14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 24 - ءماجىلىسى بەيجيڭدە وتكىزىلدى

«حالىق گازەتى»، 8 - ايدىڭ 25 - كۇنى، بەيجيڭ (ءتىلشى پىڭ بو). 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 24 - ءماجىلىسى 8 - ايدىڭ 25 - كۇنى تۇستەن بۇرىن بەيجيڭدەگى حالىق سارايىندا ءبىرىنشى جالپى جيىنىن وتكىزدى. كوميتەت باستىعى جاۋ لىجي باسقاردى.

تۇراقتى كوميتەت قۇرامىنداعىلاردان 149 ادام ماجىلىسكە قاتىناستى، ماجىلىسكە قاتىناسقان ادام سانى زاڭدا بەلگىلەنگەن ادام سانىنا ۇيلەسەدى.

ءماجىلىس مەملەكەتتىك حالىق قۇرىلتايى نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى سۇڭ بين جاساعان ەمدەلۋدى قامتاماسىزداندىرۋ زاڭى جوباسىن قاراۋ ناتيجەسى جونىندە جاساعان باياندامانى تىڭدادى. جوبانىڭ 3 - رەت قارالعان نۇسقاسىندا زاڭ شىعارۋ ماقساتىنا ”سالاماتتىقتى الدىمەن دامىتۋ ستراتەگياسىن تياناقتاندىرۋ“ دەگەن مازمۇن قوسىلىپ، ەمدەلۋدى قامتاماسىزداندىرۋ جۇيەسىنىڭ قاتىستى بەلگىلەمەلەرى اناعۇرلىم كەمەلدەندىرىلدى، ەمدەلۋدى قامتاماسىزداندىرۋ قورىن پايدالانۋ، باسقارۋعا قاتىستى بەلگىلەمەلەر تولىقتىرىلدى، باسقا جەردە ەمدەلۋ، ءدارى - دارمەك قاراجاتىنىڭ ەسەبىن جابۋ تالابى ناقتىلاندى، ۇزاق ۋاقىت كۇتىمدەلۋدى قامتاماسىزداندىرۋعا قاتىستى بەلگىلەمەلەر كوبەيتىلىپ، قاتىستى زاڭدىق جاۋاپكەرلىك بەلگىلەمەلەرى كەمەلدەندىرىلدى.

ءماجىلىس نەگىزگى زاڭ جانە زاڭدار كوميتەتىنىڭ مەڭگەرۋشى مۇشەسى شين چۇنيىڭ جاساعان ەگىستىك جەردى قورعاۋ جانە ساپالىلاندىرۋ زاڭى جوباسىن قاراۋ ناتيجەسى جونىندە جاساعان باياندامانى تىڭدادى. جوبانىڭ 3 - رەت قارالعان نۇسقاسىنا جوعارى مەكتەپتەر، عىلمي زەرتتەۋ ورىندارى سياقتىلاردىڭ ەگىستىك جەردى قورعاۋ جانە ساپاسىن جوعارىلاتۋ جاعىنداعى دارىندىلاردى تاربيەلەۋدى كۇشەيتۋىنە دەم بەرۋ جونىندەگى بەلگىلەمە قوسىلدى؛ وزەن - كولدەردى باسقارۋ كولەمىندەگى جەرلەردى پرينسيپتىك جاقتان ەگىستىك جەردى تولىقتاۋدىڭ قاينارى ەتپەۋ؛ جوعارى ولشەمدى ەگىس اتىزى قۇرىلىسى قارجىسىنا باقىلاۋ - باسقارۋدى كۇشەيتۋ؛ قۇمايتتانعان، كەرىشتەنگەن، شالشىقتانعان ەگىستىك جەرلەردى جان - جاقتى جونگە سالۋ، توپىراقتىڭ شايىلۋىنان ساقتانۋ جانە ونى جونگە سالۋ جونىندەگى بەلگىلەمە قوسىلدى؛ قارا توپىراقتى قورعاۋ تەبىنى ارتتىرىلدى.

ءماجىلىس شين چۇنيىڭ جاساعان اۋىل شارۋاشىلىق زاڭىنا وزگەرىس ەنگىزۋ جوباسىن قاراۋ ناتيجەسى جونىندە جاساعان باياندامانى تىڭدادى. جوبانىڭ ەكىنشى رەت قارالعان نۇسقاسىندا اۋىل شارۋاشىلىعى مەن اۋىل - قىستاق ەكونوميكاسىنىڭ دامۋىن قولداۋ شارالارى كەمەلدەندىرىلىپ، اۋىل شارۋاشىلىعى سالاسىنداعى حالىقارالىق اۋىس - كۇيىس پەن سەلبەستىكتىڭ مازمۇنى تولىقتىرىلىپ، شارۋالاردىڭ ۇقىق - مۇددەسىن قورعاۋ جونىندەگى بەلگىلەمەلەر كەمەلدەندىرىلىپ، اۋىل - قىستاق قۇرىلىسى مەن جونگە سالۋ كۇشەيتىلىپ، ەكولوگيالىق ورتا زاڭناماسى سياقتى زاڭدارمەن ۇشتاسۋ ونان ارى ويداعىداي ورىندالدى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى لو يۋان جاساعان قورعانىستىق اتتانىسقا كەلتىرۋ زاڭىنىڭ وزگەرىس ەنگىزىلگەن جوباسىن قاراۋ ناتيجەسى جونىندە جاساعان باياندامانى تىڭدادى. جوبانىڭ 2 - رەت قارالعان نۇسقاسىندا قورعانىستىق اتتانىسقا كەلتىرۋ ۇعىمى ايقىندالدى؛ قورعانىستىق اتتانىسقا كەلتىرۋ ساندى مالىمەتتەرىن جيناۋ، پايدالانۋ جانە حاۋىپسىزدىكتى باسقارۋ بەلگىلەمەلەرى ونان ارى ايقىندالدى؛ وزىق تەحنيكالاردىڭ قولدانىلۋىن ىلگەرىلەتۋ، جاڭادان گۇلدەنگەن سالالارداعى قورعانىستىق اتتانىسقا كەلتىرۋ كۇشتەرىن دامىتۋ جونىندە بەلگىلەمە قوسىلدى، قورعانىستىق اتتانىسقا كەلتىرۋ ينفورماتسياسىن جالعاننان جاساۋ، تاراتۋ ارەكەتتەرىنە تيىم سالۋ سيپاتىندىق بەلگىلەمەلەر جاسالدى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى يۋان شۋحۇڭ جاساعان ادۆوكاتتار زاڭىنا وزگەرىس ەنگىزۋ جوباسىن قاراۋ ناتيجەسى جونىندە جاساعان باياندامانى تىڭدادى. جوبادا نەگىزگى زاڭدى زاڭ شىعارۋدىڭ نەگىزى ەتۋ ايقىندالدى؛ شەتەلگە ساياتىن زاڭدىق قىزمەت وتەۋ تارماقتارىنا قاتىستى بەلگىلەمەلەر ونان ارى كەمەلدەندىرىلدى؛ زاڭدىق كومەك بەرۋ زاڭىنا سايكەسەتىن بەلگىلەمەلەر قوسىلدى.

