پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىق قۇرىلتايى ۋاكىلدەرىنىڭ يدەيالىق - ساياسي جانە ءتارتىپ ستيلى قۇرىلىسىن كۇشەيتۋ كەرەك

«حالىق گازەتى»، 11 - ايدىڭ 5 - كۇنى، بەيجيڭ (ءتىلشى پىڭ بو). جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك حالىق قۇرىلتايى تۇراقتى كوميتەتىنىڭ باستىعى جاۋ لىجي 11 - ايدىڭ 5 - كۇنى تۇستەن بۇرىن 14 - كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 25 - ماجىلىسىنە سىرتتاي قاتىناسقان مەملەكەتتىك حالىق قۇرىلتايىنىڭ ۋاكىلدەرىمەن اڭگىمەلەسىپ، پىكىر اۋىستىردى. ول مىنالاردى باسا دارىپتەدى: حالىق قۇرىلتايى ۋاكىلدەرى پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن باستاماشىلدىقپەن ۇيرەنىپ، ۇگىتتەپ، دايەكتىلەندىرىپ، قىزمەت ورنى جاۋاپكەرشىلىگىن تياناق ەتىپ، تياناقتاندىرۋدى مىقتى يگەرىپ، ءوزىنىڭ يدەيالىق - ساياسي جانە ءتارتىپ ستيلى قۇرىلىسىن كۇشەيتىپ، مىندەتىن زاڭ بويىنشا اتقارۋ قابىلەتىن جوعارىلاتۋ كەرەك.

اڭگىمە ماجىلىسىندە ۋاكىلدەر بەسىنشى جالپى ءماجىلىستىڭ رۋحىن ىشكەرىلەي ۇيرەنۋدى، دايەكتىلەندىرۋدى ارقاۋ ەتىپ، قىزمەتتىڭ ءىس جۇزىندىك جاعدايىمەن ۇشتاستىرا وتىرىپ ءسوز سويلەدى. جاۋ لىجي مۇقيات تىڭداپ، ۋاكىلدەرمەن ىشكەرىلەي پىكىر اۋىستىردى. ول بىلاي دەدى: پارتيا 20 - كەزەكتى ورتالىق كوميتەتىنىڭ بەسىنشى جالپى ءماجىلىسى پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋ جونىندە ستراتەگيالىق ورنالاستىرۋ جاسادى، بۇل جاڭا داۋىردە پارتيانى باسقارۋدىڭ، پارتيانى جونگە سالۋدىڭ، پارتيانى گۇلدەندىرۋدىڭ، پارتيانى قۇدىرەتتەندىرۋدىڭ جاڭا جاعدايىن ونان ارى اشىپ، بۇكىل ەلدەگى ءار ۇلت حالقىن ىنتىماقتاستىرىپ جانە باستاپ، مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى نىساناسىن جۇزەگە اسىرۋ جولىندا قاجىماي - تالماي كۇرەس جۇرگىزۋدە كەلەلى رەال مانگە جانە ۇزاق بولاشاقتىق جەتەكشىلىك مانگە يە.

جاۋ لىجي مىنالاردى اتاپ كورسەتتى: حالىق قۇرىلتايى ۋاكىلدەرى حالىق قۇرىلتايى قىزمەتىنىڭ دۇرىس ساياسي بەتالىسىن ءدال يگەرۋى كەرەك. پارتيانىڭ جاپپاي باسشىلىعىنا تاباندى بولۋ يدەيالىق سانالىلىعىن، ساياسي سانالىلىعىن، ارەكەت سانالىلىعىن بەرىك ورناتىپ، ءىس جۇزىندىك ارەكەتى ارقىلى ”ەكىنى تۇراقتاندىرۋدى“ قورعاپ، ”ەكىنى قورعاۋدى“ ورىنداپ، پارتيا مەن مەملەكەت قىزمەتىنىڭ جالپى جاعدايىنا بويسۇنۋدى، قىزمەت وتەپ مىندەت اتقارۋدىڭ، جاۋاپكەرشىلىكتى ادا ەتۋدىڭ تۇتاس بارىسىندا ايگىلەۋى كەرەك. پارتيانىڭ جاڭالىق اشۋ نازارياسىمەن زەيىن - زەردەنى، رۋحتى سومداۋعا تاباندى بولىپ، شي جينپيڭ پارتيا قۇرىلىسى يدەياسىن، شي جينپيڭ زاڭمەن جونگە سالۋ يدەياسىن، باس شۋجي شي جينپيڭنىڭ حالىق قۇرىلتايى تۇزىمىنە تاباندى بولۋ جانە ونى كەمەلدەندىرۋ جونىندەگى ماڭىزدى يدەياسىن ىشكەرىلەي ۇيرەنىپ، دايەكتىلەندىرىپ، سانالى تۇردە وي - سانانى قارۋلاندىرىپ، امالياتقا جەتەكشىلىك ەتىپ، قىزمەتتى ىلگەرىلەتۋ كەرەك.

