2026.11.16 16:31 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى لي ميڭحۇي، سۇن پىڭچىڭ بەيجيڭنەن حابارلايدى. ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، يمپورت ەتىلگەن جەڭىل اۆتوكولىكتەرگە ءنومىر ءبىتىرۋ ءىسى قاتارلى قوعام حاۋىپسىزدىگى قاتىناس باسقارۋ تاراۋلارىنىڭ حالىققا قولايلىلىق جاساۋ، كاسىپورىندارعا تيىمدىلىك جاراتۋ جاعىنداعى 5 ءتۇرلى جاڭا شاراسى بۇكىل ەلىمىز كولەمىندە 12 – ايدىڭ 1 – كۇنىنەن باستاپ جالپىلاستىرىلادى.
يمپورت ەتىلگەن جەڭىل اۆتوكولىكتەرگە ءنومىر ءبىتىرۋ ءىسى ىلگەرىلەتىلەدى. جۇرتشىلىق يمپورت ەتىلگەن شاعىن جولاۋشىلار اۆتوموبيلىن ساتىپ العان سوڭ، ”قاتىناس باسقارۋ 12123“ App دەتالىنان پايدالانىپ، ءنومىر تاڭداۋ، ءنومىر ءبىتىرۋ ءىسىن ينتەرنەت ارقىلى ءبىر بەكەتتىك فورمادا بىتىرە الادى، ەندىگارى ءىس بىتىرۋ تەرەزەلەرىنە بارىپ ءبىتىرۋىنىڭ قاجەتى جوق، كوپ تاراۋ، كوپ تەرەزە اراسىندا ارلى – بەرلى شاپقىلامايدى، جۇرتشىلىقتىڭ ءىس بىتىرۋ اۋىرتپالىعىن جەڭىلدەتىپ، ۇيدەن شىقپاي - اق تىزىمگە الدىرىپ، ءنومىر ءبىتىرۋ ماسەلەسىن شەشىم ەتۋگە بولادى.
كاسىپورىنداردان قاعاز نۇسقاداعى تيجارات كۋالىگىن ”تاپسىرۋدى تالاپ ەتپەۋ“ ساياساتى اتقارىلادى. بازاردى باقىلاۋ – باسقارۋ تاراۋلارىمەن قىزمەتتى ۇشتاستىرىپ، ەلەكتروندىق تيجارات كۋالىگىنىڭ ساندى مالىمەتتەرىن پايدالانىپ، كاسىپورىنداردىڭ قاتىناس باسقارۋعا قاتىستى جۇمىستاردى بىتىرگەن كەزدە ونى كورسەتۋىنە قولداۋ كورسەتىپ، جاڭا اۆتوموبيلگە ءنومىر ءبىتىرۋ، ەكىنشى قول اۆتوموبيلدى وتكەرىپ بەرۋ قاتارلى جۇمىستاردى بىتىرگەن كەزدە قاعاز نۇسقاداعى تيجارات كۋالىگىن تاپسىرۋدى تالاپ ەتپەستەن، كاسىپورىنداردىڭ جۇمىس ءبىتىرۋ ونىمدىلىگىن اناعۇرلىم جوعارىلاتىپ، جۇمىس ءبىتىرۋ وزىندىك قۇنىن تومەندەتەدى.
كاسىپورىنداردىڭ ينتەرنەت ارقىلى ءىس بىتىرۋىنە قولايلىلىق جاراتىلادى. ەلەكتروندىق تيجارات كۋالىگىن العان كاسىپورىندارعا ”قاتىناس باسقارۋ 12312“App دەتالىنا كاسىپورىن تۇرىندەگى قولدانۋشىلاردىڭ ينتەرنەت ارقىلى تىركەلۋىنە مۇمكىندىك جاساۋدى ىلگەرىلەتىپ، ولاردىڭ سول كاسىپورىن مەن ونىڭ بولىمشە سەرىكتەستىگىنىڭ اتىنداعى موتورلى كولىكتەردىڭ جاعدايى، زاڭعا قايشى شىرعالاڭدار جانە قىزمەتتىك ەسكەرتپەلەر مەن حابارلاندىرۋلار قاتارلى ينفورماتسيالاردى قولايلى تۇردە سۇراستىرۋىنا شارت - جاعداي ازىرلەيدى.
سىناق رەتىندە پايدالاناتىن اۆتوموبيلگە ينتەرنەت ارقىلى ۋاقىتشا ءنومىر بىتىرۋگە قولايلىلىق جاراتىلادى. اۆتوموبيل وندىرەتىن كاسىپورىنداردىڭ سىناق رەتىندە پايدالاناتىن اۆتوموبيلدەرگە ينتەرنەتتە قاتىناس حاۋىپسىزدىگى جاعىندا جان – جاقتى قىزمەت وتەۋ تەكشەسى ارقىلى ۋاقىتتىق ءنومىر تاقتاسىن الۋعا ءوتىنىش بەرۋىنە قولداۋ كورسەتىلەدى، بۇدان بىلاي اۆتوموبيل باسقارۋ ورنىنا بارىپ ءوتىنىش بەرۋدىڭ قاجەتى جوق، كاسىپورىن قىزمەتكەرلەرىنىڭ بارىپ – كەلۋ جانە جۇمىس بىتىرۋدەگى وزىندىك قۇنىن ازايتىپ، اۆتوموبيل كاسىپ سالاسىن دامىتۋعا دەم بەرەدى.
قاتىناس باسقارۋشى شياۋ – ان قولدانباسى ارقىلى ”سۇراستىرا وتىرىپ جۇمىس ءبىتىرۋ“ سىندى قىزمەت وتەۋ فورماسى سىناق رەتىندە اتقارىلادى. توتە قاراستى قالالاردا، ولكە ورتالىعىندىق قالالاردا، اۆتونوميالى رايون ورتالىعىندىق قالالاردا جانە جوسپار بويىنشا تىزىمدىككە ايىرىم ەنگىزىلگەن قالالاردا ”قاتىناس باسقارۋ 12123“App دەتالىندا زەردەلى قىزمەت وتەيتىن ”قاتىناس باسقارۋشى شياۋ – اندى“ سىناق رەتىندە ىسكە قوسىپ، ”سۇراستىرا وتىرىپ جۇمىس ءبىتىرۋ“ سىندى قاتىناس باسقارۋ ىستەرىنە قاتىستى جاڭا فورمانى جولعا قويىپ، جۇرتشىلىقتىڭ ءىس بىتىرۋ بارىسىنداعى اسەرىن جاقسارتىپ، زەردەلى قىزمەت وتەۋ دەڭگەيىن جوعارىلاتادى.
كەلۋ قاينارى: حالىق تورابى