بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ەكى تاراۋ: وكسيفەنيزاتين، بيساكوديل تەكتەس زاتتار ازىق – تۇلىككە جاتپايتىن زاتتار تىزىمدىگىنە ەنگىزىلدى

2026.11.17 16:39     كەلۋ قاينارى : حالىق تورابى

جۇڭگو اقپارات تورابى 11 – ايدىڭ 16 – كۇنى حابارلايدى. بازاردى باقىلاۋ – باسقارۋ باس مەڭگەرمەسى ۋيشين تەكشەسىنىڭ حابارلاۋىنشا، جۋىردا بازاردى باقىلاۋ – باسقارۋ باس مەڭگەرمەسى مەن مەملەكەتتىك دەنساۋلىق ساقتاۋ – سالاماتتىق كوميتەتى بىرگە ۇقتىرۋ جاريالاپ، وكسيفەنيزاتين (فەنوتين) تەكتەس زاتتاردى، بيساكوديل تەكتەس زاتتاردى ازىق – تۇلىككە قوسۋعا بولمايتىن زاتتار تىزىمدىگىنە ەنگىزگەن، سونىمەن بىرگە، ولاردى تەكسەرۋگە قاتىستى ادىستەردى دە ايقىنداعان.

وكسيفەنيزاتين، بيساكوديل تىتىركەندىرگىش، ءىش وتكىزگىش دارىلەر سانالادى. جۋىرداعى جىلداردان بەرى، ارىقتاتاتاتىن ازىق – تۇلىكتەرگە بولعان قاجەتسىنۋ ۇزدىكسىز ارتتى، ءبىر ءبولىم زاڭسىز ەلەمەنتتەر باقىلاۋ – باسقارۋدان جالتارۋ ءۇشىن اتالعان ەكى زاتتىڭ قۇرىلىمىن وزگەرتىپ، جاڭا تيپتى ءوربىندى زاتتاردى ازىق – تۇلىكتەرگە قوسىپ، يقۋاتىن جالعاننان ۇگىتتەپ، زاڭسىز پايداعا كەنەلمەك بولدى. جۋىرداعى جىلداردان بەرگى باقىلاۋ – باسقارۋ، زاڭ اتقارۋ جانە ۇلگى الىپ تەكسەرۋ جاعدايىنان قاراعاندا، اتالعان ەكى ءتۇرلى زات كوبىنەسە ”ارىقتاتادى“، ”ۋىتتى ايدايدى“، ”مايدان ارىلتادى“ دەپ ۇگىتتەلگەن جەمىس ۋىزشاسى، قانتقا شىلانعان جەمىس، كامپيت، سۋسىندىق قاتارلى ونىمدەرگە قوسىلعان.

«ەڭ جوعارى حالىق سوتى مەكەمەسى مەن ەڭ جوعارى حالىق پروكۋراتۋراسىنىڭ ازىق – تۇلىك حاۋىپسىزدىگىنە زيان جەتكىزەتىن قىلمىستىق ىستەرگە قاتىستى دەلونى بىتىرگەن كەزدە زاڭدى قولدانۋعا قاتىستى ءبىرقانشا ماسەلە جونىندەگى تۇسىندىرمەسىنە» ساي، ازىق – تۇلىك رەتىندە پايدالانۋعا بولمايتىن زاتتار تىزىمدىگىنە ەنگىزىلگەن زاتتاردى ”ازىق – تۇلىككە جاتپايتىن ۋلى، زالالدى ماتەريال“ دەپ قاراۋعا بولادى، قاتىستى زاڭعا قايشى قوسپا قوسۋ ارەكەتى بايقالسا، قىلمىستىق ىستەر زاڭىنىڭ 144 – تارماعىنا ساي ۋلى، زالالدى ازىق – تۇلىكتەردى ءوندىرۋ، ساتۋ قىلمىسىن وتكىزگەن دەپ قاراپ، زاڭ بويىنشا قاتاڭ جازالاۋعا بولادى.

كەلەسى قادامدا، ءار دارەجەلى بازاردى باقىلاۋ – باسقارۋ تاراۋلارى مەن قوعام حاۋىپسىزدىگى تاراۋلارى ازىق – تۇلىكتەرگە ازىق – تۇلىككە جاتپايتىن زاتتاردى زاڭسىز قوسۋ سىندى كورنەكتى ماسەلەلەرگە نازاردى شوعىرلاندىرىپ، باقىلاۋ – باسقارۋ جانە زاڭ اتقارۋ تەبىنىن ۇزدىكسىز كۇشەيتىپ، اكىمشىلىك جاقتان زاڭ اتقارۋ مەن قىلمىستىق ىستەر بويىنشا زاڭ اتقارۋدى ۇشتاستىرىپ، زاڭعا قايشى قىلمىستىق ارەكەتتەرگە قاتاڭ سوققى بەرىپ، حالىق جۇرتشىلىعىنىڭ ”ازىق – تۇلىك حاۋىپسىزدىگىن“ شىنايى قورعايدى.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى