دەرەكسىز كەتكەندەردى مۇمكىندىكتىڭ بارىنشا ىزدەۋ، قۇتقارۋ، ءتۇرلى حاۋىپ - قاتەرلەر مەن كومەسكى قاتەرلەردى ءبىر - بىرلەپ تەكسەرۋ، جونگە سالۋدى كۇشەيتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە كەپىلدىك ەتۋ كەرەك

شينحۋا اگەنتتىگى، 8 - ايدىڭ 26 - كۇنى، بەيجيڭ. 8 - ايدىڭ 26 - كۇنى ساعات 10 نان 30 مينۋت وتكەندە، نەپالدىڭ ءبىر جەرىندە لاي تاسقىنى اپاتى تۋىلىپ، شيزاڭنىڭ رىكازى قالاسى جيلۇڭ اۋدانى جيلۇڭ وتكەلىندە اۋىر ءولىم -ءجىتىم تۋىلىپ، كوپتەگەن ادام دەرەكسىز كەتتى.

اپات تۋىلعاننان كەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ايرىقشا ءمان بەردى ءارى ماڭىزدى نۇسقاۋ بەرىپ بىلاي دەپ اتاپ كورسەتتى: قازىرگى شۇعىل مىندەت − امالدىڭ بارىنشا دەرەكسىز كەتكەندەردى ىزدەۋ، قۇتقارۋ، حاۋىپكە ۇشىراعان بۇقارانى باسقا جەرگە كوشىرىپ ورنالاستىرۋ، جارالىلاردى جەدەل قۇتقارۋ، ەمدەۋ، ءولىم - ءجىتىمدى مۇمكىندىكتىڭ بارىنشا ازايتۋ. باقىلاۋ - تەكسەرۋدى، ساقتاندىرۋدى كۇشەيتىپ، عىلمي قۇتقارۋعا ءمان بەرىپ، قوسالقى اپاتتاردىڭ تۋىلۋىنان ساقتانۋ كەرەك.

شي جينپيڭ بىلاي دەپ باسا دارىپتەدى: قازىر تاسقىننان ساقتانۋدىڭ شەشۋشى مەزگىلى، جەر - جەر جانە قاتىستى تاراۋلار شەكتى ويلاۋدان، تومەنگى شەكتە ويلاۋدان جازباي، تاسقىننان ساقتانۋ، تايفىڭ داۋىلىنان ساقتانۋ شارالارىن مۇقيات تياناقتاندىرىپ، ءتۇرلى حاۋىپ - قاتەرلەردى، كومەسكى كىناراتتاردى ءبىر - بىرلەپ تەكسەرۋدى، جونگە سالۋدى كۇشەيتىپ، اۋىر، ەرەكشە اۋىر اپاتتاردىڭ، شىرعالاڭداردىڭ تۋىلۋىنان باتىل ساقتانىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىنە شىنايى كەپىلدىك ەتۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ بەكىتۋ جازىپ بىلاي دەپ اتاپ كورسەتتى: دەرەكسىز كەتكەن، اپاتقا ۇشىراعان ادام سانىن انىقتاۋدى مىقتى يگەرىپ، كۇش ۇيىمداستىرىپ، قاتەردەن اراشالاۋ، قۇتقارۋ قىزمەتىن بار كۇشپەن ورىستەتىپ، قاتەرگە ۇشىراعان بۇقارانى دەر كەزىندە ءتارتىپتى جوتكەۋ، سونىمەن بىرگە، عىلمي قۇتقارۋعا نازار اۋدارىپ، قوسالقى اپاتتان قاتاڭ ساقتانۋ كەرەك. سىرتقى ىستەر مينيسترلىگى قاتىستى مەملەكەتپەن تىلدەسۋدى، سايكەسۋدى كۇشەيتىپ، جاعدايدى دەر كەزىندە حابارلاندىرىپ، قۇتقارۋ، ءبىر جاقتى ەتۋ قىزمەتىن بىرگە ويداعىداي ىستەۋى كەرەك. قازىر ءالى دە نەگىزگى تاسقىن مەزگىلى، مەملەكەتتىك تاسقىننان ساقتانۋ كەڭسەسى، اپاتتان ساقتانۋ، اپات زيانىن ازايتۋ، اپاتتان قۇتقارۋ كەڭسەسى جەر - جەردىڭ اپات حاۋىپ - قاتەرى كومەسكى قاتەرىن ىشكەرىلەي تەكسەرۋىنە جەتەكشىلىك ەتىپ، حاۋىپ - قاتەر جاعدايىن باقىلاۋ - تەكسەرۋدى، ساقتاندىرۋدى جانە حاۋىپ - قاتەردى الاستاۋدى، اپاتتان ساقتانۋدى كۇشەيتىپ، حالىق بۇقاراسىنىڭ باس اماندىعىنا كەپىلدىك ەتۋى كەرەك.

شي جينپيڭنىڭ ماڭىزدى نۇسقاۋى مەن تالابىنا ساي جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەس زۇڭليىنىڭ ورىنباسارى جاڭ گوچيڭ قاتىستى تاراۋلاردىڭ جاۋاپتى جولداستارىن باستاپ ناق مايدانعا بارىپ قۇتقارۋ، ءبىر جاقتى ەتۋ قىزمەتىنە جەتەكشىلىك ەتتى. شيزاڭ كۇش ۇيىمداستىرىپ، ناق مايداندا ىزدەۋ - قۇتقارۋ سياقتى قىزمەتتەردى بار كۇشپەن تىڭعىلىقتى ىستەۋدە. قازىر قاتىستى قىزمەتتەر جۇرگىزىلۋدە.