بەتتى ساقتاۋ | باس بەت ەتۋ
| حات ساندىعى
| حابارلاسىڭىز | ءبىز تۋرالى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
جۇڭگو كوممۋنيستىك پارتياسى اقپارات تورابى
2026.09.10 09:03 كەلۋ قاينارى : حالىق تورابى
گازەتىمىزدىڭ 9 - ايدىڭ 8 - كۇنگى بەيجيڭنەن بەرگەن حابارى (ءتىلشى ۋاڭ جىڭ) ونەركاسىپ جانە ينفورماتسيالاندىرۋ مينيسترلىگى «اقپارات - حابارلاسۋ كاسىبىن دامىتۋدىڭ ”15 - بەسجىلدىق“ جوباسىن» جاريالاپ، مىنانى العا قويدى: مەجەمەن 2030 - جىلعا دەيىن قامتۋى كەمەلدى، يقۋاتى وزىق جاڭا بۋىن حابارلاسۋ تورى جالپى بەتتىك سالىنىپ بولىپ، 2035 - جىلى اقپارات - حابارلاسۋ كاسىبىن نەگىزىنەن وسىزامانداندىرۋعا بەرىك نەگىز قالانادى.
جوبادا اقپارات - حابارلاسۋ كاسىبىنىڭ كوپتەگەن نەگىزگى كورسەتكىشتەرى شوعىرلى تۇردە كورسەتىلگەن. ولار: 2030 - جىلى اقپارات - حابارلاسۋ كاسىبىنىڭ كىرىسى 4 تريلليون 100 ميلليارد يۋانعا جەتەدى، ءار 10 مىڭ ادامعا تۋرا كەلەتىن 5G بازالىق ستانسياسىنىڭ سانى (5G-A قامتىلادى) 50 بولىپ، 5G دىڭ قولدانۋشىلار اراسىندا جالپىلاسۋ مولشەرى (5G-A قامتىلادى) %95 كە جەتەدى، مەگابايتتان جوعارى جەلىگە قوسىلعان پايدالانۋشىلار سانى 320 ميلليون وتباسىنا جەتەدى، زەردەلى ەسەپتەۋ قۋاتىنىڭ كولەمى 9800 ەفلوپسقا جەتەدى.
جوبا تاعى دا جاساندى سەرىك تورى مەن جەر بەتىندەگى حابارلاسۋ تورىن ىشكەرىلەي ۇشتاستىرۋدى ىلگەرىلەتۋدى، جاساندى سەرىك پەن جەر بەتى اراسىنداعى ءوزارا بايلانىس ورتالىعىن ءبىر تۇتاس جوسپارلاپ قۇرۋدى، قول تەلەفوندى تىكەلەي جاساندى سەرىككە جالعاۋ، جاساندى سەرىك زاتتار ينتەرنەتى قاتارلى قولدانىلىمداردى ورىستەتۋدى العا قويدى. 6G بازالىق ستانسياسىن، 6G زەردەلى تەلەفونىن زەرتتەپ جاساپ، وپتيكالىق حابارلاسۋ، ەسەپتەۋ تورى، كۆانتتىق حابارلاسۋ قاتارلى اقپارات – حابارلاسۋ جاعىنداعى ءتۇيىندى سالالارداعى ولشەم جۇيەسى قۇرىلىسىن كۇشەيتۋ ورتاعا قويىلدى.
كەلۋ قاينارى: حالىق تورابى
