باعا باسەكەسى كەلىسسوزى اياقتالدى  2026 – جىلعى مەملەكەتتىڭ نەگىزگى ەمدەۋ قامسىزداندىرۋىنداعى ءدارى – دارمەك مازمۇنى مەجەمەن 11 – ايدا جاريالانادى

9 - ايدىڭ 5 – كۇنىنەن 8 – كۇنىنە دەيىن مەملەكەتتىك ەمدەۋ قامسىزداندىرۋ مەكەمەسى 2026 ـ جىلعى مەملەكەتتىڭ نەگىزگى ەمدەۋ قامسىزداندىرۋىنداعى ءدارى ـ دارمەك تىزىمدىگى جونىندە ناق مايداندا كەلىسسوز وتكىزىپ، باعا باسەكەسىن ورىستەتتى، 100 دەن استام ەل ىشىندەگى كاسىپورىندار جانە شەتەل قارجىلاندىرعان كاسىپورىندار ناق مايدانعا كەلىپ قاتىناسىپ، تىزىمدىكتە جوق 124 ءتۇرلى ءدارى ـ دارمەك باعا باسەكەسى كەلىسسوزىنە كىردى، قوعام نازار اۋدارىپ وتىرعان وسپە، سيرەك كەزدەسەتىن اۋرۋ، سوزىلمالى اۋرۋ، سونداي ـ اق بالالاردىڭ ءدارىسى قاتارلى ءتۇيىندى سالالارداعى جاڭالىق اشقان دارىلەر كەلىسسوزگە قاتىناستى ءارى ەمدەۋ قامسىزداندىرۋ تىزىمدىگىنە ەنگىزىلۋدەن ءۇمىت بار.

سونىمەن بىرگە، ساۋدالىق دەنساۋلىق قامسىزداندىرۋىندا جاڭالىق اشىلعان ءدارى - دارمەك تىزىمدىگىن رەتتەۋ قىزمەتى دە قاتار ورىستەتىلىپ، 12 ءتۇرلى ءدارىنىڭ باعاسى ناق مايدانداعى باعا كەلىسسوزىنە ەنگىزىلدى. 2026 – جىلعى مەملەكەتتىك ەمدەۋ قامسىزداندىرۋىنداعى ءدارى – دارمەك تىزىمدىگى مەن ساۋدالىق قامسىزداندىرۋ، جاڭالىق اشۋ ءدارى – دارمەك تىزىمدىگى مەجەمەن بيىل 11 - ايدا جاريالانادى، 2027 – جىلى 1 – ايدىڭ 1 - كۇنىنەن باستاپ رەسمي اتقارىلادى.

كەلۋ قاينارى: حالىق تورابى