مەملەكەتتىك دامۋ جانە رەفورما كوميتەتى: ”15 – بەسجىلدىق“ مەزگىلىندە ەلىمىز 15 حالىقتىق تاسىمال اۋەجايىن جاڭادان سالادى

جۇڭگو اقپارات تورابىنىڭ 11 – ايدىڭ 4 – كۇنى بەيجيڭنەن بەرگەن حابارى. مەملەكەتتىك دامۋ جانە رەفورما كوميتەتى 11 – ايدىڭ 4 – كۇنى تۇستەن بۇرىن ”15 – بەسجىلدىقتا“ ەكپىندەي ىلگەرىلەۋ جەلىلەس اقپار جاريالاۋ ءماجىلىسىن اشىپ، دامۋدىڭ تىرەگىن بەكەمدەۋگە قاتىستى جاعدايلاردى تانىستىردى. نەگىزدىك قۇرىلعىلاردى دامىتۋ مەڭگەرمەسىنىڭ باستىعى شيا شين بىلاي دەدى: ”15 – بەسجىلدىق“ مەزگىلىندە ەلىمىز شامامەن 15 حالىقتىق تاسىمال اۋەجايىن جاڭادان سالادى، كاسىپ سالاسىنىڭ حاۋىپسىزدىك ورەسى، قىزمەت وتەۋ قۋاتى، نەگىزدىك قۇرىلعىلارى حالىقارادا ماڭداي الدى ورىنعا شىعادى.

ءتۇيىندى مىندەتتەر جاعىندا، بەيجيڭ، شاڭحاي، گۋاڭجوۋ، شىنجىن، چىڭدۋ، چۇڭچيڭدى وزەك ەتىپ، نەگىزگى جانە قوسىمشا سەلبەسەتىن، يقۋاتى ءبىر - ءبىرىن تولىقتايتىن، جولاۋشىلار مەن زاتتارعا تەڭ ءمان بەرەتىن دۇنيە جۇزىلىك اۋەجاي شوعىرىن قالىپتاستىرىپ، ءۇرىمجى، شي - ان، كۇنميڭ، حاربين ەرەكشە وڭىرلەرگە باعىتتالعان حالىقارالىق اۆياتسيا تورابى فۋنكسياسىن جوعارىلاتىپ، بايلىق سيىمدىلىعى تاپشى توراپتىق اۋەجايلاردى كەڭەيتىپ سالۋدى ىلگەرىلەتىپ، تارماق لەنيالى اۋەجايلار مەن جالپىلىق اۋەجايلاردىڭ ورنالاسۋىن ۇيلەسىمدى جيىلەتىپ، حالىقارالىق اۆياتسيا زات تاسىمالىنىڭ اقاۋسىز، ءتارتىپتى دامۋى جەبەلەدى. ەلىمىزدە وندىرىلگەن ءىرى ۇشاقتاردىڭ كولەمدەنگەن، جۇيەلىلەنگەن دامۋى ىلگەرىلەتىلەدى.

كەلەلى ينجەنەريالار جاعىندا، كوكحوت، شيامىن، داليان جاڭا اۋەجايىن سالىپ، گۋاڭجوۋ، نانتۇڭ جاڭا اۋەجايىن قۇرىپ، سان-يا قاتارلى جاڭا اۋەجايلاردىڭ الدىڭعى مەرزىمدىك قىزمەتىن ىلگەرىلەتىپ، ءبىر توپ توراپتىق اۋەجايلاردى كەڭەيتىپ سالىپ، شەكارا رايونداردا ءبىر توپ اۋەجايلاردى سالادى.

كەلۋ قاينارى: حالىق تورابى