شيپاگەرلەر جۇقپالى تۇماۋ ءجيى تۋىلاتىن مەزگىلدە جاستار مەن ورەندەردىڭ، بالالاردىڭ عىلىمي تۇردە ساقتانۋىن ەسكەرتتى 

شينحۋا اگەنتتىگىنىڭ ءتىلشىسى شۋاي ساي 10 – ايدىڭ 25 – كۇنى چاڭشادان حابارلايدى. كۇز – قىس مەزگىلى تىنىس جولى اۋرۋلارى ءجيى تۋىلاتىن مەزگىل سانالادى. بالالار اۋرۋى ءبولىمىنىڭ شيپاگەرى مىنانى ەسكەرتەدى: جۋىردان بەرى كەيبىر ەمحانالاردا جۇقپالى تۇماۋعا شالدىققاندىقتان ەمدەلگەن بالالاردىڭ سانى ارتتى، جاستار مەن وسپىرىمدەر، بالالار عىلىمي، جۇيەلى تۇردە ءوزىن قورعاۋى كەرەك.

حۋنان ولكەلىك حالىق ەمحاناسى بالالار مەديتسينا ورتالىعىنىڭ مەڭگەرۋشى شيپاگەرى زىڭ سايجىن: ”ىرىقتىلىقپەن ساقتانۋ، عىلىمي تۇردە توتەپ بەرۋ — جۇقپالى تۇماۋدان ساقتانۋدىڭ تەتىگى“ دەدى، جۇقپالى تۇماۋ ۆاكسيناسىن ەكتىرۋ — جۇقپالى تۇماۋدان ساقتانۋدىڭ ءونىمدى ءتاسىلى، جۇعىمدالۋ ىقتيمالدىعىن كورنەكتى تومەندەتىپ، اۋرۋدىڭ اسقىنۋى مەن قوسالقى اۋرۋلاردىڭ تۋىلۋى حاۋپىن ءونىمدى ازايتادى.

زىڭ سايجىن بىلاي دەپ تانىستىردى: ءۇش ۆالەنتتى جانسىزداندىرىلعان جۇقپالى تۇماۋ ۆيرۋسىنىڭ ۆاكسيناسى جاي ادامدارعا قولدانىلادى. قارتتار، جاستار مەن ورەندەر، بالالار، سونداي – اق، ءبىرىنشى شەپتەگى ەمدەۋ قىزمەتكەرلەرى جۇقپالى تۇماۋعا وڭاي شالدىعاتىن توپقا جاتادى، الدىمەن ۆاكسينا ەكتىرىپ، يممۋنيتەت قالتقىسىن ەرتەرەك بەكەمدەگەن ءجون. 3 جاستان 17 جاسقا دەيىنگى بالالار مەن وسپىرىمدەرگە، ادەتتەگى جانسىزداندىرىلعان ۆاكسينادان سىرت، مۇرىنعا بۇركەتىن فورماداعى ۋىتسىزداندىرىلعان جاندى ۆيرۋس ۆاكسيناسىن دا تاڭداۋعا بولادى، ەكتىرۋ ءتاسىلى ءتىپتى دە قولايلى.

زىڭ سايجىن بىلاي دەپ تانىستىردى: جۇقپالى تۇماۋ ۆيرۋسى، باستىسى، تىنىس جولى شاشىراندىلارى ارقىلى تارالادى، لاستانعان زاتتارمەن جاناسۋ ارقىلى دا تارالادى، مەكتەپ اۋلاسىندا، الەۋمەتتىك ورىنداردا شوعىرلى تۇردە وڭاي تارالادى.

بالالار اۋرۋى ءبولىمىنىڭ شيپاگەرى مىنانى ەسكەرتەدى: ماسكىنى جۇيەلى تاعۋ، قولدى ءجيى جۋۋ — جۇقپالى تۇماۋدىڭ تارالۋىنىڭ الدىن الۋداعى ەڭ وڭاي، ەڭ ءونىمدى امال. مەكتەپ، ساۋدا سارايى، قاتىناس تورابى قاتارلى ادام شوعىرلانعان جابىق ورىندارعا كىرگەندە، باستان – اياق ماسكىنى دۇرىس تاعۋ، تۇكىرىك شاشىراندىسى ارقىلى تارالۋىنىڭ الدىن الۋ قاجەت؛ سىرتقا شىعىپ كەلگەن سوڭ، الەۋمەتتىك بۇيىمداردى ۇستاعاننان كەيىن دەر كەزىندە قولدى جۋىپ، جۇعىسۋ ارقىلى تارالۋ تىزبەگىن ءونىمدى ءۇزۋ كەرەك.

زىڭ سايجىن مىنانى ەسكەرتتى: جۇقپالى تۇماۋدان ساقتانۋعا، ونى تىزگىندەۋگە بولادى، وڭاي جۇعىمدالاتىن ادامدار دەر كەزىندە جۇقپالى تۇماۋ ۆاكسيناسىن ەكتىرۋى، تاماشا تازالىق ادەتىن ساقتاۋى، جۇمىس پەن دەمالىستى ۇيلەسىمدى ورنالاستىرۋى، ۇيلەسىمدى ارەكەتتەنۋى، دەنەنىڭ يممۋنيتەت قۋاتىن كۇشەيتىپ، جۇقپالى تۇماۋدان عىلىمي تۇردە ساقتانۋى قاجەت.

كەلۋ قاينارى: حالىق تورابى