ءماجىلىس نەگىزگى زاڭ جانە زاڭدار كوميتەتىنىڭ ورىنباسار مەڭگەرۋشى مۇشەسى ۋاڭ حۇڭشياڭ جاساعان كاسىپورىننىڭ كۇيرەۋى زاڭىنىڭ وزگەرىس ەنگىزىلگەن جوباسىنا وزگەرىس ەنگىزۋ احۋالى جونىندە جاساعان مالىمدەمەنى تىڭدادى. جوبانىڭ 2 - رەت قارالعان نۇسقاسىندا ىلىكتەس جەكە قارىزدانۋشىنىڭ كۇيرەۋىنە قاتىستى تۇزىمدەر ەگجەي - تەگجەيلى كەمەلدەندىرىلىپ، الاشاق ادامنىڭ، بەرەشەك ادامنىڭ زاڭدى ۇقىق - مۇددەسى قورعالدى؛ كۇيرەۋ ءوتىنىشىن تەكسەرۋ مەزگىلىندە حالىق سوت مەكەمەسى بەرەشەك ادامنىڭ مال - مۇلكىنە قاتىستى اتقارۋ ءتارتىبىن ۋاقىتشا توقتاتۋدى ۇيعارۋىنا بولاتىنى ايقىندالدى؛ كۇيرەۋدى باسقارۋشىنىڭ باسقارۋ كولەمى كەمەلدەندى؛ قايتا رەتكە سالۋعا قاتىستى تۇزىمدەر كەمەلدەندىرىلىپ، قيىنشىلىق قىسپاعىندا قالعان كاسىپورىنداردى قايتا رەتكە سالۋ، قۇتقارۋ فۋنكتسياسى تولىق ساۋلەلەندىرىلدى؛ كۇيرەگەن مال - مۇلىكتى اداقتاۋ جونىندەگى بەلگىلەمەلەر رەتكە سالىندى جانە ساپالىلاندى.

ءماجىلىستە يۋان شۋحۇڭ جاساعان بانكە سالاسىن باقىلاۋ - باسقارۋ زاڭىنىڭ وزگەرىس ەنگىزىلگەن جوباسىنا وزگەرىس ەنگىزۋ احۋالى جونىندە جاساعان مالىمدەمەنى تىڭدادى. جوبانىڭ 2 - رەت قارالعان نۇسقاسىنا زاڭ شىعارۋ ماقساتىندا ”فينانستىڭ ناقتى ەكونوميكاعا قىزمەت وتەۋ ساپاسى مەن ونىمدىلىگىن جوعارىلاتۋ“ دەگەن مازمۇن قوسىلدى؛ بانكە سالاسىنىڭ فينانس قۇرىلىمدارىن تۇرگە، دارەجەگە ءبولىپ باقىلاۋ - باسقارۋ جونىندەگى بەلگىلەمە قوسىلدى؛ بانكە سالاسىن باقىلاۋ - باسقارۋ قۇرىلىمدارىنداعى قىزمەتكەرلەردىڭ قوسىمشا مىندەت وتەۋى مەن قىزمەتتەن بوساعاننان كەيىنگى كاسىپپەن شۇعىلدانۋىن باسقارۋ ونان ارى كۇشەيتىلدى؛ فينانس رۇقسات كۋالىگىن بەرۋ جانە جۇيەلى پايدالانۋ جونىندەگى بەلگىلەمە قوسىلدى؛ باقىلاۋ - باسقارۋ قۇرىلىمدارىنىڭ قىزمەت جاۋاپكەرشىلىگى ناقتىلانىپ، بانكە سالاسىنداعى تۇتىنۋشىلاردىڭ ۇقىق - مۇددەسىن قورعاۋ ءتۇزىمى كەمەلدەندىرىلدى؛ ”حاۋىپ - قاتەردى ءبىر جاقتى ەتۋ“ تاراۋى جەكە بەلگىلەنىپ، حاۋىپ - قاتەردى ءبىر جاقتى ەتۋ شارالارى كۇشەيتىلدى.

