مەملەكەتتىك ساياسي كەڭەس 14 - كەزەكتى كوميتەتى تۇراقتى كوميتەتىنىڭ 18 - ءماجىلىسى اشىلدى

«حالىق گازەتى»، 8 - ايدىڭ 25 - كۇنى، بەيجيڭ. (ءتىلشى جياڭ جيە). ساياسي كەڭەس مەملەكەتتىك 14 - كەزەكتى كوميتەتى تۇراقتى كوميتەتىنىڭ 18 - ءماجىلىسى 8 - ايدىڭ 25 - كۇنى تۇستەن بۇرىن بەيجيڭدە اشىلدى، ءماجىلىس ”حالىق تۇرمىسىن قامتاماسىزداندىرۋ جانە جاقسارتۋ تەبىنىن ارتتىرىپ، جالپى حالىقتىڭ بىرگە اۋقاتتانۋىن تىڭعىلىقتى ىلگەرىلەتۋدى“ توڭىرەكتەي وتىرىپ ۇكىمەت ءىسىن اقىلداستى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك ساياسي كەڭەستىڭ ءتوراعاسى ۋاڭ حۋنيڭ اشىلۋ ماجىلىسىنە قاتىناستى.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى حى ليفىڭ ۇسىنىس بويىنشا ماجىلىسكە قاتىناستى ءارى بايانداما جاسادى. حى ليفىڭ مىنالاردى ءبىلدىردى: باس شۋجي شي جينپيڭنىڭ حالىق تۇرمىسىن قامتاماسىز ەتۋ جانە جاقسارتۋ سەرپىنىن ارتتىرۋ، جالپى حالىقتىڭ بىرگە اۋقاتتانۋىن تىڭعىلىقتى ىلگەرىلەتۋ جونىندەگى ماڭىزدى بايىمداۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءتورتىنشى جالپى ءماجىلىسىنىڭ ورنالاستىرۋلارى مەن ”15 - بەسجىلدىق“ جوباسىن جاپپاي تياناقتاندىرىپ، حالىق تۇرمىسى قىزمەتىنىڭ امالياتتىق تالابىن دۇرىس يگەرىپ، جوعارى ساپالى، تولىق جۇمىستانۋدى جەبەۋ، كىرىس ءبولىسى ءتۇزىمىن كەمەلدەندىرۋ، قوعامدىق قامتاماسىزداندىرۋ جۇيەسىن اقاۋسىزداندىرۋ، ءۇي - جاي شارۋاشىلىعىنىڭ جوعارى ساپالى دامۋىن ىلگەرىلەتۋ، نەگىزگى الەۋمەتتىك قىزمەت وتەۋدىڭ بىركەلكىلەنۋىن ورنىقتى ىلگەرىلەتۋ سياقتى جاقتاردى ارقاۋ ەتىپ، ءتۇيىندى حالىق تۇرمىسى قىزمەتى مىندەتتەرىنىڭ تياناقتانۋىن شىنايى مىقتى يگەرۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك ساياسي كەڭەس ءتوراعاسىنىڭ ورىنباسارى شى تايفىڭ اشىلۋ جيىنىن باسقاردى. ول مىنالاردى ءبىلدىردى: جالپى حالىقتىڭ بىرگە اۋقاتتانۋىندا نىق قادام تاستاۋ − ”15 - بەسجىلدىق“ مەزگىلىندەگى ەكونوميكالىق، قوعامدىق دامۋعا جەتەكشىلىك ەتۋدەگى جالپى تۇلعالىق تالاپ. ساياسي كەڭەس تۇراقتى كوميتەتىنىڭ قۇرامىنداعىلار شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، جۇڭگو كوممۋنيستىك پارتياسى 20 - كەزەكتى ورتالىق كوميتەتى ءتورتىنشى جالپى ءماجىلىسىنىڭ شەشىمدەرى مەن ورنالاستىرۋلارىن مۇقيات تياناقتاندىرىپ، مىندەت اتقارىپ، جاۋاپكەرشىلىكتى ادا ەتۋدەگى ساياسي جاۋاپكەرشىلىك سەزىم مەن تاريحي بورىشتىلىق سەزىمدى شىنايى كۇشەيتىپ، نازاردى ”15 - بەسجىلدىق“ مەزگىلىندەگى ”حالىق تۇرمىسىن قامتاماسىزداندىرۋ جانە جاقسارتۋ تەبىنىن ارتتىرىپ، جالپى حالىقتىڭ بىرگە اۋقاتتانۋىن تىڭعىلىقتى ىلگەرىلەتۋ“ سىندى جۇيەلى جوسپار مەن ستراتەگيالىق ورنالاستىرۋعا شوعىرلاندىرىپ، ”مەملەكەتتىڭ ءىرى ىستەرىن“، حالىقتىڭ كوڭىل ءبولىپ وتىرعان ماسەلەلەرىن كوزدەپ، ۇكىمەت ءىسىن ىشكەرىلەي كەڭەسىپ، بەلسەنە اقىل - كەڭەس بەرىپ، جۇڭگو ۇلگىسىندەگى وسىزامانداندىرۋدى ىلگەرىلەتۋگە اقىل - پاراسات پەن كۇش - قۋات قوسۋعا قۇلشىنۋى كەرەك.

اشىلۋ جيىنى مەملەكەتتىك ساياسي كەڭەس ءتوراعالار ءماجىلىسىنىڭ مەملەكەتتىك ساياسي كەڭەستىڭ 2026 - جىلدىڭ العاشقى جارتىسىنداعى قىزمەت جاعدايى جونىندەگى باياندامانى تىڭدادى. مەملەكەتتىك ساياسي كەڭەس ءتوراعاسىنىڭ ورىنباسارى، قوسىمشا باس حاتشىسى ۋاڭ دۇڭفىڭ قاتارلىلار قاتىستى كەڭەستىك تاقىرىپتار جونىندە بايانداما جانە تۇسىنىك جاسادى.

مەملەكەتتىك ساياسي كەڭەس ءتوراعاسىنىڭ ورىنباسارلارى حۋ چۇنحۋا، شىن يۋەيۋە، ۋاڭ يۇڭ، جوۋ چياڭ، حى حوۋحۋا، لياڭ جىنيىڭ، باتىر، سۋ حۇي، شاۋ حۇڭ، گاۋ يۇنلۇڭ، مۋ حۇڭ، شيان حۇي، جياڭ شينجى، جياڭ زوجۇن، حى باۋشياڭ، ۋاڭ گۋاڭچيان، چين بويۇڭ، جۋ يۇڭشين، ياڭ جىن ماجىلىسكە قاتىناستى.