مەملەكەتتىك ەكولوگيالىق ورتانى قورعاۋ ولشەمىنەن 6 ولشەمنىڭ وزگەرىس ەنگىزىلگەن نۇسقاسى جاريالاندى 

گازەتىمىزدىڭ حابارى (ءتىلشى جوۋ ي). ءتىلشىنىڭ ەكولوگيالىق ورتا مينيسترلىگىنەن ۇعىسۋىنشا، جۋىردا ەكولوگيالىق ورتا مينيسترلىگى «لاس زاتتاردى ىعىستىرۋعا رۇقسات بەرۋ كۋالىگىن ءوتىنىش ەتۋ جانە بەكىتىپ تاراتۋ تەحنيكالىق ولشەمى — وت ەلەكترى» قاتارلى مەملەكەتتىك ەكولوگيالىق ورتانى قورعاۋ ولشەمىنەن 6 ولشەمنىڭ وزگەرىس ەنگىزىلگەن نۇسقاسىن جاريالادى، ءتۇيىندى سالالارداعى لاس زاتتاردى ىعىستىرۋعا رۇقسات بەرۋ كۋالىگىن ءوتىنىش ەتۋ جانە بەكىتىپ تاراتۋ قىزمەتىن ساپالىلاندىرىپ، تۇراقتى لاستانۋ قاينارىن جىنتىكتەي باسقارۋ نەگىزىن بەكەمدەپ، كورىكتى جۇڭگو قۇرىلىسىنا پارمەندى تىرەك ازىرلەدى.

ەكولوگيالىق ورتا مينيسترلىگى ورتاعا ىقپال جاسايتىن جايتتەردى باعالاۋ باسقارماسىنىڭ قاتىستى جاۋاپتىسى بىلاي دەدى: جاڭا نۇسقاداعى ولشەمدە باسقارۋ مەن تىزگىندەۋ اناعۇرلىم جالپى بەتتىك، دالمە – ءدال بولعان. ولشەمدە قاتىستى سالالارداعى لاس سۋ، لاس گاز، ونەركاسىپتىك قاتتى لاس زات، ونەركاسىپتىك شۋىل قاتارلىلاردى ىعىستىرۋدى جانە ونىڭ توپىراقتىڭ ەكولوگيالىق ورتاسىنا جاسايتىن ىقپالىن جاپپاي باسقارىپ جانە تىزگىندەپ، ورتانى باسقارۋ جاعىنداعى ءتۇرلى تالاپتارمەن ءونىمدى ۇشتاستىرىپ، تۇراقتى لاستانۋ قاينارىن ”ءبىر كۋالىكپەن“ باسقارۋ نەگىزىن بەكەمدەدى.

لاس زاتتاردى ىعىستىراتىن نەگىزگى كومەيلەردەن لاس زاتتاردى شىعارۋ مولشەرىن باسقارۋ - تىزگىندەۋدى كۇشەيتۋ نەگىزىندە، ولشەمگە لاس گازدى ادەتتە ىعىستىرۋ اۋىزى، ۇيىمداستىرۋسىز ىعىستىرۋدى باسقارۋ - تىزگىندەۋ تالابى جاڭادان قوسىلىپ، ءىس جۇزىندىك ىعىستىرۋ مولشەرىن ەسەپتەۋ ەرەجەسى مەن بەلگىلەمەگە ۇيلەسەتىندىگىن تۇجىرىمداۋ ءادىسى ساپالىلاندىرىلىپ، لاستاۋشى زاتتاردى ىعىستىرۋ مولشەرىن جالپى بەتتىك رۇقسات بەرۋ بويىنشا باسقارۋ جۇزەگە اسىرىلدى. ولشەمدە رۇقسات ەتىلەتىن ىعىستىرىلىم مولشەرىن قاتاڭ تۇردە تۇراقتاندىرۋ تالاپ ەتىلىپ، جاڭادان سالىناتىن، وزگەرتىلەتىن، كەڭەيتىلەتىن نىسانداردىڭ رۇقسات ەتىلەتىن ىعىستىرىلىم مولشەرى لاس زات ىعىستىرۋعا رۇقسات ەتۋ تەحنيكالىق ولشەمى مەن ورتاعا جاساعان ىقپالىن باعالاۋ جانە جالپى مولشەرىن باسقارۋ تالاپتارىنا بىردەي ۇيلەسۋى كەرەك ەكەندىگىن ايقىنداپ، ەرەكشە مەزگىلدە، ولشەمگە تولماعان وزەن الابىنا، تەڭىز - مۇحيت اۋماعىنا پارىقتى باسقارۋ - تىزگىندەۋ شارالارىن قولدانۋدى كەمەلدەندىرىپ، لاستانۋدىڭ الدىن الۋ جانە جونگە سالۋ جاعىنداعى جارامدى تەحنيكالاردى جاڭالاپ، وڭىرلىك ەكولوگيالىق ورتا ساپاسىنىڭ ۇزدىكسىز جاقسارۋىنا دەم بەردى.

كەلۋ قاينارى: حالىق تورابى