ەل ىشىندەگى وڭدەلگەن جانار مايدىڭ باعاسى تومەندەدى

حالىق گازەتىنىڭ 11 – ايدىڭ 12 – كۇنى بەيجيڭنەن بەرگەن حابارى. ءتىلشىنىڭ مەملەكەتتىك دامۋ جانە رەفورما كوميتەتىنەن ۇعىسۋىنشا، 10 - ايدىڭ 29 - كۇنى ەل ىشىندەگى وڭدەلگەن جانار مايدىڭ باعاسى رەتتەلگەننەن بەرى حالىقارالىق بازارداعى وڭدەلمەگەن مۇنايدىڭ باعاسى تومەندەگەن، وسى رەتكى باعا رەتتەۋدەن بۇرىنعى 10 قىزمەت كۇنىنىڭ ورتاشا باعاسى الدىڭعى رەتكى باعا رەتتەۋدەن بۇرىنعى 10 قىزمەت كۇنىنىڭ ورتاشا باعاسىنان تومەن بولعان. حالىقارالىق بازارداعى ماي باعاسىنىڭ وزگەرىس جاعدايىنا نەگىزدەلىپ، 11 – ايدىڭ 12 - كۇنى ساعات 24 تەن باستاپ، ەل ىشىندەگى بەنزين، سالەركانىڭ ( ولشەمدى ءونىم) ءار تونناسىنىڭ باعاسى جەكە - جەكە 645 يۋان، 625 يۋان تومەندەگەن.

مەملەكەتتىك دامۋ جانە رەفورما كوميتەتى بىلاي دەدى: جۇڭگو مۇناي ـ تابيعي گاز توبى، جۇڭگو مۇناي ـ حيميا توبى، جۇڭگو تەڭىز مۇناي سەرىكتەستىگى جانە باسقا دا مۇناي مانەرلەۋ كاسىپورىندارى وڭدەلگەن ماي ءوندىرىسى مەن تاسىمالداۋدى ويداعىداي ۇيىمداستىرىپ، بازاردىڭ ورنىقتى قامداۋىنا كەپىلدىك ەتىپ، مەملەكەتتىڭ باعا ساياساتىن قاتاڭ اتقارۋى كەرەك. جەر - جەردەگى قاتىستى تاراۋلار بازاردى باقىلاۋ - تەكسەرۋ تەبىنىن ارتتىرىپ، مەملەكەتتىڭ باعا ساياساتىن اتقارماۋ ارەكەتتەرىن قاتاڭ تەكسەرىپ ءبىر جايلى ەتىپ، قالىپتى بازار ءتارتىبىن قورعاۋ كەرەك. تۇتىنۋشىلار 12315 تەكشەسى ارقىلى باعاداعى زاڭعا قايشى ارەكەتتەردى اشكەرەلەۋىنە بولادى.

كەلۋ قاينارى: حالىق تورابى