2026.11.17 15:39 كەلۋ قاينارى : حالىق تورابى

11 - ايدىڭ 16 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۋاڭدۇڭ ولكەسىنىڭ جۇڭشان قالاسىندا قىزمەت تەكسەردى. سۋرەتتە: شي جينپيڭ شىعاناق رايونىنىڭ بولاشاق عىلىم - تەحنيكا قالاسىندا قىزمەت تەكسەرگەندە، ورتاشا، شاعىن كاسىپورىنداردىڭ جاۋاپتىلارىمەن جانە عىلىم - تەحنيكا قىزمەتكەرلەرىنىڭ ۋاكىلدەرىمەن ىقىلاسپەن اڭگىمەلەسۋدە.
سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن.

11 - ايدىڭ 16 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۋاڭدۇڭ ولكەسىنىڭ جۇڭشان قالاسىندا قىزمەت تەكسەردى. سۋرەتتە: شي جينپيڭ سۇن جۇڭشاننىڭ بايىرعى تۇراعى ەسكەرتكىش سارايىندا ”جۇڭگو دەموكراتيالىق توڭكەرىسىنىڭ ۇلى اتويشىسى − سۇن جۇڭشان“ كورمەسىن ەكسكۋرسيالاۋدا.
سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن.
«حالىق گازەتى»، 11 - ايدىڭ 16 - كۇنى، گۋاڭدۇڭ جۇڭشان. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 11 - ايدىڭ 16 - كۇنى گۋاڭدۇڭ ولكەسىنىڭ جۇڭشان قالاسىندا قىزمەت تەكسەرگەندە مىنالاردى باسا دارىپتەدى: پارتيا 20 - كەزەكتى ورتالىق كوميتەتى بەسىنشى جالپى ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جالپى ماجىلىستە جاسالعان ءتۇرلى شەشىم، ورنالاستىرۋلاردى قاز - قالپىندا تياناقتاندىرىپ، پارتيانى جاپپاي قاتاڭ جونگە سالۋدى تاباندىلىقپەن ىلگەرىلەتۋدىڭ جاڭا ونىمدىلىگىنە قول جەتكىزۋ كەرەك. جۋجياڭكوۋدىڭ شىعىس، باتىس ەكى جاعالاۋىنىڭ توعىسپالى دامۋىن اناعۇرلىم ويداعىداي ىلگەرىلەتىپ، گۋاڭدۇڭ، شياڭگاڭ، اۋمىن شىعاناق رايونىنىڭ جوعارى ساپالى دامۋىنىڭ جاڭا جاعدايىن قۇلشىنا اشۋ كەرەك.
11 - ايدىڭ 16 - كۇنى تۇستەن بۇرىن شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى حۋاڭ كۇنميڭ مەن ولكە باستىعى مىڭ فانليدىڭ سەرىك بولۋىندا جۇڭشان قالاسىنا كەلىپ قىزمەت تەكسەرىپ، تەكسەرۋ - زەرتتەۋ جۇرگىزدى.
شىنجىن - جۇڭشان ارناسى شىعىستا شىنجىننان باستالىپ، باتىستا جۇڭشان مەن گۋاڭجوۋدىڭ نانشا قالاسىنا تۇتاسادى، ول گۋاڭدۇڭ - شياڭگاڭ - اۋمىن شىعاناق رايونىنىڭ ماڭىزدى قاتىناس تورابى. شي جينپيڭ شىنجىن - جۇڭشان ارناسىنىڭ باتىس جاساندى ارالىنا كەلىپ، تۇعىرعا شىعىپ قيىرعا كوز تاستاپ، ارنا قۇرىلىسىنىڭ اينالىم جاعدايىن جۇمىس باسىندا ۇعىستى. ول مىنالاردى اتاپ كورسەتتى: گۋاڭدۇڭ - شياڭگاڭ - اۋمىن شىعاناق رايونىن قۇرۋدا الدىمەن قاتىناستىڭ ءبىر تۇلعالانۋىن ىلگەرىلەتۋ كەرەك. شىنجىن - جۇڭشان ارناسى جۋجياڭكوۋدىڭ شىعىس، باتىس ەكى جاعالاۋىنىڭ توعىسپالى دامۋىن جەبەۋدە جول باستاۋشى اۆانگارد رولىن ساۋلەلەندىردى، وسى ەرەكشە ءىرى قاتىناس ينجەنەرياسىن اناعۇرلىم ويداعىداي باسقارىپ، ويداعىداي ىسكە قوسىپ، ونىڭ گۋاڭدۇڭ - شياڭگاڭ - اۋمىن شىعاناق رايونى قۇرىلىسىنا اناعۇرلىم ويداعىداي قىزمەت ەتۋىنە مۇمكىندىك جاساۋ كەرەك.
وسىدان سوڭ شي جينپيڭ جۇڭشان قالاسى سۇيحىڭ جاڭا رايونىنا ورنالاسقان شىعاناق رايونىنىڭ بولاشاق عىلىم - تەحنيكا قالاسىنا باردى، كورمە زالىنا كىرىپ، جۇڭشان قالاسىنىڭ بيولوگيالىق ءدارى - دارمەك، ەلەكتروندىق ينفورماتسيا، جوعارى دەڭگەيلى جابدىق سياقتى وسى زامانعى كاسىپ سالاسىنىڭ دامۋ جەتىستىكتەرىن، سونداي - اق ءۇي جيھازدارى سياقتى ءداستۇرلى كاسىپ ونىمدەرى كورمەسىن كورىپ، جەرگىلىكتى ورىننىڭ كاسىپتەردى سايكەستىرۋ، ءداستۇرلى كاسىپ سالاسىنىڭ تيبىن وزگەرتىپ، دارەجەسىن جوعارىلاتۋدى ىلگەرىلەتۋ، جاڭادان گۇلدەنگەن كاسىپ سالاسىن دامىتۋ سياقتى جاعدايلاردى ۇعىستى. جاڭالىق جاراتىلعان ونىمدەردىڭ قاسيەت ەرەكشەلىگى مەن بازار بولاشاعىن سۇرادى. ول مىنالاردى باسا دارىپتەدى: گۋاڭدۇڭ - شياڭگاڭ - اۋمىن شىعاناق رايونىن قۇرۋ پارتيا ورتالىق كوميتەتى جاساعان كەلەلى ستراتەگيالىق ورنالاستىرۋ، گۋاڭدۇڭ قاتارلى رايوندار ماڭىزدى بورىش ارقالاپ وتىر، جۋجياڭكوۋدىڭ ەكى جاعالاۋىنداعى گۋاڭجوۋ، شىنجىن، جۋحاي، دۇڭگۋان، جۇڭشان سياقتى جەرلەر جەتەكشىلىك رولىن ساۋلەلەندىرۋ كەرەك. ول جۇڭشان قالاسىنىڭ ورايدى مىقتى يگەرىپ، رەفورما جاساۋدى، جاڭالىق اشۋدى ءتۇبىرلى قوزعاۋشى كۇش ەتۋگە تاباندى بولىپ، وڭىرلىك سەلبەستىك مەحانيزمىن اقاۋسىزداندىرىپ، تاماشا ساۋدا ورتاسىن قالىپتاستىرىپ، عىلىم - تەحنيكادا جاڭالىق اشۋ مەن كاسىپتە جاڭالىق اشۋدىڭ ىشكەرىلەي توعىسۋىن كۇش سالا ىلگەرىلەتىپ، جوعارى ساپالى دامۋدى ىلگەرىلەتۋدە ۇزدىكسىز تىڭ قادام تاستاۋىن ءۇمىت ەتتى.
شي جينپيڭ ناق مايدانداعى ورتا، شاعىن كاسىپورىنداردىڭ جاۋاپتىلارى مەن عىلىم - تەحنيكا قىزمەتكەرلەرىنىڭ ۋاكىلدەرىنە مىنالاردى ءبىلدىردى: جاڭا ءداۋىردىڭ جاڭا جورىعىندا جۇڭگو ۇلگىسىندەگى وسىزامانداندىرۋ قۇرىلىسى الۋان ءتۇرلى بولادى. كوپشىلىك وسى تاماشا ءداۋىردى، جاڭالىق اشاتىن، شارۋاشىلىق قۇراتىن قۇنارلى توپىراقتاعى قىزمەتتى جانە تۇرمىستى بارىنشا قاستەرلەۋى، قايراتتانا العا ۇمتىلۋى كەرەك، گۋاڭدۇڭنىڭ دامۋى، گۋاڭدۇڭ - شياڭگاڭ - اۋمىن شىعاناق رايونى قۇرىلىسى، جوعارى دەڭگەيدەگى عىلىم - تەحنيكادا ءوز كۇشىنە سۇيەنىپ ءوزىن الۋەتتەندىرۋدى جۇزەگە اسىرۋ ءۇشىن كوبىرەك ۇلەس قوسۋى كەرەك.
