شيزاڭ جيلۇڭ لاي كوشكىنى اپاتىندا كوشىرىپ ورنالاستىرىلعان بۇقارا ىلگەرىندى - كەيىندى اۋىلىنا قايتتى 

9 - ايدىڭ 7 – كۇنى، شيزاڭ رىكازى قالاسى جيلۇڭ قالاشىعى ورنالاستىرۋ تۇيىنىندەگى كوشىرىلگەن بۇقارا ىلگەرىندى - كەيىندى تارتىپپەن اۋىلىنا قايتا باستادى.

8 - ايدىڭ 26 – كۇنى، نەپال جاقتا لاي كوشكىنى اپاتى تۋىلىپ، شيزاڭ رىكازى قالاسى جيلۇڭ اۋدانى جيلۇڭ وتكەلىندە ادامداردىڭ ءولىم – ءجىتىمى، جارالانۋى، حابارلاسۋ - بايلانىس جاساۋدىڭ ءۇزىلۋى سىندى اۋىر اپات جاعدايى تۋىلدى، سونىمەن بىرگە ىركىندى كول قالىپتاسىپ، ماڭىنداعى قىستاقتارداعى بۇقارانىڭ ءومىرىنىڭ حاۋىپسىزدىگىنە اۋىر قاتەر ءتوندىردى. قوسالقى اپات حاۋىپ - قاتەرىنىڭ الدىن الۋ ءۇشىن، جەرگىلىكتى ورىن دەرەۋ جيلۇڭ قالاشىعى مەن سالە اۋىلىنداعى 5 قىستاقتاعى جيىنى 499 بۇقارانى جيلۇڭ قالاشىعىنا شوعىرلى تۇردە ورنالاستىردى.

قازىر، جيلۇڭ وتكەلىندەگى وزەكتى رايوننىڭ جوعارعى اعارىنداعى ىركىندى كولدىڭ سۋى تۇگەلدەي ىعىستىرىلدى، وزەن ارناسىنىڭ اعىنى قالپىنا كەلدى، ىركىندى كولدەگى حاۋىپ - قاتەر نەگىزىنەن جويىلدى، بۇقارانىڭ اۋىلىنا قايتۋىنا شارت – جاعداي ازىرلەندى.

بۇقارانىڭ اۋىلىنا حاۋىپسىز، ءساتتى قايتۋىنا كەپىلدىك ەتۋ ءۇشىن، جەرگىلىكتى ورىن ءبىرتۇتاس تاسىمالدايتىن اۆتوموبيلدەردى ورنالاستىرىپ، قىزمەتكەرلەر وتباسىلار بويىنشا ادامداردىڭ ينفورماتسياسىن ءبىر – بىرلەپ سالىستىرىپ انىقتاپ، ۇيلەردىڭ حاۋىپسىزدىك جاعدايىن تەكسەردى، جولداردا قاتىناستىڭ ىركىلىسسىزدىگىنە كەپىلدىك ەتتى، بۇقارانى ءتارتىپپەن اۆتوكولىككە وتىرعىزىپ اۋىلىنا قايتاردى. شينحۋا اگەنتتىگىنىڭ تىلشىلەرى دانزىڭ، نيما چۇيجۋ تۇسىرگەن

كەلۋ قاينارى: حالىق تورابى