شانشي ولكەسى شي - ان قالاسى اۋىل - قىستاق كوللەكتيۆ قارجىسىن، مال - مۇلكىن، بايلىعىن ارناۋلى جونگە سالۋدى ورىستەتتى

كىرىس ءسوز

باس شۋجي شي جينپيڭ «جۇڭگو كوممۋنيستىك پارتياسى ورتالىق كوميتەتىنىڭ پارتيانى جاپپاي قاتاڭ باسقارۋدى تاباندىلىقپەن باياندى ىلگەرىلەتۋدەگى ءبىرقانشا كەلەلى ماسەلە تۋرالى قاۋلىسىندا» مىنالاردى باسا دارىپتەدى: ”جۇڭگونىڭ ىستەرىن ويداعىداي ىستەۋدىڭ تەتىگى پارتيادا، پارتيانى جاپپاي قاتاڭ جونگە سالۋدا“. پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ «قاۋلىسىندا» پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتىپ، جاڭا داۋىردە پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ جاڭا جاعدايىن ۇزدىكسىز اشۋ تالاپ ەتىلدى.

پارتيانى جاپپاي قاتاڭ جونگە سالۋ ماڭگى جالعاسادى. گازەتىمىز بۇگىننەن باستاپ ”بەسىنشى جالپى ءماجىلىس رۋحىن دايەكتىلەندىرۋدىڭ ءبىرىنشى شەبىنەن كورگەن - بىلگەندەرىمىز“ ارناۋلى ايدارىن اشتى، تىلشىلەر نەگىزگى ساتىعا، ءبىرىنشى شەپكە، ناق مايدانعا بارىپ، نازاردى جەر - جەردىڭ جالپى ءماجىلىس رۋحىن ىشكەرىلەي ۇيرەنۋدىڭ، دايەكتىلەندىرۋدىڭ جاندى امالياتىنا شوعىرلاندىرىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدىڭ، جۇڭگوشا وسىزامانداندىرۋدىڭ نىق قاداممەن الىسقا جەتۋىن ىلگەرىلەتۋدىڭ اسقاق بەينەسىن ايگىلەيدى.

چينليڭ تاۋىنىڭ ەتەگىندە، شانشي ولكەسى شي - ان قالاسى چاڭ - ان رايونى ۋتاي ءمالى باسقارماسى شىبيانيۇي جاڭا قىستاعىنداعى ”جاڭالانعان“ حالىقتىق تۇسەلحانالارعا ساياحاتشىلار اۋىق - اۋىق كىرىپ - شىعۋدا.

قىستاق كوللەكتيۆىنىڭ ءۇيىن مايعا الىپ سالعان وسى حالىقتىق تۇسەلحانادا بۇرىن توقتام ماسەلەسى بولعان، توقتامداعى A جاق وسى قىستاقتىڭ قىستاق تۇرعىندار كوميتەتى بولاتىن، ال اۋىل - قىستاق كوللەكتيۆتىك شارۋاشىلىق ۇيىمى زاڭىندا: ”كوللەكتيۆ مال - مۇلىك زاڭ بويىنشا اۋىل - قىستاق كوللەكتيۆ شارۋاشىلىق ۇيىمى مۇشەلەرىنىڭ كوللەكتيۆ مەنشىگىندە بولادى، اۋىل - قىستاق كوللەكتيۆتىك شارۋاشىلىق ۇيىمى زاڭ بويىنشا مۇشەلەر اتىنان مەنشىك ۇقىعىن جۇرگىزەدى“ دەپ بەلگىلەنگەن.

ماسەلە قالاي بايقالدى؟ ”’ءۇش قارجى‘ اداقتالىپ، ’تۇسىنىكتى ەسەپ‘ شىعارىلدى“ دەدى قىستاق پارتيا ياچەيكاسىنىڭ شۋجيى شيڭ دۇڭدۇڭ.

پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ «قاۋلىسىندا» ”بۇقارا ماڭايىنداعى بۇرىس ستيلدەر مەن شىرىكتەسۋ ماسەلەلەرىن ۇدايىلاندىرىپ جونگە سالۋ“ ورتاعا قويىلدى.

اۋىل - قىستاق كوللەكتيۆ قارجىسى، مال - مۇلكى، بايلىعى سىندى ”ءۇش قارجى“ بۇقارانىڭ ءتول مۇددەسىنە سايادى. مۇنى رەتتەۋ - وڭاۋدىڭ كىرىسۋ ءتۇيىنى ەتكەن شي - ان قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى قاتىستى تاراۋلارمەن بىرلەسىپ ”ءۇش قارجىنى“ ارناۋلى جونگە سالۋدى ورىستەتتى، قازىرگە دەيىن 79 مىڭ توقتامدى ءبىر - بىرلەپ تەكسەرىپ، جيناپ، ماسەلە بار 69 مىڭ توقتامدى تۇزەتتى.

تور جايۋ ۇلگىسىندە مال - مۇلىكتى، قارجىنى اداقتاۋ ارقىلى ۋتاي ءمالى باسقارماسى ”مال - مۇلىك ۇقىعى كارتاسىن“ جاسادى: كوللەكتيۆ مال - مۇلىك 102 ميلليون 690 مىڭ يۋان، بايلىق سيپاتتى مال - مۇلىك 100 مىڭ مۋ، قىستاق قۇرعان كاسىپورىن 3، كەدەيلەردى سۇيەمەلدەۋ نىسانىنىڭ مال - مۇلكى 14. ”’مال - مۇلىك ۇقىعى كارتاسىمەن‘ سالىستىرىپ، جيىنى 185 كوللەكتيۆ شارۋاشىلىق توقتامىن ءبىر - بىرلەپ تەكسەرىپ، جيناپ، ماسەلەلەردى ءبىر - بىرلەپ تاۋىپ، رەتتەۋ - تۇزەتۋدى قاداعالادىق“ دەدى ۋتاي ءمالى باسقارماسى پارتيا قىزمەتى كوميتەتىنىڭ شۋجيى كاڭ شين.

شي - ان قالاسىنىڭ اۋىل - قىستاق ءۇش قارجىسىن باسقارۋ، باقىلاۋ - مەڭگەرۋ تەكشەسىنە شىعىپ، ”جاڭالانعان“ حالىقتىق تۇسەلحانالارىنىڭ مال - مۇلىك كارتوچكاسىن باسسا، توقتامنىڭ ءتۇپ نۇسقاسى، اقشا الۋ ەستەلىگى سياقتىلار انىق مەنمۇندالايدى، توقتامداعى A جاق ”شىبيانيۇي جاڭا قىستاعى جارنا ەكونوميكالىق سەلبەستىك كووپەراتيۆىنە“ وزگەرگەن.

”ولشەمدەندىرىلگەن ارحيۆ تۇرعىزۋ ارقىلى ۇزاق ۋاقىتتان بەرى ءىشىنارا قىستاق - گرۋپپالاردىڭ مال - مۇلكىنىڭ جاي - جاپسارى بىردەي بولماۋ، ەسەپ - قيسابى ناقتى بولماۋ جاعدايىن وزگەرتتىك“ دەدى شي - ان قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى پارتيا ستيلىن، ۇكىمەت ستيلىن باقىلاۋ كەڭسەسىنىڭ 2 - دارەجەلى تەكسەرىپ - زەرتتەۋشىسى چىن جاۋ.

”تۇسىنىكتى ەسەپ“ تاعى دا ”اشىق ەسەپ“ بولۋى كەرەك.

