2026.11.20 16:17 كەلۋ قاينارى : حالىق تورابى
شينحۋا اگەنتتىگى، 11 - ايدىڭ 19 - كۇنى، بەيجيڭ. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا قارتتار قىزمەتى جونىندە ماڭىزدى نۇسقاۋ بەرىپ مىنالاردى اتاپ كورسەتتى: پارتيا 18 - قۇرىلتايىنان بەرى، ەلىمىزدىڭ قارتتار قىزمەتىندە تىڭ ىلگەرىلەۋشىلىكتەر مەن تىڭ تابىستارعا قول جەتتى، زەينەتكەرلىك ىستەرى مەن زەينەتكەرلىك كاسىبى جەدەل دامىپ، قالىڭ قارتتاردىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز كۇشەيدى.
شي جينپيڭ مىنالاردى باسا دارىپتەدى: جاڭا جورىقتا جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، حالىقتىڭ قارتتانۋىنا بەلسەنە توتەپ بەرۋ مەملەكەتتىك ستراتەگياسىن ىشكەرىلەي اتقارىپ، ۇكىمەت، بازار، قوعام، وتباسى سايكەسە كۇش سالۋعا تاباندى بولىپ، قارتتارعا قوعامدىق قامتاماسىزداندىرۋدى، زەينەتكەرلىككە قىزمەت وتەۋدى، سالاماتتىققا قىزمەت وتەۋدى، قوعامدىق ات سالىسۋدى اناعۇرلىم كۇشەيتىپ، قارتتارعا ارنالعان شارۋاشىلىقتى زور كۇشپەن دامىتىپ، قارتتارعا وپالى بولۋ، قارتتاردى قۇرمەتتەۋ تاماشا ورتاسىن قالىپتاستىرۋ، قارتتار دوستىق قوعامىن قۇرىپ، قارتتاردىڭ تۇرمىسىن ءتىپتى دە باقىتتى، تاماشا ەتۋگە قۇلشىنۋ كەرەك.
مەملەكەتتىك قارتتار قىزمەتى ءماجىلىسى 11 - ايدىڭ 18 - كۇنىنەن 19 - كۇنىنە دەيىن بەيجيڭدە اشىلدى. ماجىلىستە شي جينپيڭنىڭ ماڭىزدى نۇسقاۋى جەتكىزىلدى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي چياڭ ماجىلىسكە قاتىناستى ءارى ءسوز سويلەدى.
لي چياڭ سوزىندە مىنالاردى اتاپ كورسەتتى: باس شۋجي شي جينپيڭنىڭ ماڭىزدى نۇسقاۋى ەلىمىزدىڭ قارتتار قىزمەتىندە قول جەتكەن تىڭ ىلگەرىلەۋشىلىكتەردى، تىڭ تابىستاردى تولىق تۇراقتاندىرىپ، جاڭا جورىقتا حالىق سانىنىڭ قارتتانۋىنا بەلسەنە توتەپ بەرۋ مەملەكەتتىك ستراتەگياسىن ىشكەرىلەي اتقارۋدىڭ باعىتىن، جولىن جانە ءتۇيىندى مىندەتتەرىن تەرەڭ بايىمدادى، بۇل وتە كۇشتى ساياسي، يدەيالىق، جەتەكشىلىك سيپاتقا يە. ءبىز مۇقيات ۇيرەنىپ، ءتۇسىنىپ، باتىل دايەكتىلەندىرۋىمىز، تياناقتاندىرۋىمىز كەرەك.
لي چياڭ مىنالاردى باسا دارىپتەدى: باس شۋجي شي جينپيڭنىڭ قارتتار قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، جەتە ءتۇسىنىپ، حالىق سانىنىڭ قارتتانۋى دامۋىنىڭ كەزەڭدىك ەرەكشەلىگىن دۇرىس يگەرىپ، حالىق سانىنىڭ قارتتانۋى الا كەلگەن تەرەڭ ىقپالعا ديالەكتيكالىق تۇرعىدان مامىلە جاساپ، ەلىمىزدىڭ حالىقتىڭ قارتتانۋىنا توتەپ بەرۋدەگى وزگەشە باسىمدىعىن تولىق تانىپ، قارتتار قىزمەتىن ويداعىداي ىستەۋدىڭ جاۋاپكەرشىلىك سەزىمى مەن ىرىقتىلىعىن سانالى تۇردە كۇشەيتۋ كەرەك. حالىقتىڭ قارتتانۋى دامۋىنىڭ اۋقىمدىق وزگەرىسىنە سايكەسىپ، قارتتار قىزمەتىن ساتىعا، تۇرگە ءبولىپ ويداعىداي ىستەپ، قارتتار قاۋىمىنىڭ جاسى مەن دەنساۋلىق پارقىن يگەرىپ، قارتايعاندا كۇتىمدەلەتىن ورىن بولۋدى جانە قارتايعاندا ىستەي الاتىن بولۋدى ءوزارا ءبىر تۇتاس جوسپارلاۋعا ءمان بەرۋ كەرەك؛ قارتتار قاۋىمىنىڭ ەكونوميكالىق جاعداي پارقىن يگەرىپ، قىزمەت وتەۋدى قامتاماسىزداندىرۋدىڭ ساتىلى قامدالۋىنا ءمان بەرۋ كەرەك؛ قارتتار قاۋىمىنىڭ زەينەتكەرلىك ءتاسىلىنىڭ پارقىن يگەرىپ، وتباسى تۇراتىن الەۋمەتتىك اۋماق قۇرىلىمدارىنىڭ قىزمەت وتەۋىن ۇلاستىرۋعا، سايكەستىرۋگە ءمان بەرۋ كەرەك؛ قارتتار قاۋىمىنىڭ قالا مەن اۋىلدىڭ وڭىرلىك ورنالاسۋ پارقىن يگەرىپ، ساياساتتىڭ تەپە - تەڭدىگى مەن دالدىگىنە ءمان بەرۋ كەرەك.
لي چياڭ مىنالاردى اتاپ كورسەتتى: قارتتاردىڭ باقىتىن ارتتىرۋدى نىسانا ەتىپ، قارتتاردىڭ تاماشا تۇرمىس قاجەتىن قاناعاتتاندىرۋدى كوزدە ۇستاپ، قارتتار قىزمەتىنىڭ ءتۇيىندى مىندەتتەرىن تياناقتاندىرۋدى ىلگەرىلەتۋ كەرەك. قارتتاردىڭ نەگىزى تۇرمىس قاجەتىن تاقىرىپ ەتىپ، زەينەتكەرلىك قامتاماسىزداندىرۋىن جانە قىزمەت وتەۋ ورەسىن ورنىقتى جوعارىلاتۋ كەرەك، قارتتاردىڭ دەنساۋلىق جانە رۋحاني اقاۋسىزدىق قاجەتىن ارقاۋ ەتىپ، اقاۋسىزدىقتى جەبەۋ جانە رۋحاني مادەنيەت جاقتا قىزمەت وتەۋدى ۇزدىكسىز كۇشەيتۋ كەرەك، قارتتاردىڭ قۇندى كادەگە جاراتۋ قاجەتىن ارقاۋ ەتىپ، ولاردىڭ ەكونوميكانى، قوعامدى دامىتۋعا قاتىناسۋ كەڭىستىگىن بەلسەنە كەڭەيتۋ كەرەك، قارتتاردىڭ ساپالى تۇتىنۋ قاجەتىن ارقاۋ ەتىپ، قارتتار شارۋاشىلىعىن زور كۇشپەن دامىتۋ كەرەك. ۇيىمدىق باسشىلىقتى كۇشەيتىپ، ءبىر تۇتاس جوسپارلاپ سايكەستىرۋدى كۇشەيتىپ، ءار جاقتىڭ بىرىككەن كۇشىن ۇيىستىرىپ، مۇقيات، سۇيىسپەنشىلىكپەن قىزمەت وتەپ، قارتتار قىزمەتىن پارمەندى قامتاماسىزداندىرۋ كەرەك.
مەملەكەتتىك كەڭەستىڭ مۇشەسى، مەملەكەتتىك قارتتار قىزمەتى كوميتەتىنىڭ مەڭگەرۋشىسى چىن ي - چين قورىتىندى سوزىندە مىنالاردى ءبىلدىردى: باس شۋجي شي جينپيڭنىڭ قارتتار قىزمەتى جونىندەگى ماڭىزدى بايىمداۋلارى مەن ماڭىزدى نۇسقاۋلارىنىڭ رۋحىن ىشكەرىلەي ۇيرەنىپ، دايەكتىلەندىرىپ، لي چياڭ زۇڭلي ايتقان تالاپتاردى مۇقيات تياناقتاندىرىپ، ”15 - بەسجىلدىق“ نىسانالىق مىندەتتەردى باعدار ەتىپ، قارتتاردىڭ شۇعىل، قيىن، ۋايىمداعان، ءزارۋ ماسەلەلەرىن كۇش سالا شەشىپ، قارتتاردىڭ كۇن سايىن ارتىپ وتىرعان تاماشا تۇرمىس قاجەتىن ۇزدىكسىز قاناعاتتاندىرىپ، جاڭا جورىقتاعى قارتتار ىستەرىنىڭ جوعارى ساپالى دامۋىن ىلگەرىلەتۋ كەرەك.
حالىق ىستەرى مينيسترلىگىنىڭ، مەملەكەتتىك دامۋ جانە رەفورما كوميتەتىنىڭ، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ، مەملەكەتتىك دەنساۋلىق ساقتاۋ - سالاماتتىق كوميتەتىنىڭ، بەيجيڭ قالاسىنىڭ، جىجياڭ ولكەسىنىڭ، سىچۋان ولكەسىنىڭ جاۋاپتى جولداستارى پىكىر اۋىستىرىپ، ءسوز سويلەدى.
ۋ جىڭلۇڭ ماجىلىسكە قاتىناستى.
مەملەكەتتىك قارتتار قىزمەتى كوميتەتىنىڭ مۇشەلەرى، ولكەلەردىڭ، اۆتونوميالى رايونداردىڭ، قالالاردىڭ جانە جوسپارى بولەك جاسالاتىن قالالاردىڭ، شينجياڭ ءوندىرىس - قۇرىلىس بيڭتۋانىنىڭ، ورتالىق پەن مەملەكەت ورگاندارىنىڭ قاتىستى تاراۋلارىنىڭ، قاتىستى حالىقتىق ۇيىمداردىڭ جاۋاپتى جولداستارى قاتارلىلار ماجىلىسكە قاتىناستى.
كەلۋ قاينارى: حالىق تورابى