9 - رەتكى جۇڭگو شارۋالارى مول ءونىم مەرەكەسى جونىندەگى جالپى ورنالاستىرۋ جاريالاندى، 47 ءتۇرلى نەگىزگى قيمىل وتكىزىلەدى 

9 - ايدىڭ 9 - كۇنى تۇستەن بۇرىن، اۋىل شارۋاشىلىعى جانە اۋىل - قىستاق مينيسترلىگى اقپارات جاريالاۋ ءماجىلىسىن وتكىزىپ، بيىلعى مول ءونىم مەرەكەسى قيمىلىنىڭ جالپى ورنالاستىرۋى جاعىنداعى قاتىستى جاعدايلاردى تانىستىردى. بيىلعى ەسكىشە كالەندار بويىنشا كۇن مەن ءتۇننىڭ كۇزگى تەڭەلۋى 9 - رەتكى جۇڭگو شارۋالارى مول ءونىم مەرەكەسىنە تۋرا كەلەدى، جالپى ورنالاستىرۋ ەكى سالاعا بولىنەدى.

ءبىرىنشى، ۇيىمداستىرۋ كوميتەتى باس بولىپ ۇيىمداستىرىپ ورىستەتەتىن مول ءونىمدى قۇتتىقتاۋ جەلىلەس قيمىلى. ورتالىق ۇگىت ءبولىمى، وقۋ - اعارتۋ مينيسترلىگى قاتارلى ۇيىمداستىرۋ كوميتەتىنە مۇشە 17 ورىن بىرگە قاتىناسىپ، 47 ءتۇرلى نەگىزگى قيمىلدى ۇيىمداستىرادى، ”N + 1“ دەپ جيناقتاۋعا بولادى.

. ”1“ دەگەنىمىز مەملەكەتتىك نەگىزگى الاڭ قيمىلى، حۋبەي ولكەسى شياڭياڭ قالاسى زاۋياڭ قالاسى دوڭجياۋ قىستاعىندا وتكىزىلەدى.

. ”N“ دەگەنىمىز شارۋالاردى نەگىزگى تۇلعا ەتىپ، ۇيىمداستىرۋ كوميتەتىنە مۇشە ورىندار مەملەكەت بويىنشا كولەمدى تەگىن ەمدەۋ قيمىل اپتالىعىن، مەملەكەتتىك عىلىمدى جالپىلاستىرۋ ايى اۋىل شارۋاشىلىعى جانە اۋىل - قىستاق نەگىزگى الاڭ قيمىلىن، التىن كۇز تۇتىنۋ ماۋسىمى قاتارلى 46 ءتۇرلى نەگىزگى قيمىلدى ۇيىمداستىرىپ ورىستەتەدى، بۇل عىلىم - تەحنولوگيا، زاڭدى جالپىلاستىرۋ، تەگىن ەمدەۋ، مادەنيەت - دەنە تاربيە قاتارلى قىزمەت وتەۋ مازمۇندارىن قامتيدى.

ەكىنشى، ءارقايسى جەرلەر شارۋالارعا قىزمەت وتەۋ جانە مەرەكەنى قۇتتىقتاۋ جاعىندا باي مازمۇندى قيمىلداردى ۇيىمداستىرىپ ورىستەتەدى. مول ءونىم مەرەكەسىنىڭ نەگىزگى تاقىرىبىن توڭىرەكتەي وتىرىپ، شارۋالار بۇقاراسىنىڭ ءوندىرىس، تۇرمىس قاجەتىنە نەگىزدەلىپ، مول ءونىم جەتىستىكتەرىن كورسەتۋ، شارۋالار كەلبەتىن ايگىلەۋ، ەگىنشىلىك مادەنيەتىن ساۋلەلەندىرۋ، اۋىل شارۋاشىلىق ونىمدەرىن تۇتىنۋدى جەبەۋ قاتارلى جاقتاردان ءبىر قىدىرۋ وڭىرلىك ەرەكشەلىككە يە قۇتتىقتاۋ قيمىلدارىن ورىستەتەدى.

(باس ستانسيا ورتالىق تەلەۆيزيا ءتىلشىسى لياڭ ليجۋان، چىن بو)

كەلۋ قاينارى: حالىق تورابى