بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ا ق ش – نىڭ زۇڭتۇڭى ترامپ: ا ق ش ”تايۋاندى دەربەستەندىرۋگە“ قولداۋ كورسەتپەيدى 

2026.11.20 16:11     كەلۋ قاينارى : حالىق تورابى

11 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ شىنجىندا ازيا − تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسۋ ءۇشىن جۇڭگوعا كەلگەن ا ق ش زۇڭتۇڭى ترامپپەن كەزدەستى.

ترامپ جۇڭگو جاقتىڭ ءوزىن قىزۋ مەرەيمەن كۇتىپ العاندىعىنا ايرىقشا العىس ايتىپ، ديپلوماتيالىق قارىم - قاتىناس ورناتقان 40 نەشە جىلدان بەرى، ا ق ش – جۇڭگو قارىم - قاتىناسىندا كورنەكتى ىلگەرىلەۋشىلىككە قول جەتكىزىلگەنىن ءبىلدىردى. مەن ءتوراعا شي جينپيڭمەن ءجيى بارىس – كەلىس جاساپ، دوستىعىمىز ۇزدىكسىز تەرەڭدەدى، ا ق ش − جۇڭگو قاتىناسىنىڭ دامۋىنا بىرگە جەتەكشىلىك ەتتىك. ەكى ەلدىڭ ساۋدا، قارجى قوسۋ سالالارىنداعى قاتىناسى ۇزدىكسىز كۇشەيىپ، فەنتانيل سياقتى سالالارداعى سەلبەستىگى ونىمدىلىككە قول جەتكىزدى. ەكى جاق ا ق ش - جۇڭگو قارىم - قاتىناسىنىڭ ورنىقتى دامۋ بەتالىسىن ساقتاپ، اۋىل شارۋاشىلىعى ونىمدەرى، ەنەرگيا، ەرەكشە زەردە قاتارلى سالالاردا سەلبەستىكتى كۇشەيتىپ، ءوزدى - ءوزى ەرەكشە نازار اۋدارىپ وتىرعان ماسەلەلەردى ءادىل، ويداعىداي شەشۋى كەرەك. ا ق ش ”تايۋاندى دەربەستەندىرۋگە“ قولداۋ كورسەتپەيدى. جۇڭگو جاقتىڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسىن ءساتتى وتكىزگەندىگىن قۇتتىقتايمىن. ا ق ش اسا قۋاتتى ەل، جۇڭگو دا اسا قۋاتتى ەل، ەكى ەل بىرگە دۇنيە ءجۇزىنىڭ بەيبىتشىلىگى مەن ورنىقتىلىعىنا جەتەكشىلىك ەتۋى جانە ونى جەبەۋى كەرەك.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى