اقىل - پاراساتتى تاسقىنداتۋ ارقىلى جان دۇنيەنى نارلەندىرىپ، اعارتۋشىلار رۋحىن اسقاقتاتىپ، وقۋشىلاردىڭ جاقسى جول باستاۋشىسى بولايىق (باس شۋجي ءجىتى قاداعالاپ وتىرعان ىستەر، تياناقتاندىرۋدىڭ قايتىمدى اڭىسى)

”اعارتۋشىلار رۋحىن اسقاقتاتىپ، ۇستازدىق ءمورال، ۇستازدىق ستيل قۇرىلىسىن كۇشەيتىپ، جوعارى ساپالى، ماماندانعان وقىتۋشىلار قوسىنىن باۋلۋ، جەتىلدىرۋ كەرەك“.2026 - جىلى 7 - ايدا، باس شۋجي شي جينپيڭ نەگىزدىك وقۋ - اعارتۋ قىزمەتى جونىندە ماڭىزدى نۇسقاۋ بەرىپ، وسىلاي دەپ باسا دارىپتەدى

جيلين داشۋەسى چاۋياڭ مەكتەپ رايونىندا، حۋاڭ دانيان ەسكەرتكىش سارايىنىڭ جاڭا سارايى تاياۋدا سالىنىپ بولدى. كورمە زالىندا حۋاڭ دانياننىڭ ”حالىق اعارتۋشىسى“ دەگەن داڭق كۋالىگى مەن مەدالى ءتىزىلىپ تۇر، جانىندا ونىڭ ءوز قولىمەن جازعان كۇن ءتارتىپ كەستەلەرى مەن باسقادا قولجازبالارى جىپىرلاتا ءتىزىلىپتى.

2017 - جىلى باس شۋجي شي جينپيڭ حۋاڭ دانيان جولداستىڭ ىزگى ىستەرى جونىندە ماڭىزدى نۇسقاۋ بەرىپ، ”وتانشىلدىق سۇيىسپەنشىلىكتى، وتان ءۇمىتىن اقتاۋ جىگەرىن وتاننىڭ رەفورما، دامۋ ۇلى ىسىمەن، حالىقتىڭ تاريحتى جاراتۋ ۇلى كۇرەسىمەن توعىستىرۋدى“ باسا دارىپتەدى.

شىنايى ءۇمىت تەرەڭ تامىر تارتىپ، وركەن جايدى. سول جىلى وقۋ - اعارتۋ مينيسترلىگى بۇكىل ەلدەگى جوعارى مەكتەپتەردىڭ حۋاڭ دانيان ۇلگىسىندەگى وقىتۋشىلار قوسىنىن قۇرۋ قيمىلىن باستادى، تۇڭعىش توپتا تۇراقتاندىرىلعان 201 ادامدىق وقىتۋشىلار ۇيىرمەسى 200 جوعارى مەكتەپتەن كەلگەن بولىپ، ءارقايسى پاندەر مەن شىعىس، ورتا، باتىس بولەكتەگى ولكەلەردى قامتىدى.

2021 - جىلى باس شۋجي شي جينپيڭ بۇكىل ەلدەگى جوعارى مەكتەپتەردىڭ حۋاڭ دانيان ۇلگىسىندەگى وقىتۋشىلار ۇيىرمەسىنىڭ ۋاكىلدەرىنە جاۋاپ حات جازىپ، ولاردى ”ونەگە كورسەتىپ ءوزىن باۋلىپ، دەن قويا ۇيرەنىپ، ءورىس اشا جاڭالىق اشىپ، ۇيرەنۋ ءۇشىن، ءىس ءۇشىن ادام بولۋدى شىن مانىندە بىرلىككە كەلتىرىپ، وقۋشىلاردىڭ ەسەيىپ - ەرجەتۋىنىڭ جاقسى جول باستاۋشىسى بولۋعا شابىتتاندىردى“.

رۋح كۇش جالعاۋ بارىسىندا جالعاسادى. ”جۇڭحۋانى گۇلدەندىرۋ ءبىزدىڭ بورىشىمىز“، بۇل حۋاڭ دانياننىڭ ۇنەمى ايتاتىن ءسوزى ءارى سان مىڭداعان وقۋ - اعارتۋ قىزمەتكەرلەرىنىڭ كوكەيىنە تەرەڭ ۇيالاعان بورىشى.

حاربين ونەركاسىپ داشۋەسىندە، جۇڭگو قۇرىلىس اكادەمياسىنىڭ اكادەميگى تان جيۋبين ەرەكشە نازىك اسپاپتار تەحنيكاسىندا جاڭالىق جاراتۋ ۇيىرمەسىن باستاپ، نانومەتر، پيكومەتر ولشەمىندە ”ميلليلي جونىندە ىزدەنسە“، 30 قانشا جىل تىنباي قۇلشىنۋ ارقىلى، تەحنيكادان حالىقارادا باستاۋشى بولۋعا دەيىن ات ءىزىن سالدى؛ بەيجيڭ پوچتا - تەلەگراف داشۋەسىندە، جۇڭگو ينجەنەريا اكادەمياسىنىڭ اكادەميگى جاڭ پيڭ ۇيىرمە باستاپ حالىقارالىق تۇڭعىش G6 سىرتقى مايدان سىناق تورابىن قۇرىپ، دەربەس مەڭگەرۋگە بولاتىن تەحنيكالىق قولدانىلمالى جۇيەنى بەلگىلەپ، بار كۇشپەن قامال الدى.

قازىر 3 - توپتاعى 591 مەملەكەتتىك جوعارى مەكتەپ حۋاڭ دانيان ۇلگىسىندەگى وقىتۋشىلار توبى تۇراقتاندىرىلدى، 4 - توپتاعى 200 ۇيىرمە قۇرىلۋدا. بارشا جوعارى مەكتەپ وقىتۋشىلارى ءۇش كەز ساباق مىنبەسىنە تامىر تارتىپ، جۇرەكتە مەن بولۋ، وتان ءۇمىتىن ادالدىقپەن اقتاۋ رۋحىن ءمورال ارقىلى ادام تاربيەلەۋدىڭ جاندى ساباقحاناسىنا، وقۋ – اعارتۋدا قۋاتتى ەل، عىلىم – تەحنيكادا قۋاتتى ەل، دارىندىلاردا قۋاتتى ەل قۇرۋدى جەدەلدەتۋدىڭ جاندى امالياتىنا اينالدىردى.

ءبىر ۇلگى ارقىلى جەر مەن كوكتى نۇرلاندىردى، ءبىر قوسىن ارقىلى وقۋ – اعارتۋدىڭ بولاشاعىنا تىرەك بولدى.

”اعارتۋشىلار رۋحىن بارىنشا ساۋلەلەندىرۋ“، ”پارتيا مەن حالىق رازى بولاتىن ’تورتكە يە‘ جاقسى وقىتۋشى بولۋعا قۇلشىنۋ“، ”وقۋشىلار ءۇشىن ۇيرەنەتىن، ءىس ىستەيتىن، ادام بولاتىن ۇلكەن مىرزا بولۋ“.... باس شۋجي شي جينپيڭنىڭ وقىتۋشىلار قوسىنىنا دەگەن شىنايى ءۇمىتى جاڭا داۋىردەگى حالىق وقىتۋشىلارىنا وسكەلەڭ بورىش جۇكتەپ، جاڭا داۋىردەگى وقىتۋشىلار قوسىنى قۇرىلىسىنا ايقىن باعدار كورسەتتى.

جوعارى دەڭگەيدە جوبالانىپ، دىڭگەك ورناتىلدى.

