بۇگىننەن باستاپ 12306 وقىتۋشىلارعا ءنومىر ەسەپتەۋدە تيىمدىلىك جاسايدى 

ءتىلشىنىڭ جۇڭگو مەملەكەتتىك تەمىر جول شەكتى سەرىكتەستىگىنەن ۇعىسۋىنشا، 9 – ايدىڭ 10 – كۇنىنەن باستاپ، تەمىر جول تاراۋلارى قازىرگى ”تەمىر جولمەن ىركىلىسسىز ساپارلايتىن“ تۇراقتى جولاۋشى مۇشەلەرگە قىزمەت وتەۋ نەگىزىندە، تۇراقتى جولاۋشى مۇشەلەر اراسىنداعى وقىتۋشىلارعا ءنومىر ەسەپتەۋدە تيىمدىلىك جاسايدى.

”تەمىر جولمەن ىركىلىسسىز ساپارلايتىن“ تۇراقتى جولاۋشى مۇشەلەر اراسىنداعى وقىتۋشىلار تەمىر جول 12306 قول تەلەفون كليەنتىنىڭ ”وقىتۋشىلىق سالاۋات ينفورماتسياسىن تەكسەرۋ“ ارناۋلى رايونىنا كىرىپ، وقۋ – اعارتۋ مينيسترلىگىنىڭ بۇكىل ەلىمىزدەگى وقىتۋشىلاردى باسقارۋ ينفورماتسيا جۇيەسىندەگى ينفورماتسيامەن سالىستىرۋ ارقىلى وقىتۋشىلىق سالاۋاتىن دالەلدەگەننەن كەيىن، 9 – ايدىڭ 10 – كۇنىنەن 12 – ايدىڭ 30 – كۇنىنە دەيىن جولاۋشىلار پويەزىنە وتىرىپ بەكەتكە جەتكەن سوڭ، بەلەت باعاسىنىڭ 10 ەسەسىندەي نومىرگە يە بولادى، بۇل جاي تۇراقتى جولاۋشى مۇشەلەرگە بەرىلەتىن ءنومىردىڭ ەكى ەسەسىندەي.

مىسالى، جاي تۇراقتى جولاۋشى مۇشە 1000 يۋانعا بەلەت ساتىپ الىپ پويەزگە وتىرىپ بەكەتكە جەتكەن سوڭ، 5000 ءنومىر جيناي الادى، بۇل ءنومىردى 50 يۋانعا اۋىستىرىپ پايدالانۋعا بولادى؛ تۇراقتى جولاۋشى مۇشەلەر اراسىنداعى سالاۋاتى تەكسەرىلىپ دالەلدەنگەن وقىتۋشى 1000 يۋان جۇمساپ بەلەت ساتىپ الىپ پويەزگە وتىرىپ بەكەتكە جەتكەن سوڭ، 10000 ءنومىر جيناي الادى، بۇل ءنومىردى 100 يۋانعا اۋىستىرىپ پايدالانۋعا بولادى. مۇشەلىك ءنومىردى پويەز بەلەتىن اۋىستىرۋعا نەمەسە ورىن دارەجەسىن جوعارىلاتۋعا پايدالانۋعا بولادى.

كەلۋ قاينارى: حالىق تورابى