىن قورعاپ، تۇقىم شارۋاشىلىعىن وسىزامانداندىرۋ دەڭگەيىن جوعارىلاتۋ؛ اۋىل شارۋاشىلىعى قامسىزداندىرۋىنىڭ قامتاماسىزداندىرۋ دەڭگەيى مەن قىزمەت وتەۋ ساپاسىن جوعارىلاتۋ؛ زاتتىق ينتەرنەت، جاساندى زەردە قاتارلى جاڭا تەحنولوگيالاردى اۋىل شارۋاشىلىعى وندىرىسىمەن، تيجاراتىمەن، باسقارۋمەن توعىستىرۋعا شابىتتاندىرۋ قامتىلادى.

اۋىل – قىستاق قۇرىلىسى مەن اۋىل – قىستاقتى باسقارۋدى كۇشەيتۋ اۋىل شارۋاشىلىعى مەن اۋىل – قىستاق ەكونوميكاسىن دامىتۋدا توتەنشە ماڭىزدى. جوبانىڭ ەكىنشى رەت قارالاتىن نۇسقاسىنا مىناداي بەلگىلەمە قوسىلدى: مەملەكەت اۋىل – قىستاقتى باسقارۋدى كۇشەيتىپ، تىنىش اۋىل – قىستاق قۇرىلىسىن ىلگەرىلەتىپ، جاراسىمدى دا ءتارتىپتى اۋىل – قىستاق قوعامىن قالىپتاستىرىپ، قالىڭ ديقانداردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز كۇشەيتەدى.

فورماشىلدىقتى وڭاۋ ارقىلى نەگىزگى ساتىنىڭ اۋىرتپالىعىن جەڭىلدەتۋ تالابىن تياناقتاندىرۋ ءۇشىن، جوبانىڭ ەكىنشى رەت قارالاتىن نۇسقاسىنا ءار دارەجەلى حالىق ۇكىمەتتەرى فورماشىلدىقتى وڭاۋ ارقىلى نەگىزگى ساتىنىڭ اۋىرتپالىعىن جەڭىلدەتۋدىڭ ۇزاق ۋاقىتتىق ءونىمدى مەحانيزمىن ورناتۋى جانە كەمەلدەندىرۋى كەرەك دەگەن بەلگىلەمە قوسىلدى. مۇنان سىرت، جوبانىڭ ەكىنشى رەت قارالاتىن نۇسقاسىندا مەملەكەتتىڭ تەڭدىك پەن ءوزارا تيىمدىلىك جەتكىزۋ، سەلبەستىك ارقىلى بىرگە يگىلىككە كەنەلۋ باعىتىنا تاباندى بولىپ، اۋىل شارۋاشىلىعى سالاسىنداعى حالىقارالىق اۋىس – كۇيىس پەن سەلبەستىكتى ورىستەتۋگە قولداۋ كورسەتەتىنى، اۋىل شارۋاشىلىعىن باياندى دامىتۋ مەن استىق حاۋىپسىزدىگىنە ساياتىن حالىقارالىق جونگە سالۋ ىستەرىنە بەلسەندى تۇردە ات سالىساتىنى بەلگىلەنگەن.

كەلۋ قاينارى: حالىق تورابى