كولەمدى كەڭەيتىپ، ساپانى جوعارىلاتىپ، نەگىزگى وقۋ - اعارتۋدىڭ جوعارى ساپالى دامۋىنىڭ جاڭا جاعدايىن اشايىق (باس شۋجي ءجىتى قاداعالاپ وتىرعان ىستەر، تياناقتاندىرۋدىڭ قايتىمدى اڭىسى)

”حالىق بۇقاراسىنىڭ جاڭا تىلەگىنە ۇيلەسىپ، نەگىزدىك وقۋ - اعارتۋ كولەمىن كەڭەيتۋدى، ساپاسىن جوعارىلاتۋدى ىلگەرىلەتىپ، وقۋ - اعارتۋ ادىلدىگىنىڭ تومەنگى شەگىن مىقتاپ ساقتاۋ كەرەك“.

_ 2026 - جىلى 7 - ايدا باس شۋجي شي جينپيڭ نەگىزدىك وقۋ - اعارتۋ قىزمەتى جونىندە ماڭىزدى نۇسقاۋ بەرىپ وسىلاي دەپ باسا دارىپتەدى

9 - اي، تاڭەرتەڭ، فۋجيان ولكەسى فۋديڭ قالاسى ديەشى مەكتەبى. رەڭدى جارىس مايدانىندا بالالار شىنىعىپ جاتىر. وقىتۋ عيماراتىندا ”ورتاق يگىلىكتەنۋ ساباقحاناسىنىڭ“ ۇلكەن ەكرانى اشىلدى. مەكتەپ باستىعى چىن شىدي تەبىرەنىپ: ”اۋىل - قىستاق مەكتەبىمىزدىڭ قۇرىلىستارى جاڭالاندى، وقىتۋشىلار كوبەيدى، بۇرىن قالاعا بارىپ وقيتىن بالالار دا قايتىپ كەلدى“دەدى.

وقۋ - اعارتۋدا قۋاتتى ەل قۇرۋدىڭ نەگىزى نەگىزدىك وقۋ - اعارتۋدا.

بيىل 7 - ايدا مەملەكەتتىك نەگىزدىك وقۋ - اعارتۋ قىزمەتى ءماجىلىسى بەيجيڭدە اشىلدى، ماجىلىستە باس شۋجي شي جينپيڭنىڭ نەگىزدىك وقۋ - اعارتۋ قىزمەتى جونىندەگى ماڭىزدى نۇسقاۋى جەتكىزىلدى. باس شۋجي شي جينپيڭ بىلاي دەپ باسا دارىپتەدى: ”پارتيانىڭ وقۋ - اعارتۋ باعىتىن جاپپاي دايەكتىلەندىرىپ، ونەگە كورسەتىپ ادام تاربيەلەۋ ءتۇبىرلى مىندەتىن تياناقتاندىرۋ“، ”حالىق بۇقاراسىنىڭ جاڭا تىلەگىنە ۇيلەسىپ، نەگىزدىك وقۋ - اعارتۋدىڭ كولەمىن كەڭەيتىپ، ساپاسىن جوعارىلاتۋدى ىلگەرىلەتىپ، وقۋ - اعارتۋ ادىلدىگىنىڭ تومەنگى شەگىن مىقتاپ ساقتاۋ كەرەك“.

2016 - جىلى 9 - ايدىڭ 9 - كۇنى باس شۋجي شي جينپيڭ بەيجيڭ قالالىق ”1 - تامىز“ مەكتەبىندە قىزمەت تەكسەرگەندە بىلاي دەپ باسا دارىپتەدى: ”نەگىزدىك وقۋ - اعارتۋ حالىقتىق وقۋ - اعارتۋ جۇيەسىندە نەگىزدىك، جەتەكشىلىك ورىندا تۇرادى، ونىڭ ورنىن، ءسوز جوق، ويداعىداي يگەرىپ، پارتيانىڭ وقۋ - اعارتۋ باعىتىن جاپپاي دايەكتىلەندىرىپ، تياناقتاندىرىپ، كوپ جاقتان شارا قولدانىپ، ەلىمىزدىڭ نەگىزدىك وقۋ - اعارتۋىن بارعان سايىن جاقسارتۋعا قۇلشىنۋىمىز كەرەك“.

