وقۋ - اعارتۋ مينيسترلىگى: جالعان فاكت جاساپ، وقىتۋشىلارعا قاساقانا جالا جابۋ ارەكەتىنە ”مۇلدە جول بەرىلمەيدى“ 

وقۋ - اعارتۋ مينيسترلىگى جۋىردا اقپار جاريالاۋ ءماجىلىسىن اشىپ، وقىتۋشىلار قوسىنى قۇرىلىسىنا قاتىستى جاعدايلاردى جانە 42 - رەتكى وقىتۋشىلار مەرەكەسىن ۇگىتتەۋ، قۇتتىقتاۋ قيمىلىن تانىستىردى.

وقۋ - اعارتۋ مينيسترلىگىنىڭ اقپارات مالىمدەمەشىسى مىنانى ءبىلدىردى: وقۋ - اعارتۋدا قۇدىرەتتى ەل قۇرۋ نىساناسىنا تاباندى بولىپ، وقىتۋشىلار قوسىنى قۇرىلىسىن، ءسوزسىز، اناعۇرلىم كورنەكتى ستراتەگيالىق ورىنعا قويىپ، وقىتۋشىلاردى جەتىلدىرۋ جونىندەگى مەملەكەتتىك ارەكەتتى كۇش سالا ويداعىداي اتقارىپ، اناعۇرلىم مول ناقتى، پارمەندى، تىڭ شارالاردى العا قويىپ، جوعارى ساپالى وقىتۋشىلاردى جەتىلدىرۋ جۇيەسىن قۇرۋدى جەدەلدەتىپ، وقىتۋشىلاردىڭ كاسىپتىك ساپاسى مەن وقىتۋ – تاربيەلەۋ قابىلەتىن جالپى بەتتىك جوعارىلاتىپ، ءاربىر بالانىڭ ومىرىندە جاقسى ۇستازعا جولىعۋىنا مۇمكىندىك جاساپ، وقىتۋشىلىقتى شىنايى تۇردە قوعامداعىلار ەڭ قۇرمەتتەيتىن، ەڭ قىزىعاتىن كاسىپكە اينالدىرۋ كەرەك.

وقىتۋشىلىق ءمورالدىڭ ولشەمىنەن اتتاعان ارەكەتتەرگە ”مۇلدە جول بەرىلمەيدى“

وقىتۋشىنىڭ ونەگەسى بالانىڭ بولاشاعىنا ىقپال جاسايدى؛ وقىتۋشىنىڭ كوكەيىندە مۇرات بولعاندا عانا، بالالار ۇزاق بولاشاققا كوز جىبەرە الادى. وقۋ - اعارتۋ مينيسترلىگى مىنانى ءبىلدىردى: وقىتۋشىلىق ءمورال مەن ستيلدى ءبىرىنشى ولشەم ەتۋدى تاباندىلىقپەن قورعاپ، وقىتۋشىلىق ءمورالدىڭ ولشەمىنەن اتتاعان ارەكەتتەرگە ”مۇلدە جول بەرمەۋ“ كەرەك، بۇل وقىتۋشىلىق كاسىپتىك قۇلىقتىڭ تومەنگى شەگى عانا بولىپ قالماستان، ءاربىر وقۋشىعا، ءاربىر وتباسىنا بەرىلگەن ەڭ بايىپتى ۋادە سانالادى.

مۇنان سىرت، وقۋ - اعارتۋ مينيسترلىگى ءبىرىنشى شەپكە تامىر تارتقان، سۇيىكتى، قۇرمەتتى بولعان، ۇلگى الۋعا تاتيتىن اناعۇرلىم كوپ تيپتەردى تانىستىرىپ، جاڭا داۋىردەگى ۇزدىك وقىتۋشىلاردىڭ حيكاياسىن ويداعىداي بايانداپ، وقىتۋشىلاردىڭ بارلىعىنىڭ ”مەن دە سونداي وقىتۋشى بولسام“ دەيتىن ۇلگىنى بايقاۋىنا وراي جاراتىپ، ولاردىڭ بارلىعىنا ”وقىتۋ – تاربيەلەۋ قاتارداعى جاي عانا كاسىپتەردىڭ ءبىرى ەمەس، قايتا مەملەكەت ءمان بەرەتىن، ءداۋىر قاجەت ەتەتىن، بولاشاقتىڭ اماناتىن ارقالاعان ءىس ەكەنىن شىنايى سەزىندىرەدى.

كەلۋ قاينارى: حالىق تورابى