2026.11.19 14:23 كەلۋ قاينارى : حالىق تورابى
11 - ايدىڭ 18 - كۇنى، ەڭ جوعارى حالىق سوتى مەكەمەسى، ەڭ جوعارى حالىق پروكۋراتۋراسى، قوعام حاۋىپسىزدىگى مينيسترلىگى سوت ۇكىمىن نەمەسە كەسىمدى اتقارۋدان باس تارتۋعا ساياتىن ءبىر توپ قىلمىستىق ارەكەتتەرگە زاڭ بويىنشا سوققى بەرۋگە قاتىستى تيپتىك دەلولاردى جاريالادى. قوعام حاۋىپسىزدىگى مينيسترلىگى قىلمىستىق ىستەردى بارلاۋ مەكەمەسىنىڭ ورىنباسار باستىعى مياۋ شينجۇننىڭ تانىستىرۋىنشا، 2026 – جىلى 1 – ايدان 9 – ايعا دەيىن، بۇكىل ەلىمىزدەگى قوعام حاۋىپسىزدىگى ورگاندارى ۇكىم مەن كەسىمدى اتقارۋدان باس تارتۋعا ساياتىن دەلولاردان جيىنى 4818 دەلونى انىقتاپ، قىلمىس كۇماندىلارىنان 5795 ادامدى تۇتقىنداعان، سول ارقىلى 49 ميلليون 638 مىڭ يۋان ەكونوميكالىق زياننىڭ ورنىن تولتىرعان. قوعام حاۋىپسىزدىگى ورگاندارى قىلمىستىق ىستەرگە سوققى بەرۋ فۋنكتسياسىن زاڭ بويىنشا اتقارىپ، اتقارۋدان باس تارتۋ جاعىنداعى قىلمىستىق ارەكەتتەرگە قاتاڭ سوققى بەرىپ، ىشكەرىلەي سايكەسە ارەكەتتەنىپ، پروكۋراتۋرا جانە سوت مەكەمەلەرىمەن سەلبەستىك جاساۋدى ۇزدىكسىز كۇشەيتىپ، اتقارۋ قيىن بولۋ ماسەلەسىن شەشىم ەتۋگە شىنايى دەم بەرىپ، ءادىليانىڭ بەدەلىن باتىل قورعاپ، جۇرتشىلىقتىڭ مۇددەسىن قامتاماسىزداندىردى. (ءتىلشى ليۋ شىجيۇڭ، لۋ شياۋنا)
كەلۋ قاينارى: حالىق تورابى