ىقىلاستى تاپسىرما بەتالىسقا جەتەكشىلىك ەتتى.

پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتى نەگىزدىك وقۋ - اعارتۋدى نەگىزدىك، جەتەكشى قىزمەت رەتىندە يگەرىپ، كوپ ءتۇرلى شارانى قاتار قولدانىپ، نەگىزدىك وقۋ - اعارتۋدىڭ باياندى دامۋىن ىلگەرىلەتىپ، وقۋ - اعارتۋدا قۋاتتى ەل قۇرۋعا پارمەندى تىرەك ازىرلەدى.

ادىلدىكتىڭ تومەنگى شەگىن ساقتاپ، نەگىزدىك وقۋ - اعارتۋدىڭ قادامى نىق بولدى.

مەكتەپكە دەيىنگى وقۋ - اعارتۋدىڭ جالپى بالا باقشاعا كىرۋ مولشەرى %92.90، 9 جىلدىق مىندەتتى وقۋ - اعارتۋدىڭ بەكەمدەلۋ مولشەرى %96.10، تولىق ورتا ساتىسىنداعى جالپى وقۋعا ءتۇسۋ مولشەرى %92.00 بولدى... وسى ناقتى ساندى مالىمەتتەر جۇڭگونىڭ حالىق سانى كوپ ەل رەتىندە نەگىزدىك وقۋ - اعارتۋدا قول جەتكىزگەن تاريحي تابىسى.

وقۋعا تۇسۋدەن جاقسى وقۋعا دەيىن، كولەمدى كەڭەيتۋدەن ساپانى جوعارىلاتۋعا دەيىن، نەگىزدىك وقۋ - اعارتۋ حالىق رازى بولاتىن وقۋ - اعارتۋدى ويداعىداي جۇرگىزۋدىڭ داۋىرلىك اۋىر مىندەتىنە بەلسەنە جاۋاپ قايتاردى.

2025 - جىلى كۇزگى وقۋ ماۋسىمىنان باستاپ، مەكتەپكە دەيىنگى ءبىر جىلدىق تاربيەلەۋ قاراجاتىن كەشىرىم ەتۋ ساياساتى اتقارىلىپ، 14 ميلليوننان استام بالا يگىلىككە كەنەلدى؛ وقىتۋشىلار اۋىس - كۇيىس جاساۋ، قىزمەت ورنىن اۋىستىرىپ تۇرۋ، توپتاستىرىپ مەكتەپ اشۋ سياقتىلار قالا مەن اۋىلدىڭ، مەكتەپتەر ارا وقۋ - اعارتۋ پارقىن ۇزدىكسىز ازايتتى؛ جىلجىمالى حالىق سانىنداعى بالالاردىڭ، وقۋ جاسىنداعى مۇگەدەك بالالاردىڭ ءبىلىم الۋىن قامتاماسىزداندىرۋ مەحانيزمى بارعان سايىن كەمەلدەندى.

ءداۋىردىڭ جاڭا ادامدارىن تاربيەلەپ، نەگىزدىك وقۋ - اعارتۋدى تامىر تارتقىزىپ، رۋحتى سومدايىق

تامىر تارتقاندا عانا، بۇتاقتار دۇرىس بولادى. شي جينپيڭنىڭ جاڭا ءداۋىر جۇڭگوشا سوتسياليزم يدەياسىن وقۋلىققا ەنگىزۋدى، ساباقحاناعا ەنگىزۋدى، وي - ساناعا ۇيالاتۋدى ىلگەرىلەتىپ، ورتا، باستاۋىش مەكتەپتەردىڭ يدەيا - ساياسي نازاريا ساباعى ساباق ولشەمىن جۇيەلى كەمەلدەندىرىپ، جوعارى، ورتا، باستاۋىش مەكتەپتەردىڭ يدەيا - ساياسي نازاريا ساباعىن ءبىر تۇلعالاندىرۋ رەفورماسىن ءتۇيىندى سىناق ەتە باستادى؛ 1200 دەن استام ورتا، باستاۋىش مەكتەپتەردىڭ يدەيالىق - ساياسي نازاريا ساباعى امالياتتىق وقىتۋ بازاسىن قۇرىپ، ءبىر توپ ”جىلجىمالى يدەيا - ساياسي ساباق“، ”الاڭ - سارايلارداعى يدەيا - ساياسي ساباق“ ماركاسىن قالىپتاستىردى.