ءماجىلىس سۇڭ بين جاساعان سۋ زاڭىنىڭ وزگەرىس ەنگىزىلگەن جوباسىنا وزگەرىس ەنگىزۋ جاعدايى جونىندە جاساعان مالىمدەمەنى تىڭدادى. جوبانىڭ ەكىنشى رەت قارالعان نۇسقاسى ەكولوگيالىق ورتا زاڭناماسىمەن ويداعىداي ۇشتاسىپ، سۋ بايلىعىن قورعاۋ، اشىپ پايدالانۋدىڭ جالپى تۇلعالىق تالابى ونان ارى كەمەلدەندىرىلدى، سۋ بايلىعىن، سۋ ورتاسىن، سۋ ەكولوگياسىن، سۋ اپاتىن جونگە سالۋدى ءبىر تۇتاس ويداعىداي جوسپارلاۋ، مەملەكەتتىڭ سۋ مادەنيەت مۇرالارىن قورعاۋدى كۇشەيتۋى سياقتىلار ايقىن بەلگىلەندى؛ مەملەكەتتىڭ سۋ تورابى قۇرىلىسى جونىندەگى مازمۇندار تولىقتاندى؛ سۋ بايلىعىن، سۋ ەكولوگياسىن قورعاۋعا قاتىستى بەلگىلەمەلەر تولىقتانىپ، سۋدى ۇنەمدەپ پايدالانۋ مەن سۋ بايلىعىن اينالمالى پايدالانۋعا قاتىستى بەلگىلەمەلەر ونان ارى كەمەلدەندىرىلدى.

جول قاتىناس حاۋىپسىزدىگىن باسقارۋ ءتۇزىمىن كەمەلدەندىرىپ، جول قاتىناس ءتارتىبىن قورعاۋدى كۇشەيتىپ، قاتىناس شىرعالاڭىنان ساقتانۋ جانە ونى ازايتۋ، جول قاتىناۋ ونىمدىلىگىن جوعارىلاتۋ، حالىق بۇقاراسىنىڭ باس اماندىعى مەن مال - مۇلىك حاۋىپسىزدىگىن زاڭمەن باسقارۋدى قامتاماسىزداندىرۋ ءۇشىن، مەملەكەتتىك كەڭەس جول قاتىناس حاۋىپسىزدىگى زاڭىنىڭ وزگەرىس ەنگىزىلگەن جوباسىن قاراۋعا ۇسىنۋ جونىندەگى كەڭەس جوبانى ورتاعا قويدى. مەملەكەتتىك كەڭەستىڭ تاپسىرۋىمەن ءادىليا مينيسترى حى رۇڭ تۇسىنىك جاسادى.

پارتيا 20 - قۇرىلتايى مەن پارتيا 20 - كەزەكتى ورتالىق كوميتەتى ءۇشىنشى، ءتورتىنشى جالپى ماجىلىستەرىنىڭ شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، شەكارا اتتاعان شىرىكتەسۋ ارەكەتىنەن ساقتانىپ جانە ونى جازالاپ، شىرىكتەسۋگە قارسى تۇرۋداعى حالىقارالىق سەلبەستىكتى تەرەڭدەتىپ، ۇيىمدار مەن جەكەلەردىڭ زاڭدى ۇقىق - مۇددەسىن قورعاپ، مەملەكەتتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋ ءۇشىن، مەملەكەتتىك باقىلاۋ - تەكسەرۋ كوميتەتى شەكارا اتتاعان شىرىكتەسۋگە قارسى تۇرۋ زاڭى جوباسىن قاراۋعا ۇسىنۋ جونىندەگى كەڭەس جوبانى العا قويدى. مەملەكەتتىك باقىلاۋ - تەكسەرۋ كوميتەتىنىڭ مەڭگەرۋشىسى ليۋ جينگو تۇسىنىك جاسادى.

مەملەكەتتىك كەڭەستىڭ تاپسىرۋىمەن سىرتقى ىستەر مينيسترلىگى مينيسترىنىڭ ورىنباسارى حۋا چۇنيىڭ «جۇڭحۋا حالىق رەسپۋبليكاسى مەن ۆەنگريانىڭ وتكىزىپ بەرۋ شارتىن» قاراپ بەكىتۋگە ۇسىنۋ جونىندەگى كەڭەس جوباسىنا تۇسىنىك جاسادى.

