كوپ جەردە نوسەر جاۋادى، ورتالىق اۋا رايى ستانسياسى كوك ءتۇستى ساقتىق سيگنالىن جالعاستى جاريالادى

ورتالىق اۋا رايى ستانسياسى 9 – ايدىڭ 9 - كۇنى ساعات 6 دا نوسەرلى جاڭبىردان ساقتانۋدىڭ كوك ءتۇستى ساقتىق سيگنالىن جاريالادى:

مەجەگە قاراعاندا، 9 – ايدىڭ 9 - كۇنى ساعات 8 دەن 9 – ايدىڭ 10 – كۇنى ساعات 8 گە دەيىن، گانسۋدىڭ شىعىس بولەگى مەن وڭتۇستىك بولەگى، شانشيدىڭ باتىس وڭتۇستىك بولەگى، باتىس سىچۋان ءۇستىرتىنىڭ سولتۇستىك بولەگى، سىچۋان ويپاتىنىڭ باتىس بولەگى مەن وڭتۇستىك بولەگى، گۇيجوۋدىڭ باتىس سولتۇستىك بولەگى، يۇنناننىڭ باتىس بولەگى قاتارلى جەرلەردىڭ ءىشىنارا رايوندارىندا نوسەر جاۋادى، جۇيەدەن سىچۋان ويپاتىنىڭ باتىس بولەگى مەن وڭتۇستىك بولەگى قاتارلى جەرلەردىڭ ءىشىنارا جەرلەرىندە نوسەر جاۋادى (100 ~ 150 ميلليمەتر). جوعارىدا ايتىلعان ءىشىنارا رايونداردا قىسقا ۋاقىتتىق كۇشتى جاۋىن - شاشىن بولادى (ەڭ جوعارى ساعاتتىق جاۋىن - شاشىن مولشەرى 20 ~ 50 ميلليمەتر، ءىشىنارا جەرلەردە 60 ميلليمەتردەن اسادى)، كەي جەرلەردە ناجاعايلى بوران سياقتى كۇشتى كونۆەكسيالىق اۋا رايى بولادى.

كەلۋ قاينارى: حالىق تورابى