ءۇش تاراۋ قامقورلىق كۋالىگىن جالعاننان جاساۋ قاتارلى زاڭعا قايشى ارەكەتتەرگە زاڭ بويىنشا سوققى بەرۋ جونىندە ورنالاستىرۋ جاسادى 

حالىق گازەتىنىڭ ءتىلشىسى لي لۇڭ – ي 9 – ايدىڭ 8 – كۇنى بەيجيڭنەن حابارلايدى. جۋىردا اسكەرلىك مىندەتتەن بوساعان اسكەريلەرگە قاتىستى ىستەر مينيسترلىگى، قوعام حاۋىپسىزدىگى مينيسترلىگى، ەڭ جوعارى حالىق پروكۋراتۋراسى «قامقورلىق كۋالىگىن جالعاننان جاساۋ قاتارلى زاڭعا قايشى ارەكەتتەرگە زاڭ بويىنشا سوققى بەرۋ جونىندەگى ۇقتىرۋدى» بىرگە باسىپ تاراتتى، مۇندا اسكەرلىك مىندەتتەن بوساعان اسكەريلەر مەن باسقا دا قامقورلىق جاسالاتىن وبيەكتىلەردىڭ قامقورلىق كۋالىگى مەملەكەتتىك ورگانداردىڭ كۋالىگىنە جاتاتىندىعى جانە قاتىستى زاڭعا قايشى ارەكەتتەردى زاڭ بويىنشا تەكسەرىپ ءبىر جاقتى ەتۋگە قولدانىلاتىن زاڭدار ايقىندالدى، جەر – جەردەگى قاتىستى تاراۋلاردىڭ قامقورلىق كۋالىگىن جالعاننان جاساۋ قاتارلى زاڭعا قايشى ارەكەتتەرگە زاڭ بويىنشا سوققى بەرۋى جونىندە ورنالاستىرۋ جاساپ، قامقورلىق جاساۋ ساياساتىنىڭ تياناقتاندىرىلىپ جۇزەگە اسىرىلۋىنا كەپىلدىك ەتىپ، قامقورلىق جاسالاتىن وبيەكتىلەردىڭ زاڭدى ۇقىق – مۇددەسىن شىنايى قورعايدى.

ۇقتىرۋدا مىنالار باسا دارىپتەلگەن: قامقورلىق كۋالىگى — اسكەرلىك مىندەتتەن بوساعان اسكەريلەرگە قاتىستى ىستەر مينيسترلىگى زاڭ بويىنشا تاراتقان مەملەكەتتىك ورگان كۋالىگى. قامقورلىق كۋالىگىن جالعاننان جاساۋ، وزگەرتىپ جاساۋ جانە ساۋدالاۋ ارەكەتتەرى «جۇڭحۋا حالىق رەسپۋبليكاسىنىڭ اماندىق باسقارۋعا قايشىلىق جاساعانداردى جازالاۋ زاڭىنداعى» قاتىستى بەلگىلەمەلەر بويىنشا ءبىر جاقتى ەتىلەدى؛ قىلمىس وتكىزدى دەگەن كۇمانعا شاتىلعانداردى «جۇڭحۋا حالىق رەسپۋبليكاسىنىڭ قىلمىستىق ىستەر زاڭىنا» ساي دەلو تۇرعىزىپ تەكسەرەدى. قامقورلىق كۋالىگىن جالعاننان جاساپ، وزگەرتىپ پايدالانىپ، قاتىناس، مادەنيەت – ساياحات قاتارلى سالالارداعى قامقورلىق جاسالاتىن وبيەكتىلەردىڭ قامقورلىق جاسالاتىن تيىمدىلىكتەرىنەن الدامكوستىكپەن يگىلىكتەنەتىن ارەكەتتەردى «جۇڭحۋا حالىق رەسپۋبليكاسىنىڭ اماندىق باسقارۋعا قايشىلىق جاساعانداردى جازالاۋ زاڭىنداعى» قاتىستى بەلگىلەمەلەر بويىنشا ءبىر جاقتى ەتەدى. اسكەرلىك مىندەتتەن بوساعان اسكەريلەرگە قاتىستى ىستەر تاراۋى تاراتقان جۇڭحۋا حالىق رەسپۋبليكاسىنىڭ مۇگەدەك اسكەر كۋالىگى مەن جۇڭحۋا حالىق رەسپۋبليكاسىنىڭ مۇگەدەك حالىق ساقشىسى كۋالىگىنىڭ سيپاتى قامقورلىق كۋالىگىمەن بىردەي، ەكەۋى دە مەملەكەتتىك ورگاننىڭ كۋالىگىنە جاتادى، قاتىستى تاراۋلار دا قاتىستى زاڭعا قايشى ارەكەتتەرگە زاڭ بويىنشا سوققى بەرۋى كەرەك.

ۇقتىرۋدا مىنالار تالاپ ەتىلگەن: جەر – جەردەگى اسكەرلىك مىندەتتەن بوساعان اسكەريلەرگە قاتىستى ىستەر تاراۋلارى، قوعام حاۋىپسىزدىگى ورگاندارى مەن حالىق پروكۋراتۋرالارى سەلبەستىكتى كۇشەيتىپ، ۇگىتتەۋ، الدىن الۋ جانە تەكسەرىپ ءبىر جاقتى ەتۋ قاتارلى قىزمەتتەردى بىرلەسىپ ورىستەتۋى كەرەك.

كەلۋ قاينارى: حالىق تورابى