مەملەكەتتىك كەڭەستىڭ تاپسىرۋىمەن مەملەكەتتىك دامۋ جانە رەفورما كوميتەتى مەڭگەرۋشىسىنىڭ ورىنباسارى ۋاڭ چاڭلين بيىلدان بەرگى حالىق شارۋاشىلىعى مەن قوعامدىق دامۋ جوسپارىنىڭ اتقارىلۋ احۋالى جونىندە بايانداما جاسادى. باياندامادا مىنالار اتاپ كورسەتىلدى: بيىل جىل باسىنان بەرى ەكونوميكالىق اينالىم جالپى جاقتان ورنىقتى بولىپ، ورنىقتىلىق بارىسىندا ىلگەرىلەپ، قوزعاۋشى كۇشتىڭ جاڭارۋى، قۇرىلىمنىڭ ساپالىلانۋى سىندى دامۋ اۋقىمى جارىققا شىعىپ، قامداۋ مەن قاجەتسىنۋ قۇرىلىمى ۇزدىكسىز ساپالىلانىپ، جاڭاشا وندىرگىش كۇشتەر جەدەل دامىپ، جوعارى ساپالى دامۋ تىڭعىلىقتى ىلگەرىلەپ، قوعامدىق جالپى جاعدايدىڭ ورنىقتىلىعى ساقتالىپ، ساپانىڭ ءونىمدى جوعارىلاۋى مەن ساننىڭ ۇيلەسىمدى ارتۋى جۇزەگە استى. سوڭعى جارتى جىلدا ”15 - بەسجىلدىق“ جوبانى تياناقتاندىرۋدى ارقاۋ ەتىپ، ونىمدىلىكتى جوعارىلاتىپ، ماكرولىق ساياساتتى اتقارىپ، ىشكى سۇرانىستىڭ كومەسكى كۇشىن اناعۇرلىم زور تەبىنمەن قاۋلاتىپ، وسىزاماندانعان كاسىپ سالاسى جۇيەسى قۇرىلىسىنا جاڭالىق اشۋ ارقىلى جەتەكشىلىك ەتىپ، رەفورمانى جاپپاي تەرەڭدەتىپ، ەسىك اشۋدى كەڭەيتىپ، قالا مەن اۋىلدىڭ وڭىرلىك سايكەستى دامۋىن جەبەپ، ەكونوميكالىق، قوعامدىق دامۋدىڭ جاپپاي جاسىل تيپكە بۇرىلىس جاساۋىن جەدەل ىلگەرىلەتىپ، ءتۇيىندى سالالارداعى حاۋىپسىزدىك قابىلەتى قۇرىلىسىن كۇشەيتىپ، كوپ ءتۇرلى شارانى قاتار قولدانىپ، حالىق تۇرمىسىن قامتاماسىز ەتىپ، جاقسارتىپ، ءتۇيىندى سالالارداعى حاۋىپ - قاتەردى ورنىقتى، ءتارتىپتى تۇردە شەشۋ كەرەك.

مەملەكەتتىك كەڭەستىڭ تاپسىرۋىمەن قازىنا مينيسترلىگى مينيسترىنىڭ ورىنباسارى لين زىچاڭ بيىل جىل باسىنان بەرگى مەجە ەسەپتىڭ اتقارىلۋ احۋالى جونىندە بايانداما جاسادى. باياندامادا مىنالار اتاپ كورسەتىلدى: قازىنا ساياساتى اناعۇرلىم بەلسەندى، دالمە - ءدال كۇش سالىپ، مەجە ەسەپتىڭ اتقارىلۋى مەن قازىنا اينالىمى جالپى جاقتان ورنىقتى بولدى. باياندامادا 14 - كەزەكتى مەملەكەتتىك حالىق قۇرىلتايى 4 - ءماجىلىسىنىڭ مەجە ەسەپ قاۋلىسىن تياناقتاندىرۋ جاعدايى تانىستىرىلىپ، كەلەسى قادامداعى قازىنالىق ءتۇيىندى قىزمەت ورنالاستىرۋى ورتاعا قويىلدى: اناعۇرلىم بەلسەندى قازىنا ساياساتىن دالمە - ءدال، ءونىمدى اتقارۋ؛ وسىزاماندانعان كاسىپ سالاسى جۇيەسى قۇرىلىسىن جەدەلدەتۋ؛ حالىق تۇرمىسىن شىنايى قامتاماسىزداندىرۋ جانە جاقسارتۋ؛ ءتۇيىندى سالالارداعى حاۋىپ - قاتەردەن ساقتانۋدى جانە ونى جويۋدى كۇشەيتۋ؛ قازىنا باسقارۋ رەفورماسىن ۇزدىكسىز تەرەڭدەتۋ؛ تەسىپ ءوتۋ ۇلگىسىندەگى قازىنانى باقىلاۋ - باسقارۋدى كۇشەيتۋ كەرەك.

مەملەكەتتىك كەڭەستىڭ تاپسىرۋىمەن لين زىچاڭ 2025 - جىلعى ۇكىمەت قارىزىن باسقارۋ احۋالى جونىندە بايانداما جاسادى. ءماجىلىس مەملەكەتتىك حالىق قۇرىلتايى قازىنا - ەكونوميكا كوميتەتىنىڭ ورىنباسار مەڭگەرۋشى مۇشەسى، تۇراقتى كوميتەت مەجە ەسەپ قىزمەتى كوميتەتىنىڭ مەڭگەرۋشىسى شۇي حۇڭساي جاساعان 2025 - جىلعى ۇكىمەت قارىزىن باسقارۋ جاعدايى جونىندەگى باقىلاۋ - تەكسەرۋ بايانداماسىن تىڭدادى.

مەملەكەتتىك كەڭەستىڭ تاپسىرۋىمەن مادەنيەت جانە ساياحات مينيسترلىگىنىڭ مينيسترى سۇن يەلي مادەنيەت ونىمدەرى مەن قىزمەت وتەۋ ساپاسىن جوعارىلاتۋ قىزمەتى احۋالى جونىندە بايانداما جاسادى. باياندامادا قاتىستى قىزمەت شارالارى مەن ونىمدىلىگى تانىستىرىلىپ، ورىن تەۋىپ وتىرعان باستى ماسەلەلەر اتاپ كورسەتىلىپ، كەلەسى قادامدا ءتۇزىلىس مەحانيزمى مەن قامتاماسىزداندىرۋ جۇيەسىن كەمەلدەندىرىپ، ساپالى ونىمدەرمەن قامداۋ قۋاتىن ۇزدىكسىز كۇشەيتىپ، كوپ ءتۇرلى شارانى قاتار قولدانىپ، قىزمەت وتەۋ ساپاسىن جوعارىلاتىپ، عىلىم - تەحنيكانى قولدانۋدى كۇشەيتىپ، مادەنيەتتە جاڭالىق اشۋدى جەبەپ، جۇڭحۋا مادەنيەتىنىڭ دۇنيە جۇزىنە اناعۇرلىم ويداعىداي بەت الۋىن ىلگەرىلەتۋ ورتاعا قويىلدى.

مەملەكەتتىك كەڭەستىڭ تاپسىرۋىمەن اۋىل شارۋاشىلىعى، اۋىل - قىستاق مينيسترلىگى مينيسترىنىڭ ورىنباسارى ماردان مۇقات كەدەيلىكتەن ارىلتۋدان قامال الۋدىڭ جەتىستىكتەرىن ۇزدىكسىز بەكەمدەۋ، كەڭەيتۋ، اۋىل - قىستاقتى جاپپاي گۇلدەندىرۋ قىزمەتىن تىڭعىلىقتى ىلگەرىلەتۋ جاعدايى جونىندە بايانداما جاسادى. باياندامادا قاتىستى قىزمەت ونىمدىلىگى، سونداي - اق قازىرگى ۇدايىلانعان كومەكتەسۋ - سۇيەمەلدەۋدى ورىستەتۋدە، اۋىل - قىستاقتى جاپپاي گۇلدەندىرۋدى ىلگەرىلەتۋدە ءدوپ كەلگەن قيىنشىلىقتار مەن سىن - سايىس تانىستىرىلىپ، مىنالار ورتاعا قويىلدى: كەلەسى قادامدا ساياسي جاۋاپكەرشىلىكتى كۇشەيتىپ، ءار دارەجەلى جاۋاپكەرشىلىكتى قاتايتىپ، ناقتىلاندىرۋ؛ باقىلاۋ - تەكسەرۋ جۇيەسىن اقاۋسىزداندىرىپ، دالمە - ءدال كومەكتەسۋ - سۇيەمەلدەۋ شارالارىن تياناقتاندىرۋ؛ كاسىپ سالاسى، جۇمىستاندىرۋ ارقىلى كومەكتەسۋ - سۇيەمەلدەۋدىڭ ساپاسىن، ونىمدىلىگىن جوعارىلاتىپ، كىرىستى ارتتىرۋ نەگىزىن ۇزدىكسىز بەكەمدەۋ؛ دامىماعان رايونداردى ساتىعا، تۇرگە ءبولىپ سۇيەمەلدەپ، دامۋداعى ولقىلىقتاردى جەدەل تولىقتاۋ؛ ”مىڭ قىستاق ۇلگى كورسەتۋ، ون مىڭ قىستاقتى رەتتەۋ - وڭاۋ “ ينجەنەرياسىنىڭ تاجىريبەلەرىن ۇيرەنۋدى، قولدانۋدى تەرەڭدەتىپ، قونىستانۋعا، كاسىپكە قولايلى جانە كورىكتى اۋىل - قىستاق قۇرىلىسىن ىلگەرىلەتۋ كەرەك.

ءماجىلىس مەملەكەتتىك حالىق قۇرىلتايى تۇراقتى كوميتەتى ۋاكىلدەردىڭ تولىمدىلىعىن تەكسەرۋ كوميسسياسىنىڭ مەڭگەرۋشى مۇشەسى ياڭ شياۋچاۋ جاساعان ءىشىنارا ۋاكىلدەردىڭ ۋاكىلدىك تولىمدىلىعى جونىندەگى باياندامانى تىڭدادى.

ءماجىلىس تاعى مىندەتكە تاعايىنداۋ، مىندەتتەن قالدىرۋعا قاتىستى ىستەردى قارادى.

مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارلارى لي حۇڭجۇڭ، ۋاڭ دۇڭميڭ، شياۋ جيە، جىڭ جيانباڭ، ديڭ جۇڭلي، حاۋ ميڭجين، ساي دافىڭ، حى ۋەي، ۋ ۋەيحۋا، تيە نيڭ، پىڭ چيڭحۋا، جاڭ چيڭۋەي، لوساڭ جياڭسۇن، شوكىرات زاكىر، باس حاتشى ليۋ چي ماجىلىسكە قاتىناستى.

مەملەكەتتىك كەڭەس زۇڭليىنىڭ ورىنباسارى جاڭ گوچيڭ، ەڭ جوعارى حالىق سوتى مەكەمەسىنىڭ باستىعى جاڭ جۇن، ەڭ جوعارى حالىق پروكۋراتۋراسىنىڭ باس پروكۋرورى يىڭ يۇڭ، مەملەكەتتىك حالىق قۇرىلتايى ارناۋلى كوميتەتتەرىنىڭ مۇشەلەرى، ولكەلىك، اۆتونوميالى رايوندىق، توتە قاراستى قالالىق حالىق قۇرىلتايى تۇراقتى كوميتەتتەرىنىڭ جاۋاپتىلارى، تەتە ولكە دارەجەلى قالالىق حالىق قۇرىلتايى تۇراقتى كوميتەتتەرىنىڭ ءبىر ءبولىم نەگىزگى جاۋاپتىلارى، مەملەكەتتىك حالىق قۇرىلتايىنىڭ ءبىر ءبولىم ۋاكىلدەرى، قاتىستى تاراۋلارداعى جاۋاپتى جولداستار قاتارلىلار ماجىلىسكە سىرتتاي قاتىناستى.