جۇڭگو كوممۋنيستىك پارتياسى ورتالىق كوميتەتى، مەملەكەتتىك كەڭەس ”وقۋ - اعارتۋدا قۋاتتى ەل قۇرۋ جوبا باعدارلاماسىن (2024 _ 2035 - جىل) “ باسىپ تاراتىپ، جالپى جاعدايدى كوزدەپ، جولدى ايقىندادى؛ اعارتۋشىلار رۋحىن اسقاقتاتىپ، جاڭا داۋىردەگى جوعارى ساپالى، ماماندانعان وقىتۋشىلار قوسىنى قۇرىلىسىن كۇشەيتۋ جونىندەگى پىكىر جاپپاي ورنالاستىرىلىپ، ولشەم بەلگىلەپ، ناقتى شارا ورتاعا قويىلدى؛ وقۋ – اعارتۋ مينيسترلىگى سياقتى 8 تاراۋ ”جاڭا داۋىردەگى نەگىزدىك وقۋ – اعارتۋدا وقىتۋشىلاردى قۇدىرەتتەندىرۋ جوسپارىن“ باسىپ تاراتىپ، نەگىزدى كۇشەيتىپ، ولقىلىقتاردى تولىقتادى...

ءبىر قۇجات جوعارى ورەلى وقىتۋشىلار قوسىنى قۇرىلىسىن پارمەندى قوزعالتقىشپەن قامداپ، 18 ميلليون 700 مىڭ وقىتۋشى ءمورال ارقىلى ادام تاربيەلەۋدىڭ شەشۋشى نەگىزدىك كۇشىنە اينالدى.

وقىتۋشىلاردى كۇشەيتىپ، ساپانى جوعارىلاتىپ، ونىمدىلىكتى ارتتىردى.

بيىل جازدا بەيجيڭ شىفان داشۋەسىنەن 560 تان استام ”تاڭداۋلى وقىتۋشىلار جوسپارىنان“ وقۋ تاۋىسقان وقۋشىلار رەتتى كيىنىپ اتتانىپ، ورتا، باتىس بولەكتەگى 17 ولكەنىڭ اۋدان كولەمىندەگى ورتا، باستاۋىش مەكتەپتەرگە باردى. جورىققا اتتانۋ سالتىندا وقۋشىلار ”وتاندى مۇرات ەتۋ، ۇستازدى اتاق ەتۋ“ ايبىندى سەرتىن بىركەلكى داۋىسپەن وقىدى. ولار وتان ەڭ قاجەت ەتكەن جەردە سان مىڭداعان بالالاردىڭ ارمانىن نۇرلاندىرادى.

”تاڭداۋلى وقىتۋشىلار جوسپارى“ ءار جىلى كەدەيلىكتەن قۇتىلعان 832 اۋدان مەن ورتا، باتىس بولەكتەگى قۇرلىق شەكاراسىنداعى اۋداندارداعى ورتا، باستاۋىش مەكتەپتەرگە شىفان وقۋشىلارىن باعىتتامالى تاربيەلەپ بەردى؛ مينيسترلىككە قاراستى شىفان وقۋشىلارىنىڭ ۇكىمەت قاراجاتىمەن تاربيەلەنۋى تولىق كۋرستان اسپيرانتتىققا كوتەرىلدى؛ ”مەملەكەتتىك تاربيەلەۋ جوسپارى“ دالمە – ءدال كۇش سالىپ، يدەيا – ساياسي، دىبىس، دەنە، ەستەتيكا، ەڭبەك، پسيحيكالىق اقاۋسىزدىق، عىلمي تاربيە وقىتۋشىلارىن تاربيەلەۋدى ءتۇيىندى تۇردە ورىستەتتى؛ ”سيفرلاندىرىلعان ەنەرگيا بەرەتىن وقىتۋشىلاردى دامىتۋ ارەكەتى“ باستاپ اتقارىلدى.

باۋلۋدان باۋلۋعا دەيىن، داستۇردەن سيفرعا دەيىن، بارشا وقىتۋشىلار قابىلەتتى شىڭداپ، اۋەلگى ماقساتتى شىڭداپ، ادام تاربيەلەۋ قابىلەتى مەن جالپىلىق ساپاسىن بىردەي جوعارىلاتتى.

ۇستازداردى قۇرمەتتەپ، ۇستازدارعا تيىمدىلىك جاساپ، جۇرەكتى جىلىتتى.

