بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شىنجىن APEC دى قۋانا قارسى الدى: ليانحۋاشان باقشاسى جۇڭگونى اشىق ۇستاۋعا كۋا بولدى

2026.11.17 15:44     كەلۋ قاينارى : حالىق تورابى

ساياحاتشىلار شىنجىن ليانحۋاشان باقشاسى وڭتۇستىك قاقپاسىنداعى APEC تاقىرىپتىق كورىنىسىنىڭ الدىندا سۋرەتكە تۇسۋدە.

سۋرەتتى حالىق تورابىنىڭ ءتىلشىسى جين حۇڭحۋا تۇسىرگەن.

حالىق تورابى، 11 - ايدىڭ 16 - كۇنى، شىنجىن (ءتىلشى جين حۇڭحۋا). ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ 33 - رەتكى بەيرەسمي ءماجىلىسىنىڭ كۇن سايىن جاقىنداۋىنا بايلانىستى، شىنجىن ليانحۋاشان باقشاسى شىت جاڭا تۇسكە ەندى، ”ءبىر نيەت، ءبىر تىلەكپەن ازيا - تىنىق مۇحيت ءوڭىرىن اشايىق» تاقىرىبىنداعى گۇل تەكشەلەر قۇلپىرا اشىلىپ، پىڭچىڭ قالاسىنىڭ سالتاناتتى جينالىستى قارسى الۋداعى قالا تانىسقىسىنا اينالدى.

11 - ايدىڭ 16 - كۇنى ادامدار شىنجىن ليانحۋاشان باقشاسىنداعى الىپ APEC تاقىرىپتىق گۇل تەكشەسىنىڭ الدىندا سۋرەتكە تۇسۋدە.

سۋرەتتى حالىق تورابىنىڭ ءتىلشىسى جين حۇڭحۋا تۇسىرگەن.

ليانحۋاشان باقشاسىنداعى باتپىراۋىق الاڭىنىڭ ۇلكەن كوگالىندا، ۇزىندىعى 21 مەتر كەلەتىن الىپ تاقىرىپتىق گۇل تەكشە الۋان تۇسكە بولەندى، رەتتى دە قابات - قابات كوتەرىلگەن ساقينا فورمالى گۇل بەلدەۋىن نەگىزگى تۇلعا ەتىپ، لىدۋجۋان، راۋشانگۇل، تورعىنگٷل سياقتى الۋان گۇلدەر رەتىمەن توسەلگەن، ازيا - تىنىق مۇحيت ەكونوميكالىق تۇلعاسىنداعى 21 ەكونوميكالىق تۇلعانىڭ ءبىر نيەت، ءبىر تىلەكتە بولىپ، سەلبەستىكتى تەرەڭدەتىپ، گۇلدەنۋگە بىرگە اتتانعاندىعىن بىلدىرەدى. كوپتەگەن قالا تۇرعىندارى مەن ساياحاتشىلار ايالداپ تاماشالاپ، سۋرەتكە ءتۇسىپ، ەستەلىك قالدىرىپ، كوز جاۋىن الاتىن كورىنىستەردەن سالتاناتتى جينالىستىڭ دۋماندى رايىن سەزىندى.

گۇل تەكشە جانىندا ءتىلشى سىرت جەرلەردەن كەلگەن بىرنەشە ساياحاتشىعا تىلشىلىك ىستەدى. ولار كوز الداعى كورىنىستى ”تاڭدانارلىق“ دەپ سۋرەتتەدى. ولاردىڭ قاراۋىنشا، الۋان ءتۇستى گۇل تەڭىزى شىنجىننىڭ APEC جينالىسىن قۋانا قارسى العان دۋماندى ورتاسىن ايگىلەدى، سونداي - اق ادامدارعا وسى قالانىڭ جالىندى ومىرشەڭدىك كۇشىن كورسەتۋمەن بىرگە، جۇڭگونىڭ اشىق، سيىسىمدى بەينەسىن دە سەزىندىردى.

2012 - جىلى 12 - ايدا باس شۋجي شي جينپيڭ شىنجىن ليانحۋاشان باقشاسىندا ءوز قولىمەن ەككەن تاۋ فيكۋسى. قازىر تامىرى تەرەڭ تارتىپ، جاپىراعى جايقالىپ، بۇتاقتارى بىتىك وسكەن.

سۋرەتتى حالىق تورابىنىڭ ءتىلشىسى جين حۇڭحۋا تۇسىرگەن.

باتپىراۋىق الاڭىنان جوعارى ءجۇرىپ، تاۋ باسىنداعى الاڭنىڭ جانىنا بارعاندا، باس شۋجي شي جينپيڭ ءوز قولىمەن ەككەن تاۋ فيكۋسى قاۋلاپ ءوسىپ، تىرشىلىك تىنىسىن سەزىندىرەدى. تالاي جىلدان بەرى، وسى ”اۋەلگى ماقسات اعاشى“ پىڭچىڭ توپىراعىنا تامىر تارتىپ، شىنجىننىڭ رەفورما جاساۋ، ەسىك اشۋداعى ەكپىندى قادامىنا كۋا بولدى، سونداي - اق جۇڭگونىڭ ەسىك اشۋدى ۇزدىكسىز كەڭەيتۋدەگى، دۇنيە جۇزىمەن قاۋىشۋداعى بەرىك سەنىمىن ايگىلەدى.

ءبىر تاۋدان قالا كورىنىسىن تاماشالاۋعا، ءبىر اعاشتان اۋەلگى ماقساتتى كورۋگە بولادى. تاۋ باسىنا تاياعاندا، شىنجىن قالاسىنىڭ ءزاۋلىم عيماراتتارى كورىنىپ، الۋان تۇسكە بولەندى. رەفورما جاساپ، ەسىك اشۋدا الدىمەن ۇلگى كورسەتۋدەن APEC سىندى كەلەلى حالىقارالىق سالتاناتتى جينالىستى بار كۇشپەن وتكىزۋگە دەيىن، شىنجىن باستان - اياق اشىق، سيىسىمدى بەينەمەن ازيا - تىنىق مۇحيت ءوڭىرىن، دۇنيە ءجۇزىن تۇتاستىردى. كوز الدىڭىزدا الۋان گۇلدەر شەشەك اتىپ، قۇلپىرعان كورىنىس پەن قالا كەلبەتى ءبىر - بىرىنە شۇعىلا شاشادى، ”جاراسىمدى قاتار ءومىر سۇرەتىن“ شىعىس اقىل - پاراساتىن قامتۋمەن بىرگە، جاڭا داۋىردەگى جۇڭگونىڭ جوعارى دەڭگەيدە سىرتقا ەسىك اشۋدى كەڭەيتۋ، ءار جاقپەن قول ۇستاسىپ، ءوڭىردىڭ گۇلدەنۋىن، دامۋىن بىرگە جەبەۋ مىندەتى مەن جاۋاپكەرشىلىگىن دە ايگىلەيدى.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى