قازىنا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى ورتالىقتىڭ 240 ميلليون يۋان جاراتىلىستىق اپاتتان قۇتقارۋ قارجىسىن شۇعىل بوساتتى

حالىق گازەتىنىڭ 9 – ايدىڭ 7 – كۇنى بەيجيڭنەن بەرگەن حابارى. تاياۋدان بەرى ”ساۋدەل“تايفىڭ داۋىلىنىڭ ىقپالىنان ەلىمىزدىڭ وڭتۇستىگىندەگى كوپ جەردە ءۇرتىس قاتتى نوسەر جاۋىپ، ەرەكشە نوسەردىڭ ورەسكەل كۇشتىلىگى كورنەكتىلەنىپ، تاسقىن، گەولوگيالىق اپات تۋىلىپ، ءولىم – ءجىتىم جانە ءۇي قۇلاۋ جاعدايى جارىققا شىقتى.

9 – ايدىڭ 7 – كۇنى، قازىنا مينيسترلىگى، شۇعىل جاعدايعا توتەپ بەرۋدى باسقارۋ مينيسترلىگى ورتالىقتىڭ 240 ميلليون يۋان جاراتىلىستىق اپاتتان قۇتقارۋ قارجىسىن شۇعىل بوساتىپ، جىجياڭ، فۋجيان، جياڭشي، حۋنان، يۇننان قاتارلى 5 ولكەنىڭ تاسقىن، گەولوگيالىق اپاتتارعا شۇعىل توتەپ بەرۋ، اپاتتان قۇتقارۋ قىزمەتىن ورىستەتۋىنە قولداۋ كورسەتتى، مۇندا نەگىزىنەن اپاتقا ۇشىراعان بۇقارانى باسقا جەرگە جوتكەپ ورنالاستىرۋ، حاۋىپ ـ قاتەردى الاستاۋ، حاۋىپ ـ قاتەردى جويۋ قاتارلى شۇعىل جاعدايعا توتەپ بەرۋ، ءبىر جاقتى ەتۋ، وتپەلى مەزگىلدەگى تۇرمىستىق قۇتقارۋ ـ كومەكتەسۋ، سونداي ـ اق قۇلاعان تۇرعىن ۇيلەردى قالپىنا كەلتىرۋ قاتارلى قىزمەتتەردى ءتۇيىندى تۇردە ويداعىداي ىستەپ، اپاتقا ۇشىراعان بۇقارانىڭ نەگىزگى تۇرمىسىن شىنايى قامتاماسىز ەتىپ، اپات تۋىلعان ءوڭىردىڭ ءوندىرىس، تۇرمىس ءتارتىبىن تەز ارادا قالپىنا كەلتىرۋىن ىلگەرىلەتتى.

قازىنا مينيسترلىگى جوعارىدا ايتىلعان 5 ولكەنىڭ قازىنا تاراۋلارىنان قارجىنى اپات تۋىلعان رايونعا جەدەل بوساتىپ، اپاتتان قۇتقارۋ قارجىسىن باقىلاۋ - باسقارۋدى كۇشەيتىپ، اپاتتان قۇتقارۋ قارجىسىنىڭ تۇگەلدەي اپات تۋىلعان رايونعا جانە اپاتقا ۇشىراعان بۇقاراعا جۇمسالۋىنا كەپىلدىك ەتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن شىنايى قامتاماسىزداندىرۋدى تالاپ ەتتى.

كەلۋ قاينارى: حالىق تورابى