كوپ تاراۋ «جالپى بەتتىك ۇنەمدەۋ ستراتەگيالىق ارەكەت جوباسىن» باسىپ تاراتتى 

شينحۋا اگەنتتىگىنىڭ ءتىلشىسى ۋەي يۇيكۇن 11 – ايدىڭ 4 – كۇنى بەيجيڭنەن حابارلايدى. بايلىقتى ۇنەمدەۋ − ەلىمىزدىڭ نەگىزگى مەملەكەت ساياساتى. ءتىلشىنىڭ 11 – ايدىڭ 4 – كۇنى مەملەكەتتىك دامۋ – رەفورما كوميتەتىنەن ۇعىسۋىنشا، ءتۇرلى بايلىق قاينارىن ۇنەمدەپ، شوعىرلى پايدالانۋدى ىلگەرىلەتۋ، مەملەكەتتىڭ بايلىق حاۋىپسىزدىگىن قورعاپ، ەكونوميكا مەن قوعامدى دامىتۋدا جاپپاي جاسىل تيپتى بۇرىلىس جاساۋدى جەدەلدەتۋ ءۇشىن، مەملەكەتتىك دامۋ - رەفورما كوميتەتى، ونەركاسىپ جانە ينفورماتسيالاندىرۋ مينيسترلىگى قاتارلى تاراۋلار جۋىردا «جالپى بەتتىك ۇنەمدەۋ ستراتەگيالىق ارەكەت جوباسىن» بىرگە باسىپ تاراتقان.

ارەكەت جوباسىندا مىنالار ايقىندالعان: 2030 - جىلعا بارعاندا، جالپى بەتتىك ۇنەمدەۋ ءتۇزىمى اناعۇرلىم كەمەلدەندىرىلەدى، بايلىقتان پايدالانۋ ونىمدىلىگى كورنەكتى جوعارىلاتىلىپ، ەلىمىزدىڭ بىرلىك ىشكى ءوندىرىس جالپى قۇنىنا تۋرا كەلەتىن ەنەرگيا سارىپ ەتۋ، سۋدان پايدالانۋ مولشەرى، قۇرىلىسقا پايدالانىلاتىن جەر اۋدانى 2025 - جىلداعىمەن سالىستىرعاندا جەكە - جەكە %10 اينالاسىندا، %10، %15 تومەندەتىلەدى، استىقتىڭ تۇتاس كاسىپ سالاسى تىزبەگىندەگى ءارقايسى بۋىنداردا زايا بولۋ مولشەرى ۇزدىكسىز ازايادى. باستى تۋىندامالى بايلىقتاردان جىلدىق اينالمالى پايدالانۋ مولشەرى 510 ميلليون تونناعا جەتىپ، ۇنەمشىلدىكتى قاستەرلەيتىن قوعامدىق سالت ونان ارى قالىپتاستىرىلادى.

ارەكەت جوباسىندا ماسەلەنى باعدار ەتۋ كورنەكتىلەندىرىلىپ، ”ەنەرگيا، سۋ، استىق، جەر، كەن، ماتەريال“ سىندى ءتۇرلى بايلىق فاكتورلارىن ۇنەمدەۋدى ىلگەرىلەتۋ جانە جالپى حالىقتىڭ ۇنەمشىل بولۋ تانىمىن كۇشەيتۋ قاتارلى 7 جاقتان ءتۇرلى ماڭىزدى مىندەتتەر مەن شارالار ورتاعا قويىلعان. ارەكەت جوباسىندا ولشەم، ساياسات، باقىلاۋ – باسقارۋ، عىلىم – تەحنولوگيا قاتارلى تىرەكتىك جاقتان قامتاماسىزداندىرۋ شارالارى ايقىن بەلگىلەنگەن.

كەلۋ قاينارى: حالىق تورابى