”ءۇش قارجىنى جاريا ۇستاۋ“ قول تەلەفون قولدانىلمالى جۇمساق بولشەگىن اشقاندا، شىبيانيۇي جاڭا قىستاعىنىڭ ەسەبىندە ءبىر شىراق، ءبىر ميكروفون تۇگەلدەي تىزىمگە الىنعان... قىستاق مال - مۇلىكىنىڭ، بايلىعىنىڭ قايدا ەكەنىن، اقشانىڭ قايدا جۇمسالعانىن ءبىر كورىپ بىلۋگە بولادى. ”سىرتقا شىعىپ جۇمىس ىستەگەن قىستاق تۇرعىندارى دا كەز كەلگەن ۋاقىتتا كورە الادى“ دەدى قىستاق تۇرعىنى جاۋ پيڭۋا.

شي - ان قالالىق ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى اۋىل شارۋاشىلىعى، اۋىل - قىستاق تاراۋلارى اشقان وسى قولدانىلمالى جۇمساق بولشەككە تىركەلگەن تۇتىنۋشىلار 2 ميلليون 90 مىڭنان اسادى. ”اۋىل - قىستاقتاعى ارىز - ارماندى اشكەرەلەۋ سالىستىرماسى 2021 - جىلعى %45.1 تەن 2025 - جىلى %26.7 كە تومەندەدى“ دەدى چىن جاۋ.

”تۇسىنىكتى ەسەپ“، ”اشىق ەسەپ“ ەڭ سوڭىندا ”كىرىستى ارتتىرۋ ەسەبىنە“ اينالدى.

تەكسەرۋ بارىسىندا 6 مۋ جەردى مايعا بەرۋ توقتامى بايقالعان، مايعا بەرۋ مەرزىمى 50 جىل، جىلدىق ماي اقىسى 720 يۋان عانا. ارىزدانۋ، كەڭەسۋ، رەتتەۋ - تۇزەتۋ ارقىلى مايعا بەرۋ مەرزىمى 20 جىلعا وزگەرتىلىپ، جىلدىق ماي اقىسى 40 مىڭ يۋانعا ارتتى، ونىڭ ۇستىنە ءار 5 جىلدا %5 ارتاتىن بولىپ، قىستاق كوللەكتيۆىنىڭ كىرىسىن 800 مىڭ يۋان ارتتىردى.

”ەسەپ داپتەرىنە“ سۇيەنىپ، شي - اندا 177 ءمالى باسقارماسى (قالاشىق) اۋىل - قىستاق كوللەكتيۆ مال - مۇلكىن باقىلاۋ - باسقارۋ، اينالىمعا سالۋ قىزمەت وتەۋ ورتالىعى قۇرىلدى، شي - ان قالا مەن اۋىلدىڭ توعىسپالى فاكتورلار ساۋدا بازارى قۇرىلدى. قازىرگە دەيىن ساۋدا بازارىنىڭ ساۋدا سوماسى 9 ميلليارد 75 ميلليون يۋانعا جەتىپ، قىستاق كوللەكتيۆىنىڭ كىرىسىن 5 ميلليارد 100 ميلليون يۋان ارتتىرىپ، 220 ميلليون يۋان شىعىستى تەجەدى.

”شي - ان قالاسىنىڭ اۋىل - قىستاق ءۇش قارجىسىن باسقارۋ، باقىلاۋ - مەڭگەرۋ تۇعىرى جاقىن ارادا ’كادرلار ەسكەرتپەسى‘ ۇلگىسىن ىسكە قوسىپ، جارنالىق ەكونوميكا ۇيىمنىڭ باس القاسى، باقىلاۋشىلار القاسى جانە قىستاق ەكى كوميتەتىنىڭ مۇشەلەرى سياقتى ادامداردىڭ ينفورماتسياسىن جۇيەگە ەنگىزىپ، ولار قول قويعان توقتامداردى سالىستىرىپ حابارلاندىرىپ وتىرادى، قالا، رايون ەكى دارەجەلى ءتارتىپ تەكسەرۋ كوميتەتى، باقىلاۋ - تەكسەرۋ كوميتەتى ۇقىق بەرۋ ارقىلى ەسكەرتپە ينفورماتسياسىن تەكسەرەدى“ دەدى چىن جاۋ.