مىندەتتى وقۋ - اعارتۋ ساتىسىنداعى وقىتۋشىلاردىڭ ورتاشا ەڭبەكاقى كىرىس دەڭگەيىنىڭ جەرگىلىكتى ورىنداعى ۇكىمەت قىزمەتكەرلەرىنىڭ ورتاشا ەڭبەكاقى كىرىس دەڭگەيىندەگى تابىستان تومەن بولماۋىن ۇزدىكسىز بەكەمدەۋ؛ ”جالعا بەرۋ + ساتۋ“ ءوزارا ۇشتاستىرىلعان اۋىل - قىستاق وقىتۋشىلارىنىڭ تۇرعىن ۇيمەن قامتاماسىزداندىرۋ جۇيەسىن ورناتۋ؛ اۋىل - قىستاق وقىتۋشىلارىنا پارىقتى كومەك قاراجات بەرۋ، شابىتتاندىرۋ مەحانيزمىن اقاۋسىزداندىرىپ، ءار جىلى ءبىر ميلليون 200 مىڭنان استام اۋىل - قىستاق وقىتۋشىسىن يگىلىككە كەنەلتۋ... وقىتۋشىلاردى قۇرمەتتەپ، وقۋ - اعارتۋعا ءمان بەرۋدىڭ تەمپەراتۋراسى ناقتى تىرەككە اينالدى.

سونىمەن بىرگە، ۋاقىتتى وقىتۋشىلارعا قايتارۋ، وقۋ - اعارتۋدى ماندىك مانگە ورالتۋدى ماقسات ەتكەن اۋىرتپالىقتى جەڭىلدەتۋ ارەكەتى جەر - جەردە تىڭعىلىقتى ىلگەرىلەتىلدى: وقۋ - اعارتۋ جۇيەسىنىڭ قۇجات تاراتۋى مەن وقىتۋشىلاردىڭ اۋىرتپالىعىن جەڭىلدەتۋدىڭ بىردەيلىگىن باعالاۋ، تەكسەرۋ ءتۇزىمىن ورناتىپ، قوعامدىق ىستەردى مەكتەپ اۋلاسىنا كىرگىزۋ ارناۋلى رەتتەۋ - جونگە سالۋدى ورىستەتىپ، ”اق تىزىمدىكتى“ باسقارۋدى اتقارىپ، قاتىسسىز ىستەردىڭ مەكتەپ اۋلاسىنا كىرۋىن باتىل تەجەدى...

نەگىزدى بەكەمدەۋ ارەكەتتەرى بارشا وقىتۋشىلاردىڭ ۇدەرە العا تارتۋىنىڭ قوزعاۋشى كۇشىنە اينالدى.ءتىپتى دە كوپ وقىتۋشىلار وقىتۋمەن الاڭسىز شۇعىلدانىپ، وقىتۋمەن قىزۋ ىنتامەن شۇعىلدانىپ، وقىتۋمەن الاڭسىز شۇعىلدانىپ، قىزمەت ورنىندا باقىت سەزىمىنە، كاسىپتە تابىسقا جەتۋ سەزىمىنە، قوعامدا داڭق سەزىمىنە يە بولدى.

”اعارتۋشىلار رۋحىن اسقاقتاتىپ، ۇستازدىق ءمورال، ۇستازدىق ستيل قۇرىلىسىن كۇشەيتىپ، جوعارى ساپالى، ماماندانعان وقىتۋشىلار قوسىنىن باۋلۋ، جەتىلدىرۋ كەرەك“. جاڭا جورىقتا جاڭا داۋىردەگى حالىق وقىتۋشىلارى تاپسىرمانى امالياتتا ايگىلەپ، ”ارمان قوسىنىنىڭ“ ارمانعا قانات قاعۋشىسى بولىپ، مەملەكەتتى قۇدىرەتتەندىرۋ قۇرىلىسىنا، ۇلتتى گۇلدەندىرۋ ۇلى ىسىنە تىڭ ۇلەس قوسۋدا.