جۇڭگو اۋا رايى مەكەمەسى «اۋا رايى ساندى مالىمەتىن باسقارۋ ءادىسىن» شىعاردى

حالىق گازەتىنىڭ 10 – ايدىڭ 13 – كۇنى بەيجيڭنەن بەرگەن حابارى. جۇڭگو اۋا رايى مەكەمەسى تاياۋدا «اۋا رايى ساندى مالىمەتىن باسقارۋ ءادىسىن» جاريالادى، بۇل ءادىس بيىل 11 – ايدىڭ 1 - كۇنىنەن باستاپ اتقارىلادى.

ادىستە ”قامداۋعا شابىت بەرۋ، اينالىمدى جەبەۋ، جونگە سالۋدى ارناعا ءتۇسىرۋ“ نەگىزگى جەلى ەتىلىپ، ساندى مالىمەتپەن قامداۋ، ساندى مالىمەت اينالىمىنان پايدالانۋ، ساندى مالىمەت حاۋىپسىزدىگىن قامتاماسىزداندىرۋ، باقىلاۋ - باسقارۋ، زاڭدىق جاۋاپكەرشىلىك قاتارلى تۇتاس تىزبەكتى ءتۇزىم جۇلگەسى ورناتىلدى. ءادىس اۋا رايى ساندى مالىمەتىن باسقارۋ قيمىلىن ونان ارى جەبەۋ جانە ارناعا ءتۇسىرۋ، اۋا رايى ساندى مالىمەتىنىڭ ۇقىق - مۇددەسىن قورعاۋدى كۇشەيتۋ، اۋا رايى ساندى مالىمەتىنىڭ ءتارتىپتى اينالىمى مەن قۇنىن كادەگە جاراتۋدى جەدەلدەتۋ جونىنەن كەلەلى ماڭىز الادى، ءار سالا، ءار كاسىپتىڭ اۋا رايى بايلىعىن شوعىرلاندىرۋدى ىلگەرىلەتىپ، اۋا رايى ساندى مالىمەتىن شىن مانىندە ”تەز تارالاتىن، تەز پايدالانىلاتىن” ەتەدى، ەكونوميكالىق، قوعامدىق دامۋعا قىزمەت وتەيتىن بىرىككەن كۇش قالىپتاستىرادى.

سوڭعى جىلداردان بەرى، اۋا رايى تاراۋلارى اۋا رايى ساندى مالىمەتىنەن ورتاق يگىلىكتەنۋدى، ورتاق پايدالانۋدى جانە قۇنىن كادەگە جاراتۋدى كۇش سالا ىلگەرىلەتىپ، تۇتاس قوعامدى 12 تۇردەگى 100 دەن استام اۋا رايى ساندى مالىمەت ونىمدەرىنەن ورتاق يگىلىكتەندىرىپ، 200 مىڭعا جۋىق كاسىپتىك پۋنكت ساندى مالىمەتىن توپتاپ، دۇنيە جۇزىندەگى 153 مەملەكەت پەن رايونعا، بۇكىل ەلدەگى 21 كاسىپ سالاسىنداعى ءبىر ميلليون 300 مىڭعا جۋىق تۇتىنۋشىعا قىزمەت وتەدى.

كەلۋ قاينارى: حالىق تورابى