جاۋ لىجي مىنالاردى اتاپ كورسەتتى: حالىق قۇرىلتايى ۋاكىلدەرى حالىق ءۇشىن قىزمەت ىستەۋ ءتۇبىرلى ماقساتىن امالياتتا ايگىلەۋى كەرەك. حالىقتىڭ مۇددەسى مەن ەركىنە ادالدىقپەن ۋاكىلدىك ەتىپ، مەملەكەت بيلىگىن جۇرگىزۋگە قاتىناسىپ، حالىقتان كەلگەن، حالىققا تامىر تارتقان ەرەكشەلىك ابزالدىلىقتى تولىق ساۋلەلەندىرىپ، بۇقارامەن تىعىز بايلانىس جاساۋدى مىندەت اتقارۋدىڭ، جاۋاپكەرشىلىكتى ادا ەتۋدىڭ نەگىزى ەتىپ، حالىق بۇقاراسىمەن سۇيىسپەنشىلىكتى ارتتىرىپ، بۇقارالىق قىزمەت ىستەۋ قابىلەتىن جوعارىلاتىپ، ءتۇرلى تاسىلدەر ارقىلى بۇقارانىڭ ارمان - تىلەگىنە قۇلاق اسىپ جانە ونى اڭىس ەتىپ، حالىق جاعدايىن، حالىق تىلەگىن، حالىقتىڭ اقىل - پاراساتىن قاتىستى كەڭەستىك جوبالاردا، ۇسىنىستاردا جانە قاراۋ سوزدەرىندە ايگىلەۋ، پارتيا مەن مەملەكەتتىڭ حالىق بۇقاراسىمەن بايلانىس جاسايتىن كوپىرى بولۋ كەرەك.

جاۋ لىجي مىنالاردى باسا دارىپتەدى: حالىق قۇرىلتايى ۋاكىلدەرى قىزمەت جاۋاپكەرشىلىگىن زاڭ بويىنشا اتقارۋ تانىمىن كۇشەيتۋ كەرەك. نەگىزگى زاڭ مەن زاڭداردا بەلگىلەنگەن ۋاكىلدەردىڭ ۇقىق - بورىشى مەن مىندەت وتەۋ مازمۇنى تارتىبىنە قاتاڭ بويسۇنىپ، زەيىن - زەردەنى شوعىرلاندىرا وتىرىپ حالىق قۇرىلتايى ماجىلىسىنە قاتىناسىپ، ءماجىلىس ءتارتىبىنىڭ تالابىنا قاتاڭ بويسۇنىپ، كەڭەس جوبالاردى، باياندامالاردى مۇقيات قاراپ، باعىتتامالى، ناقتى، ورىندى ۇسىنىس - پىكىرلەردى العا قويۋ كەرەك. ءماجىلىس جابىلعانداعى قيمىلداردى زاڭ بويىنشا ورىستەتىپ، ءبىر تۇتاس ورنالاستىرۋ بويىنشا شوعىرلى كوزدەن كەشىرۋگە، ارناۋلى تاقىرىپتا تەكسەرىپ - زەرتتەۋگە قاتىناسىپ، تۇراقتى كوميتەتتىڭ، ارناۋلى كوميتەتتەردىڭ قىزمەتىنە بەلسەنە قاتىناسىپ، بۇقارا اڭىس ەتكەن ۇسىنىس - پىكىرلەردى ءتارتىپ بويىنشا قاتىستى جاقتاردىڭ اقىلداسىپ ءبىر جايلى ەتۋىنە جولداۋ كەرەك.

جاۋ لىجي مىنالاردى باسا دارىپتەدى: حالىق قۇرىلتايى ۋاكىلدەرى پاك، كوپشىل تاماشا وبراز ورناتۋ كەرەك. سوتسياليستىك زاڭمەن جونگە سالۋ رۋحىن ساۋلەلەندىرىپ، سانالى تۇردە زاڭعا قۇرمەت ەتۋدىڭ، زاڭدى ۇيرەنۋدىڭ، زاڭعا بويسۇنۋدىڭ، زاڭدى قولدانۋدىڭ ۇلگىسى بولىپ، زاڭمەن جونگە سالۋ ۇگىت - تاربيەسىنە بەلسەنە ات سالىسىپ، نەگىزگى زاڭ مەن زاڭداردىڭ ءونىمدى اتقارىلۋىن ىلگەرىلەتۋ كەرەك. مىندەتىن ادا ەتىپ، قىزمەتتى تىڭعىلىقتى ىستەپ، ءوز قىزمەت ورنىندا ەڭبەك ءسىڭىرىپ، ۇلەس قوسىپ، ەرلىكپەن العا باسۋ كەرەك. سوتسياليستىك وزەكتى قۇن كوزقاراسىن باستاماشىلدىقپەن امالياتتا ايگىلەپ، پاك، تارتىپشەڭ، ءادىل، تۋراشىل بولىپ، بۇرىنعى سايلاعان ورىندار مەن حالىق بۇقاراسىنىڭ باقىلاۋىن سانالى تۇردە قابىلداۋ كەرەك.

جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى لي حۇڭجۇڭ اڭگىمە ءماجىلىسىن باسقاردى.