بيىل _ سۇن جۇڭشان مىرزا دۇنيەگە كەلگەندىگىنىڭ 160 جىلدىعى. شي جينپيڭ جۇڭشان قالاسى نانلاڭ كوشەسىندەگى سۇن جۇڭشاننىڭ بايىرعى تۇراعى ەسكەرتكىش سارايىنا بارىپ، سۇن جۇڭشان مىرزانىڭ مىس مۇسىنىنە گۇل شارباق قويىپ، ”جۇڭگو دەموكراتيالىق توڭكەرىسىنىڭ ۇلى اتويشىسى − سۇن جۇڭشان“ كورمەسىن ەكسكۋرسيالاپ، بايىرعى تۇراقتىڭ قورعالۋ جاعدايىن كوردى ءارى ەسكەرتكىش سارايىنىڭ قىزمەتكەرلەرىمەن، سۇن جۇڭشاننىڭ ءومىر بايانىمەن جانە يدەيا زەرتتەۋشىلەردىڭ ۋاكىلدەرىمەن ىقىلاسپەن اڭگىمەلەستى. شي جينپيڭ مىنالاردى اتاپ كورسەتتى: سۇن جۇڭشان مىرزا ۇلتتىڭ تاۋەلسىزدىگى، قوعامنىڭ العا باسۋى، حالىق باقىتى ءۇشىن وشپەس ەڭبەك ءسىڭىردى، ءبىر ءداۋىردىڭ ۇلى ادامى. جاڭا جورىقتا باعالى رۋحىنان ۇيرەنىپ، وعان مۇراگەرلىك ەتىپ، ونى ساۋلەلەندىرىپ، ەل ءىشى - سىرتىنداعى بارلىق جۇڭحۋا ۇلاندارىن جۇڭگو ۇلگىسىندە وسىزامانداندىرۋ ارقىلى مەملەكەتتى قۇدىرەتتەندىرۋ قۇرىلىسىن، ۇلتتى گۇلدەندىرۋ ۇلى ءىسىن جاپپاي ىلگەرىلەتۋ جولىندا ىنتىماقتاسا كۇرەس جۇرگىزۋگە شابىتتاندىرۋ كەرەك. سۇن جۇڭشان مىرزا ءومىر بايانى مەن يدەياسىن ىشكەرىلەي زەرتتەپ، سۇن جۇڭشان مىرزانىڭ توڭكەرىستىك حيكاياسىن جاقسى بايانداپ، قالىڭ كادرلار مەن بۇقارانى، اسىرەسە، جاستار مەن ورەندەردى ۇلى ادامدى ۇلگى ەتۋگە، وتاندى ءسۇيىپ، وتان ءۇمىتىن اقتاۋعا تاربيەلەۋ، جەتەكتەۋ كەرەك.
قىزمەت تەكسەرۋ بارىسىندا شي جينپيڭ مىنالاردى باسا دارىپتەدى: جىل سوڭى مەن جىل باسىنداعى ءتۇرلى قىزمەتتەردى شىن مانىندە جاقسى ىستەپ، دۇرىس ساياسي ناتيجە كوزقاراسىن ورناتۋ جانە امالياتتا ايگىلەۋ ۇيرەنۋ تاربيەسىنىڭ جەتىستىكتەرىن بەكەمدەۋ جانە كەڭەيتۋ، دامۋ مەن حاۋىپسىزدىكتى ءبىر تۇتاس جوسپارلاۋ، ەكونوميكانىڭ ۇزدىكسىز جاڭارۋىن، ساپالىلانۋىن، جاقسارۋىن ىلگەرىلەتۋ، حالىق تۇرمىسىن قامتاماسىز ەتۋ، جاقسارتۋ ساياسات - شارالارىن جاپپاي تياناقتاندىرۋ، تۇتاس جىلداعى باستى نىسانا - مىندەتتەردىڭ ورىندالۋىنا كەپىلدىك ەتۋ، ”15 - بەسجىلدىقتىڭ“ تاماشا باستاماسىن جۇزەگە اسىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت كەڭسەسىنىڭ مەڭگەرۋشىسى ساي چي قىزمەت تەكسەرۋدە بىرگە بولدى.
حى ليفىڭ جانە ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.
كەلۋ قاينارى: حالىق تورابى