گانسۋدىڭ حۇينيڭ قالاسىندا جوعارى، ورتا، باستاۋىش مەكتەپ وقۋشىلارى ”زور يدەيا - ساياسي ساباقتا“ بىرگە بولىپ، ۇلى ۇزاق جورىق رۋحىمەن سەنىم شۇعىلاسىن شاشتى؛ چۇڭچيڭنىڭ تۇڭلياڭىندا ”شاعىن يدەيا - ساياسي ساباقتىڭ“ سارا تۋىندىلارى وقۋشىلاردى قاھارماندىق رۋحتى سەزىنۋگە، وتباسىنا، وتانعا تەرەڭ سۇيىسپەنشىلىك ورناتۋعا جەتەكتەدى... ”زور يدەيا - ساياسي ساباق“ ءبىر توپ ءداۋىر جاڭا ادامدارىنىڭ تولىسا ەسەيىپ - ەرجەتۋىندەگى بەرىك توپىراققا اينالدى.

جاپپاي دامۋدى جەبەپ، نەگىزدىك وقۋ - اعارتۋدىڭ نەگىزىن ونان ارى نۇرلاندىردى.

ۇلتتىڭ گۇلدەنۋى سىندى ۇلى مىندەتتى ارقالايتىن ءداۋىردىڭ جاڭا ادامدارىن جەتىلدىرۋدى ىلگەرىلەتۋ كەرەك. باس شۋجي شي جينپيڭ ”نەگىزدىك وقۋ - اعارتۋ _ ونەگە كورسەتىپ ادام تاربيەلەيتىن ءىس“ دەگەندى ايقىنداپ، ”حالىق بۇقاراسىنىڭ جاڭا ارمان - تىلەگىنە ۇيلەسىپ، نەگىزدىك وقۋ - اعارتۋدى كەڭەيتىپ، ساپاسىن جوعارىلاتۋدى ىلگەرىلەتۋ كەرەك“ دەپ نۇسقاۋ بەرىپ، ”وقۋ - اعارتۋ زاڭدىلىعىنا بويسۇنىپ، سالاماتتىقتى ءبىرىنشى ورىنعا قويۋ وقۋ - اعارتۋ ۇستانىمىن تياناقتاندىرۋدى“ قاداعالاپ، ”احىلاق، اقىل - وي، دەنە، ەستەتيكا، ەڭبەك جاعىنان جان - جاقتى تاربيەلەۋ جۇيەسىن اقاۋسىزداندىرۋدى“ باسا دارىپتەدى.

ساباق كەستەسىندەگى وزگەرىس كوزگە تەز تۇسەدى. بەيجيڭ قالاسى ورتا، باستاۋىش مەكتەپتەردىڭ ”دەنە تاربيە جونىندەگى 8 تارماقتى“ جاريالاپ، ”ساباق لەكسياسى“ مەن ”تەر شىعارمايتىن“ دەنە تاربيە ساباعىنان باس تارتتى؛ شاندۇڭ ولكەسى ورتا، باستاۋىش مەكتەپتەردىڭ جاساندى زەردە جالپىلىق ءبىلىم تاربيەسىن جاپپاي جالپىلاستىرىپ، شارت - جاعدايى بار مەكتەپتەردىڭ تاڭدامالى ساباقتاردى اشۋىنا قولداۋ كورسەتتى؛ حۋنان ولكەسى ەستەتيكالىق تاربيە ۇستانىمىن ءارقايسى پاندەردىڭ وقىتۋ رەفورماسىمەن توعىستىرىپ، ساباقتى ”ەستەتيكالاپ“... احىلاق، اقىل - وي، دەنە، ەستەتيكا، ەڭبەك جاقتارىنان جان - جاقتى جەتىلگەن ادام تاربيەلەۋ ەكولوگياسىن كۇن سايىن كەمەلدەندىردى.

