2026.11.17 15:41 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 16 - كۇنى، بەيجيڭ. 11 - ايدىڭ 16 - كۇنى مەملەكەت ءتوراعاسى شي جينپيڭ نەليكا سۆيانوۆيچ، دەنيس بەچيروۆيچ، داليانا فيليپوۆيچتەرگە تەلەگرامما جولداپ، ولاردىڭ بوسنيا - گەرتسەگوۆينا ءتوراعالار القاسىنىڭ مۇشەلىگىنە تاعايىندالعاندىعىن قۇتتىقتادى.
شي جينپيڭ مىنالاردى اتاپ كورسەتتى: بوسنيا - گەرتسەگوۆينا _ جۇڭگونىڭ شىعىس وڭتۇستىك ەۆروپا وڭىرىندەگى ماڭىزدى سەلبەستىك سەرىگى. تاياۋ جىلدارى ەكى ەل قاتىناسى ورنىقتى، اقاۋسىز دامىپ، ساياسي ءوزارا سەنىمدىلىك كۇن سايىن بەكەمدەلىپ، ءار سالاداعى سەلبەستىك مول تابىسقا قول جەتكىزدى. مەن جۇڭگو مەن بوسنيا - گەرتسەگوۆينا قاتىناسىنىڭ دامۋىنا ايرىقشا ءمان بەرەمىن، ءتوراعالار القاسىنىڭ مۇشەلەرىمەن بىرگە قۇلشىنىپ، ەكى ەلدىڭ ءداستۇرلى دوستىعى مەن ءوزارا ءتيىمدى سەلبەستىگىن تەرەڭدەتىپ، ەكى جاقتى قاتىناستىڭ اناعۇرلىم جوعارى دەڭگەيگە كوتەرىلۋىنە جەتەكشىلىك ەتىپ، ەكى ەل حالقىن اناعۇرلىم ويداعىداي باقىتقا كەنەلتۋدى قالايمىن.
كەلۋ قاينارى: حالىق تورابى