بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

«شي جينپيڭ ەكولوگيالىق وركەنيەت يدەياسى تۋرالى جالپى شولۋ» باسپادان شىعىپ تاراتىلدى

2026.09.08 15:52     كەلۋ قاينارى : حالىق تورابى

شينحۋا اگەنتتىگى، 9 - ايدىڭ 7 - كۇنى، بەيجيڭ. شي جينپيڭ ەكولوگيالىق وركەنيەت يدەياسىن وقۋلىققا، ساباقحاناعا، يدەياعا ەنگىزۋدى ىشكەرىلەي ىلگەرىلەتۋ ءۇشىن، ورتالىق ۇگىت ءبولىمى، ەكولوگيالىق ورتا مينيسترلىگى ۇيىمداستىرىپ قۇراستىرعان ماركسيزم نازارياسىن زەرتتەۋ جانە قۇرۋ ينجەنەرياسىنداعى ءتۇيىندى وقۋلىق «شي جينپيڭ ەكولوگيالىق وركەنيەت يدەياسى تۋرالى جالپى شولۋ» (تومەندە قىسقاشا «جالپى شولۋ» دەلىنەدى) اتتى كىتاپ جوعارى دارەجەلى وقۋ - اعارتۋ باسپاسىنان، حالىق باسپاسىنان باسىلىپ شىقتى.

پارتيا 18 - قۇرىلتايىنان بەرى شي جينپيڭ جولداستى ۇيتقى ەتكەن پارتيا ورتالىق كوميتەتى جۇڭحۋا ۇلتىنىڭ باياندى دامۋى تۇرعىسىن شىعار ءتۇيىن ەتىپ، ەكولوگيالىق وركەنيەت قۇرىلىسىنىڭ جاڭا داۋىردەگى جۇڭگوشا سوتسياليزم ىستەرىندەگى ماڭىزدى ورنى مەن ستراتەگيالىق ءمانىن تەرەڭ يگەرىپ، ەكولوگيالىق وركەنيەت نازارياسىندا، امالياتىندا، تۇزىمىندە جاڭالىق جاراتۋدى زور كۇشپەن ىلگەرىلەتىپ، ءبىرقىدىرۋ جاڭا تانىم، جاڭا يدەيا، جاڭا ستراتەگيانى جاسامپازدىقپەن ورتاعا قويىپ، ەلىمىزدىڭ ەكولوگيالىق وركەنيەت قۇرىلىسىندا نازاريادان امالياتقا دەيىن تاريحي، بۇرىلىستىق، جالپى جاعدايلىق وزگەرىستەر تۋىلۋىنا جەتەكشىلىك ەتىپ، شي جينپيڭ ەكولوگيالىق وركەنيەت يدەياسى قالىپتاستى.

«جالپى شولۋ» كىرىسپە جانە ماتىندەگى 9 تاراۋدان قۇرالادى، جالپى 170 مىڭ ارىپتەن تۇرادى، شي جينپيڭ ەكولوگيالىق وركەنيەت يدەياسىنىڭ كەلەلى ءمانى، عىلمي جۇيەسى، رۋحاني ءمانى، باي مازمۇنى، امالياتتىق تالابى سياقتىلاردى جۇيەلى بايىمداپ، شي جينپيڭ ەكولوگيالىق وركەنيەت يدەياسى شي جينپيڭ جاڭا ءداۋىر جۇڭگوشا سوتسياليزم يدەياسىنىڭ ماڭىزدى قۇرامداس بولىگى ەكەندىگىن، ماركسيزمنىڭ نەگىزگى قاعيدالارىن جۇڭگونىڭ ناقتى امالياتىمەن، جۇڭحۋانىڭ تاڭداۋلى ءداستۇرلى مادەنيەتىمەن ۇشتاستىرۋدىڭ كەلەلى نازاريالىق جەتىستىگى ەكەندىگىن، جۇڭگو كوممۋنيستىك پارتياسىنىڭ ەكولوگيالىق وركەنيەت قۇرىلىسى جونىندە قاجىماي - تالماي ىزدەنىس جاساۋىنىڭ نازاريالىق دەڭگەيى جانە امالياتتىق جاۋھارى ەكەندىگىن، جاڭا داۋىردەگى ەكولوگيالىق وركەنيەت قۇرىلىسىنىڭ ءتۇبىرلى ولشەمى جانە ارەكەت باعدارناماسى ەكەندىگىن تولىق ءتۇسىندىردى. «جالپى شولۋ» ءتۇپ نۇسقاعا ادال بولىپ بولىپ، جۇيەلىلەندىرۋدى، نازاريالاندىرۋدى كورنەكتىلەندىرىپ، امالياتتىق بەتالىسقا تاباندى بولىپ، وقىتۋ امالياتىنا ۇيلەستىرگەن، جوعارى مەكتەپتەردەگى قاتىستى كاسىپتىك وقۋشىلاردىڭ شي جينپيڭ ەكولوگيالىق وركەنيەت يدەياسىن جۇيەلى ۇيرەنۋدەگى، يگەرۋدەگى ءتۇيىندى وقۋلىعى ءارى قالىڭ پارتيا مۇشەلەرىنىڭ، كادرلاردىڭ شي جينپيڭ ەكولوگيالىق وركەنيەت يدەياسىن ۇيرەنۋدەگى، تۇسىنۋدەگى ماڭىزدى وقۋلىعى سانالادى.

جاۋاپتى رەداكتورى : مانەپ ەربول ۇلى