بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

ەلىمىز بويىنشا كوپ ءبولىم جەرلەردە جاۋىن – شاشىن از بولادى، الداعى 10 كۇن ىشىندە سۋىق اعىس ءبىرشاما ٴالسىز بولادى 

2026.11.20 16:13     كەلۋ قاينارى : حالىق تورابى

جۇڭگو اقپارات تورابى 11 – ايدىڭ 20 – كۇنى حابارلايدى. ورتالىق اۋا رايى ستانسياسىنىڭ تورابى جاريالاعان مالىمەتكە قاراعاندا، وتكەن ءبىر كۇن ىشىندە، ەلىمىزدىڭ باسىم كوپ ءبولىم جەرىندە جاۋىن – شاشىن از بولعان، يۇنناننىڭ شىعىس بولىگى مەن وڭتۇستىك بولىگى، گۋاڭشيدىڭ وڭتۇستىك بولىگى قاتارلى جەرلەردىڭ ءبىر ءبولىم وڭىرلەرىندە ورتاشا دارەجەدە جاڭبىر جاۋعان، ءىشىنارا جەرلەردە قالىڭ جاڭبىر جاۋعان؛ شاندۇڭ تۇبەگىندە از مولشەردەن ورتاشا دارەجەگە دەيىن قار نەمەسە قار ارالاس جاڭبىر جاۋعان، ۋەيحايدىڭ ءىشىنارا جەرلەرىندە قالىڭ قار نەمەسە ەرەكشە قالىڭ قار جاۋعان. مۇنان سىرت، ىشكى موڭعۇل، سولتۇستىك جۇڭگو، حۋاڭحى – حۋايحى الابى، شىعىس - سولتۇستىك ءوڭىر قاتارلى جەرلەردە جەل كۇشى ءبىرشاما زور بولىپ، ىزعىرىق اسەرى كورنەكتى بولدى.

اۋا رايى تۋرالى ەڭ جاڭا مالىمەتكە قاراعاندا، بۇگىن جانە ەرتەڭ 2 كۇندە، ەلىمىز بويىنشا كوپ ءبولىم وڭىرلەردە جاۋىن – شاشىن از بولادى، نەگىزىنەن ىشكى موڭعۇل، حيلۇڭجياڭ، شاندۇڭ تۇبەگى جانە يۇننان قاتارلى جەرلەردە قار نەمەسە جاڭبىر جاۋادى. مۇندا، شاندۇڭ تۇبەگىنىڭ شىعىس بولىگىندە قالىڭ دارەجەدەن ەرەكشە قالىڭ دارەجەگە دەيىن قار جاۋادى، يۇننان ولكەسىنىڭ وڭتۇستىك بولىگىندەگى ءىشىنارا رايونداردا ورتاشا دارەجەدەن قالىڭ دارەجەگە دەيىن جاڭبىر جاۋادى.

الداعى 10 كۇندە، ەلىمىزگە ىقپال جاسايتىن سۋىق اعىس ءبىرشاما السىز بولادى، ورتا – باتىس بولىكتەگى باسىم كوپ ءبولىم وڭىرلەردە تەمپەراتۋرا ادەتتەگى جىلدارداعى سول مەزگىلدەگىدەن 1 – 3 گرادۋس جوعارى بولادى، شينجياڭ، چيڭحاي – شيزاڭ ءۇستىرتى جانە گانسۋ قاتارلى وڭىرلەردە تەمپەراتۋرا ادەتتەگى جىلدارداعى سول مەزگىلدەگىدەن 4 – 6 گرادۋس جوعارى بولادى؛ شىعىس جۇڭگوداعى ءىشىنارا وڭىرلەردە تەمپەراتۋرا ادەتتەگى جىلدارداعىدان 1 – 2 گرادۋس تومەن بولادى. مۇنىڭ ىشىندە، 11 – ايدىڭ 22 – كۇنىنەن 24 – كۇنىنە دەيىن، ورتاشا دارەجەدەگى سۋىق اعىس سەبەبىنەن شىعىس بولىكتەگى رايونداردا تەمپەراتۋرانىڭ تومەندەۋى مەن جاڭبىر، قار جاۋۋ سىندى اۋا رايى تۋىلادى، ىشكى موڭعۇلدىڭ شىعىس بولىگى مەن شىعىس – سولتۇستىك وڭىردە از مولشەردەن ورتاشا دارەجەگە دەيىن قار جاۋادى، ءىشىنارا جەرلەردە قالىڭ قار جاۋادى.

اۋا رايى ماماندارىنىڭ ەسكەرتۋىنشە، 11 – ايدىڭ سوڭعى شەنىندە كۇشتى سۋىق اعىس بولمايدى، اۋا تەمپەراتۋراسى قايتادان ورنىقتى تۇردە جوعارىلايدى، الايدا سولتۇستىكتەگى رايونداردا كۇندىز بەن تۇنگى اۋا تەمپەراتۋراسىنىڭ پارقى ءبىرشاما زور بولىپ، ءىشىنارا كەزدەردە بوران سوعادى، دالادا ارەكەتتەنگەن كەزدە سۋىق وتۋدەن ساق بولعان ءجون، سۋىقتان ساقتانىپ، جىلى كيىنگەنىڭ ءجون. شاندۇڭ تۇبەگىندە، حيلۇڭجياڭنىڭ باتىس - سولتۇستىك بولىگىندە، ىشكى موڭعۇلدىڭ شىعىس بولىگىندە اۋا رايى جاۋىن – شاشىندى بولادى، تاس جولداردىڭ دىمقىلدانۋى ءارى تايعاناق بولۋى، مۇز قاتۋ قاتارلى ءجۇرىس – تۇرىسقا جانە قاتىناسقا جاسايتىن ءتيىمسىز ىقپالىنان ساقتانعان ءجون.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى