2026.09.09 15:47 كەلۋ قاينارى : حالىق تورابى
شينحۋا اگەنتتىگى، 9 - ايدىڭ 8 - كۇنى، بەيجيڭ. 9 - ايدىڭ 8 - كۇنى كەشتە مەملەكەت ءتوراعاسى شي جينپيڭ كەلىسىم بويىنشا انگليانىڭ باس ءۋازىرى بۇرناممەن تەلەفوندا سويلەستى.
شي جينپيڭ بۇرنامنىڭ انگليانىڭ باس ءۋازىرى بولىپ تاعايىندالعاندىعىن قۇتتىقتاپ، بىلاي دەپ اتاپ كورسەتتى: جۇڭگو مەن انگليا جالپى بەتتىك ستراتەگيالىق سەرىكتەر، ەكى ەلدىڭ قوعامدىق ءتۇزىمى مەن مەملەكەت جاعدايى ۇقساماعانىمەن، ورتاق مۇددەسى الاۋىزدىقتان باسىم ورىندا تۇرادى، ەكى جاق ءوزارا قۇرمەت ەتىپ، ءوزارا سەنىم ارتىپ، الاۋىزدىقتان اتتاپ ءوتىپ، پارىقتاردى ساقتاپ، ورتاقتىققا ۇمتىلىپ، ءوزارا ءتيىمدى سەلبەستىكتىڭ بالكۇلشەسىن ۇلعايتۋى كەرەك. ەكى ەل ۇكىمەتى ەكونوميكانى دامىتۋعا، حالىق تۇرمىسىن جاقسارتۋعا كۇش سالىپ، ابزالدىلىقتارىمەن ءبىرىن - ءبىرى تولىقتاپ، ءوزارا دەم بەرە الادى. جۇڭگو ”15 - بەسجىلدىق“ مەزگىلىندە وقۋ - اعارتۋ، ەمدەۋ، فينانس ارقىلى سىرتقا ەسىك اشۋىن ونان ارى كەڭەيتەدى، بۇلاردىڭ بارلىعى ەكى ەل سەلبەستىگىنىڭ كومەسكى كۇشى بار سالالار. جۇڭگو مەن انگليا عىلىم - تەحنيكالىق ءىرى ەلدەر، وقۋ - اعارتۋ، مادەنيەت، دەنە تاربيە سياقتىلاردا مول بايلىققا يە، ەسىك اشۋ كورەگەندىك تانىمىن ساقتاپ، ءار سالاداعى اۋىس - كۇيىستى، سەلبەستىكتى كۇشەيتۋ كەرەك. انگليانىڭ جۇڭگو قارجىگەرلەرىنىڭ زاڭدى ۇقىق - مۇددەسىن تولىق قامتاماسىزداندىرۋىن ءۇمىت ەتەمىن. جۇڭگو مەن انگليا بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلى جانە دۇنيە جۇزىندەگى نەگىزگى ەكونوميكالىق تۇلعا رەتىندە كوپ جاقتىلىقتى، اشىق ساۋدانى قولداپ، بىرلەسكەن مەملەكەتتەر ۇيىمىنىڭ ۇيتقىلىق ورنىن قورعاپ، بىرلەسكەن مەملەكەتتەر ۇيىمى، 20 ەل توبى، دۇنيە جۇزىلىك ساۋدا ۇيىمى سياقتى جۇلگەلەرمەن قاتىناس پەن سەلبەستىكتى كۇشەيتىپ، دۇنيە ءجۇزىنىڭ تەڭ، ءتارتىپتى كوپ ۇيەكتەنۋىن، جالپىعا ءتيىمدى، سيىسىمدى ەكونوميكالىق جاھاندانۋىن ىلگەرىلەتۋى كەرەك.
بۇرنام مۇنى قۇپتاپ مىنالاردى ءبىلدىردى: مەن كەزىندە ۇزاق ۋاقىت مانچەستەر قالاسىنىڭ باستىعى بولعانىمدا، جۇڭگومەن كوپ جىل دوستىق بارىس - كەلىس جاساعام. ءتوراعا شي جينپيڭ 2015 - جىلى انگليادا مەملەكەتتىك ساپاردا بولعاندا مانچەستەرگە ساپارلاي بارىپ، جەرگىلىكتى ورىن مەن جۇڭگونىڭ اۋىس - كۇيىسىن، سەلبەستىگىن ىلگەرىلەتۋگە ماڭىزدى ىقپال جاسادى. انگليا جۇڭگومەن ساياساتتىڭ ۇلاسپالىلىعىن ساقتاپ، جۇڭگو مەن انگليانىڭ ۇزاق مەرزىمدىك ورنىقتى ستراتەگيالىق سەرىكتەستىك قاتىناسىن تاباندىلىقپەن دامىتۋدى قالايدى. انگليا جۇڭگومەن جوعارى جىكتەگىلەردىڭ بارىس - كەلىسىن ورىستەتىپ، ەكى ەلدىڭ ءار سالاداعى سەلبەستىگىن ىلگەرىلەتىپ، گۋمانيتارلىق اۋىس - كۇيىستى كۇشەيتىپ، ەكى جاقتى قاتىناستى تاريحتاعى ەڭ جوعارى دەڭگەيگە كوتەرىپ، ەكى ەل حالقىنا ءتىپتى دە زور باقىت جاراتۋدى قالايدى. انگليانىڭ تايۋان ماسەلەسىندەگى مايدانى وزگەرگەن جوق. قازىرگى اۋمالى - توكپەلى، كۇردەلى حالىقارالىق وزگەرىس جاعدايىندا، حاۋىپسىزدىك القالار كەڭەسىنىڭ تۇراقتى القا ەلى رەتىندە، انگليا مەن جۇڭگو تىلدەسۋ ارقىلى حالىقارالىق قولامتالى ماسەلەلەردى شەشۋدى ىلگەرىلەتىپ، كليمات وزگەرىسى سياقتى دۇنيە جۇزىلىك سايىستارعا بىرگە توتەپ بەرىپ، دۇنيە ءجۇزىنىڭ ورنىقتىلىعىن، گۇلدەنۋىن قول ۇستاسا قورعاۋدى قالايدى. بۇرنام جۇڭگونىڭ شيزاڭنىڭ جيلۇڭ قالاسىندا تۋىلعان لاي تاسقىنى اپاتىنا ءونىمدى دە پارمەندى توتەپ بەرگەندىگىن القايدى، جۇڭگونىڭ قيىندىققا ۇشىراعان انگليا ازاماتتارىنا كومەك كورسەتكەنىنە العىس ايتادى.