بولاشاقتى بەتكە الىپ، نەگىزدىك وقۋ - اعارتۋدا قۋاتتى ەل بولۋ نەگىزىن ونان ارى بەكەمدەۋ كەرەك.

وقىتۋشىلار _ وقۋ - اعارتۋدىڭ نەگىزى، وقۋ - اعارتۋدى گۇلدەندىرۋدىڭ قاينارى.

جىجياڭنىڭ جوۋشان قالاسىندا 90 -جىلداردىڭ ءتولى بولعان وقىتۋشى شىن مىڭۋي شالعاي رايونعا وقۋ - اعارتۋ جەتكىزۋ ساياساتىنا ءۇن قوسىپ، قالا مەن اۋىلدىڭ وقۋ - اعارتۋىن جالعاعان كوپىر بولىپ، شالعاي رايوندارداعى وقۋشىلاردى تاربيەلەگەن. چيڭحاي ولكەسى يۇشۋ وبلىسى ەرەكشە قىزمەت ورنىنداعى وقىتۋشى ۋاڭ شۋەليان تەڭىز بەتىنەن 3700 مەتر بيىكتىكتە ساباق مىنبەسىندە ساباق ءوتۋى ءۇمىت وتىن مازداتادى.

بۇكىل ەلگە نازار سالساق، ”مەملەكەتتىك تاربيەلەۋ جوسپارى“ رەفورماسىن تەرەڭدەتىپ، ”ەرەكشە قىزمەت ورنى جوسپارىن“ ورنىقتى كەڭەيىپ، ”مەملەكەتتىك تاڭداۋلى جوبا“ سىناق ءتۇيىنىن ىلگەرىلەتىلىپ، ”قارت وقىتۋشىلاردىڭ ساباق ءوتۋ جوباسى“ ساباقحاناعا قايتا ورالىپ، ءتىپتى دە كوپ بالانىڭ جاقىن ماڭدا جاقسى وقىتۋشىعا جولىعۋىنا، ءاربىر ساباقتى جاقسى قابىلداتۋعا مۇمكىندىك جاسادى.

دۇرىس جولدان جازباي، جاڭالىق اشىپ، نەگىزدىك وقۋ - اعارتۋدىڭ جاڭا باسىمدىعىن سومداۋ كەرەك.

تاياۋدا شىعارىلعان «وقۋ - اعارتۋدى دامىتۋدىڭ ”15 - بەسجىلدىق“ جوباسىندا» ”وقۋ - اعارتۋدىڭ الەۋمەتتىك قىزمەت وتەۋ ساپاسى مەن دەڭگەيىن جاپپاي جوعارىلاتۋدى“ ماڭىزدى ورىنعا قويىپ، نەگىزدىك وقۋ - اعارتۋدىڭ ”نەگىزگى ءتۇيىن“ جوسپارىن ورتاعا قويدى. ولار 1000 نان استام ساپالى ادەتتەگى ورتا مەكتەپ قۇرۋ، جاڭا كەزەكتى مىندەتتى وقۋ - اعارتۋدىڭ ءالسىز بۋىندارىن جاقسارتۋ جانە قابىلەتىن جوعارىلاتۋ قىزمەتىن اتقارۋ، ەرەكشە وقۋ - اعارتۋدى پەداگوگيكا تۇرىندەگى وقۋشىلاردىڭ مىندەتتى وقيتىن ساباعىنا ەنگىزۋ...قاتارلىلار.

باس شۋجي شي جينپيڭنىڭ كوڭىلىندە ءاربىر بالا اقتالىپ بولماعان ءۇمىت. بۇل ءۇمىت بالا ۇنىنەن بايقالىپ، كۇلكىسىنەن كورىنىپ تۇرادى.

نەگىزدىك وقۋ - اعارتۋدىڭ وسىزاماندانعان قۇدىرەتتى ەل قۇرۋداعى، ادامنىڭ جان - جاقتىلى دامۋىنا قىزمەت وتەۋدەگى رولى تەڭدەسسىز. ءاربىر بالا ءادىل دە ساپالى وقۋ - اعارتۋدان يگىلىكتەنگەندە، جۇڭگوشا وسىزامانداندىرۋ تەرەڭ، باياندى دارىندىلار تىرەگىنە يە بولادى.