بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ جۇڭگو، رەسەي، ا ق ش باسشىلارىنىڭ ديدارلاسۋىن باسقاردى

2026.11.20 16:18     كەلۋ قاينارى : حالىق تورابى

11 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ شىنجىندە رەسەيدىڭ زۇڭتۇڭى پۋتينمەن، ا ق ش - نىڭ زۇڭتۇڭى ترامپپەن جۇڭگو، رەسەي، ا ق ش باسشىلارىنىڭ ديدارلاسۋىن وتكىزدى.

سۋرەتتى شينحۋا اگەنتتىگىنىڭ ءتىلشىسى شىن حۇڭ تۇسىرگەن

«حالىق گازەتى»، 11 - ايدىڭ 19 - كۇنى، شىنجىن (تىلشىلەر دۋ شاڭزى، ياڭ چياۋچۋ). 11 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ شىنجىندە رەسەيدىڭ زۇڭتۇڭى پۋتينمەن، ا ق ش - نىڭ زۇڭتۇڭى ترامپپەن جۇڭگو، رەسەي، ا ق ش باسشىلارىنىڭ ديدارلاسۋىن وتكىزدى. ءۇش ەل مەملەكەت باسشىلارى ”دۇنيە ءجۇزىنىڭ بەيبىتشىلىگىن قورعاۋ، ءىرى ەلدەر قاتىناسىنىڭ ستراتەگيالىق ورنىقتىلىعىن جەبەۋ“ تاقىرىبىن توڭىرەكتەي وتىرىپ ىشكەرىلەي تالقى جۇرگىزدى.

شي جينپيڭ مىنالاردى اتاپ كورسەتتى: جۇڭگو، رەسەي، ا ق ش ەلدەرىنىڭ ەڭ جوعارى باسشىلارى تاريحتان بەرى تۇڭعىش رەت باس قوستى، بۇل جاسامپازدىق مانگە يە. تاريح بىزگە مىنانى ۇعىندىردى: ءىرى ەلدەر تاتۋلاسسا، دۇنيە ءجۇزى تىنىشتالادى، ءىرى ەلدەر سوعىسسا، دۇنيە ءجۇزى بىلىعادى. بەيبىتشىلىك _ ادامزات قوعامىنىڭ ماڭگىلىك تىلەگى. ءبىزدىڭ بۇل پلانەتادا 10 مىڭ رەتتەن استام سوعىس تۋىلعان، قازىر دۇنيە جۇزىندە 60 تان استام وڭىرلىك قاقتىعىس توقتاماي تۇر. 80 نەشە جىلدىڭ الدىندا دۇنيە جۇزىندەگى فاشيزمگە قارسى تىرەكتى كۇش رەتىندە جۇڭگو، رەسەي، ا ق ش تىزە قوسا شايقاس جاساپ، ۇلى جەڭىستەرگە جەتىپ، دۇنيە ءجۇزىنىڭ بەيبىتشىلىگى مەن تىنىشتىعىن قولعا كەلتىرگەن. تاريح _ ەڭ جاقسى وقۋلىق. ءبىز تاريحتى ەستە بەرىك ساقتاپ، تاريحتى اينا ەتىپ، بولاشاققا جول اشۋىمىز كەرەك.

شي جينپيڭ مىنالاردى باسا دارىپتەدى: ادامزات ءبىر جەر شارى قىستاعىندا جاساپ جاتىر، تاعدىرلاس ورتاق تۇلعا. وسى جەر شارى قىستاعىندا ءىرى ەل ەرەكشە جاۋاپكەرشىلىك ارقالايدى. ءىرى ەلدەردىڭ ءتيىمدى ىقپالداستىعى تاڭداۋ سۇراۋلارى ەمەس، قايتا ءسوزسىز جاۋاپ قايتاراتىن سۇراۋلار. تاياۋ جىلداردان بەرى، جۇڭگو جۇڭگو مەن رەسەيدىڭ جاڭا داۋىردەگى جالپى بەتتىك ستراتەگيالىق سەلبەستىك سەرىكتەستىك قاتىناسىن ىلگەرىلەتىپ، جۇڭگو مەن ا ق ش - نىڭ سىندارلى ستراتەگيالىق ورنىقتىلىق قاتىناسىن بەلسەنە ورناتىپ، بەيبىت قاتار تۇراتىن، جالپى تۇلعالىق جاقتان ورنىقتى، بىركەلكى داميتىن ءىرى ەلدىك قاتىناس جاعدايىن قالىپتاستىرۋدى ىلگەرىلەتتى، ءبىر - بىرىنە تيىمدىلىك جاساۋمەن بىرگە، دۇنيە جۇزىنە دە باقىت جاراتتى. قازىر دۇنيە ءجۇزىنىڭ 100 جىلدىق وزگەرىس جاعدايى جەدەل قۇبىلىپ، دۇنيە ءجۇزىنىڭ تىنىشتىعى كەتە باستادى. جۇڭگو، رەسەي، اق ش دۇنيە جۇزىندەگى نەگىزگى ءىرى ەلدەر جانە بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القاسىنداعى ەلدەر رەتىندە، جاقسى ۇلگى بولىپ، دۇنيە جۇزىلىك سايىستارعا سەلبەسىپ توتەپ بەرىپ، دۇنيە ءجۇزىنىڭ بەيبىتشىلىگى مەن ورنىقتىلىعىن بىرگە قورعاپ، ادامزاتتىڭ العا باسۋىنا اناعۇرلىم زور ۇلەس قوسۋى كەرەك.

شي جينپيڭ مىنالاردى اتاپ كورسەتتى: ءىرى ەلدەر قايتكەندە دۇرىس قاتىناس جاساپ، دۇنيە ءجۇزى بەيبىتشىلىگىنە بىرگە تىرەك بولۋى كەرەك؟ بۇل _ ءسوز جوق، ويداعىداي جاۋاپ بەرۋگە ءتيىستى داۋىرلىك تاقىرىپ. ول وسى جونىندە مىناداي ءتورت ءتۇرلى كوزقاراستى ورتاعا قويدى:

ءبىرىنشى، ءوزارا قۇرمەت ەتۋگە تاباندى بولۋ. ءوزارا قۇرمەت ەتۋ ءىرى ەلدەر بارىس - كەلىسىنىڭ نەگىزگى ولشەمى. جۇڭگو، رەسەي، ا ق ش ەلدەرىنىڭ مەملەكەت جاعدايى ۇقسامايدى، ءبىر - بىرىنە قۇرمەت ەتۋ، پارىقتاردى ساقتاپ، ورتاقتىققا ۇمتىلۋ، بىرگە دامۋ، جۇيەدەن ءبىر - ءبىرىنىڭ يەلىك ۇقىعى مەن تەرريتوريا تۇتاستىعىنا قۇرمەت ەتۋ، ءارقايسىسى تاڭداعان قوعامدىق ءتۇزىم مەن دامۋ جولىنا قۇرمەت ەتۋ، ءبىر - ءبىرىنىڭ وزەكتى مۇددەسى مەن كوڭىل ءبولىپ وتىرعان كەلەلى ىستەرىنە قۇرمەت ەتۋ قاتارلىلاردى قامتيدى. باسقا ەلدەردىڭ ىشكى ىسىنە كيلىكپەۋگە، ءبىر - ءبىرىنىڭ ىشكى ىسىنە كيلىكپەۋگە تاباندى بولۋ كەرەك. قارسى جاققا ساياتىن كەلەلى، سەزىمتال ماسەلەلەردە الدىن الا بايلانىس جاساپ، ورىن اۋىستىرىپ وي جۇگىرتىپ، ابايلاپ ىستەۋ، اسىرەسە، قارسى جاقتىڭ تومەنگى شەگىنە سوقتىقپاۋ كەرەك.

ەكىنشى، بەيبىت قاتار تۇرۋعا تاباندى بولۋ. ”سيۋسيديد تۇزاعى“ استە تاعدىردىڭ جازعانى ەمەس، مۇنداعى شەشۋشى ءتۇيىن نەگىزگى ءىرى ەلدەردىڭ قالاي تالعام جاساۋىنا بايلانىستى. جۇڭگو، رەسەي، ا ق ش سەرىك بولۋى، دوس بولۋى، قاقتىعىسپاۋى، قارسىلاسپاۋى، بەيبىت قاتار تۇرۋدىڭ تومەنگى شەگىن ساقتاۋى كەرەك. جۇڭگو، رەسەي، ا ق ش دۇنيە جۇزىلىك ەكىنشى سوعىستا جەڭىسكە جەتكەن نەگىزگى ەلدەر، سوعىستان كەيىنگى حالىقارالىق ءتارتىپتى باتىل قورعاپ، «بىرلەسكەن مەملەكەتتەر ۇيىمى ەرەجەسىنىڭ» ماقساتىن قورعاپ، وڭاي - وسپاق قولعا كەلمەگەن دۇنيە جۇزىلىك ەكىنشى سوعىستىڭ جەتىستىكتەرىن قورعاۋى كەرەك. يادرولىق سوعىستا جەڭىس تە، جەڭىلىس تە جوق، ودان ساقتانۋعا بار كۇشىمىزدى سالۋىمىز كەرەك.

ءۇشىنشى، سەلبەسىپ تەڭ يگىلىككە كەنەلۋگە تاباندى بولۋ. جۇڭگو، رەسەي، ا ق ش ەلدەرىنىڭ دامۋ قاسيەتى ۇقسامايدى، ەكونوميكانىڭ ءبىرىن - ءبىرى تولىقتاۋ سيپاتى كۇشتى، ءوز ابزالدىلىقتارىن ساۋلەلەندىرىپ، ءبىرىن - ءبىرى تولىقتايدى. ەكونوميكا - ساۋدا سەلبەستىگىن كۇشەيتىپ، سەلبەستىك بالكۇلشەسىن بىرگە ۇلعايتىپ، ەكى جاعى تەڭ پايداعا كەنەلۋدى، تەڭ يگىلىككە كەنەلۋدى جۇزەگە اسىرۋ كەرەك، ”قاتاردان قالۋعا، تىزبەكتى ۇزۋگە“ بولمايدى. دۇنيە ءجۇزىنىڭ ەنەرگيا حاۋىپسىزدىگى قاتاڭ سايىسقا ءدوپ كەلىپ وتىر، ءۇش ەل قاتىناستى جانە سايكەسۋدى كۇشەيتىپ، ەنەرگيا كاسىپ تىزبەگىنىڭ، قامداۋ تىزبەگىنىڭ ورنىقتى، ىركىلىسسىز بولۋىن بىرگە قورعاۋىنا، دۇنيە ءجۇزىنىڭ ەنەرگيا بازارىنىڭ حاۋىپسىزدىگىن، ورنىقتىلىعىن قورعاۋىنا بولادى.

ءتورتىنشى، پىكىرلەسۋگە، كەڭەسۋگە تاباندى بولۋ. ءىرى ەلدەر اراسىندا الاۋىزدىقتان ساقتانۋ قيىن، ەگەر قارىم - قاتىناس جاساماسا، كۇدىك - كۇمان ءورشىپ، ۇساق قاقتىعىستار ۇلكەن قاقتىعىسقا اينالۋى مۇمكىن. 3 ەل جوعارى جىكتەگىلەردىڭ ۇنەمىلىك بارىس - كەلىسىن ساقتاپ، ءار دارەجەلى تىلدەسۋ ارناسىن ىركىلىسسىزدەندىرىپ، داعدارىس جونىندە قارىم - قاتىناس جاساۋ جانە ودان ساقتانۋ مەحانيزمىن ورناتىپ، قاتە تۇجىرىمداۋدىڭ از تۋىلۋىنا، الاۋىزدىقتى باسقارا الۋىنا، قاقتىعىستى ۋشىقتىرماۋعا كەپىلدىك ەتۋ كەرەك. حالىقارالىق قوعام ءىرى ەلدەردىڭ قولامتالى ماسەلەلەر جونىندە تاتۋلاسۋعا ءناسيحاتتاۋ، كەلىسسوزدى جەبەۋ قىزمەتىن كوبىرەك ىستەۋىن ءۇمىت ەتەدى، جۇڭگو، رەسەي، ا ق ش ەلدەرى قاقتىعىسقا قاتىستى تاراپتاردىڭ وتىرىپ كەڭەسۋىن، تالاس - تارتىستى ساياسي، ديپلوماتيالىق تاسىلدەر ارقىلى شەشۋىن ۇزدىكسىز ىلگەرىلەتۋى كەرەك.

پۋتين مىنالاردى ءبىلدىردى: جۇڭگو جاقتىڭ تاريحتاعى تۇڭعىش رەتكى رەسەي، جۇڭگو، ا ق ش مەملەكەت باسشىلارى كەڭەسىن ورنالاستىرعاندىعىنا العىس ايتامىن. رەسەي، جۇڭگو، ا ق ش _ ءىرى ەلدەر جانە بىرلەسكەن مەملەكەتتەر ۇيىمى حاۋىپسىزدىك القالار كەڭەسىنىڭ تۇراقتى القا ەلدەرى، ءبىزدى دۇنيە جۇزىلىك ەكىنشى سوعىستىڭ جەڭىس جەتىستىكتەرى بايلانىستىردى، «بىرلەسكەن مەملەكەتتەر ۇيىمى ەرەجەسىنىڭ» ماقساتىن قورعاۋ، حالىقارالىق بەيبىتشىلىكتى قورعاۋ ءۇش ەلدىڭ ورتاق جاۋاپكەرشىلىگى، قولامتالى ماسەلەلەردى ۇيلەسىمدى شەشۋ ءۇش ەلدىڭ ورتاق مۇددەسىنە ۇيلەسەدى. ءۇش ەل يەلىك ۇقىق تەڭدىگى، ىشكى ىستەرگە كيلىكپەۋ پرينسيپىنە تاباندى بولىپ، سەلبەستىك ارقىلى كوڭىل ءبولىپ وتىرعان ماسەلەلەردى تەپە - تەڭ شەشۋ ءادىسىن قاراستىرۋ كەرەك. رەسەي ا ق ش جانە جۇڭگومەن بىرگە ءوزارا قۇرمەت ەتىپ، تەڭ تۇرعىدا پىكىرلەسىپ، بەيبىت قاتار تۇرىپ، الاۋىزدىقتاردى ۇيلەسىمدى ءبىر جاقتى ەتىپ، ەركىن، اشىق حالىقارالىق ساۋدانى جەبەپ، ەنەرگيا، استىق حاۋىپسىزدىگىن قورعاپ، جاساندى زەردەنى جونگە سالۋداعى حالىقارالىق سەلبەستىكتى كۇشەيتىپ، دۇنيە ءجۇزى بەيبىتشىلىگى مەن حاۋىپسىزدىگىنە بىرگە ۇلەس قوسۋدى قالايدى.

ترامپ مىنالاردى ءبىلدىردى: ا ق ش، جۇڭگو، رەسەي ەلدەرى مەملەكەت باسشىلارىنىڭ ديدارلاسۋى كۇللى الەمدى جالت قاراتتى، توتەنشە ماڭىزدى، تاريحتى جاراتتى. ءۇش ەل دە يادرولى ەل، دۇنيە ءجۇزىنىڭ بەيبىتشىلىگى مەن ورنىقتىلىعىن قورعاۋدا ەرەكشە ماڭىزدى جاۋاپكەرشىلىك ارقالايدى. ءۇش جاق يادرولىق قارۋدىڭ تارالۋىنىڭ الدىن الىپ، يادرولىق قارۋدىڭ ادامزاتقا اپات اكەلۋىنەن ساقتانۋى كەرەك. ورنىقتىلىقتى قورعاۋ، بەيبىتشىلىكتى جۇزەگە اسىرۋ پىكىرلەسۋدى قاجەت ەتەدى، ءارقانداي ماسەلەنى پىكىرلەسۋ ارقىلى شەشۋ كەرەك. مەن ءتوراعا شي جينپيڭمەن جانە پۋتين زۇڭتۇڭمەن بىرگە جەر شارىمىزدى اناعۇرلىم ويداعىداي قورعاپ، بولاشاقتى اناعۇرلىم حاۋىپسىز ەتۋدى ءۇمىت ەتەمىن.

ءۇش ەل مەملەكەت باسشىلارى تاعى ۋكراينا داعدارىسى، يادرولىق قارۋلاردىڭ تارالۋىنان ساقتانۋ، ورتا شىعىس جاعدايى، چاۋشيان تۇبەگى سياقتى كەلەلى حالىقارالىق جانە وڭىرلىك ماسەلەلەر جونىندە پىكىر اۋىستىردى.

شي جينپيڭ قورىتىندى سوزىندە مىنالاردى اتاپ كورسەتتى: بۇگىنگى جۇڭگو، رەسەي، ا ق ش مەملەكەت باسشىلارىنىڭ ديدارلاسۋى بەلسەندى، سىندارلى ءارى ناتيجەلى بولدى، 3 ەلدىڭ دۇنيە ءجۇزى بەيبىتشىلىگىن قورعاۋ جاعىنداعى كوزقاراسى بىردەي. ءۇش ەل دۇنيە جۇزىلىك ەكىنشى سوعىس كەزىندە تىزە قوسا شايقاس جاساۋ تاريحىن ەستە بەرىك ساقتاۋدى، وڭاي - وسپاق قولعا كەلمەگەن بەيبىتشىلىكتى قاستەرلەۋدى، ءىرى ەلدەر ءار ەلدىڭ ۇيلەسىمدى حاۋىپسىزدىك كوڭىل ءبولىپ وتىرعان ماسەلەلەرىنە ءمان بەرۋدى باسا دارىپتەۋى كەرەك؛ پىكىرلەسۋ، كەلىسسوز وتكىزۋ الاۋىزدىقتى شەشۋدىڭ دۇرىس تالعامى، پىكىرلەسۋ توقتاتىلماسا، قاقپا جابىلماسا، بەيبىتشىلىكتەن ءۇمىت كۇتۋگە بولادى؛ سەلبەستىك سىن - سايىستارعا توتەپ بەرۋدە، ءسوز جوق، باسىپ وتەتىن جول، ورتاق مۇددە نەگىزىندە سەلبەستىكتى كۇشەيتىپ، سەلبەستىك ارقىلى بەيبىتشىلىكتى جەبەپ، تەڭ يگىلىككە كەنەلۋدى كوزدەۋ كەرەك.

شي جينپيڭ مىنالاردى باسا دارىپتەدى: بۇگىن ءۇش ەل مەملەكەت باسشىلارىنىڭ ديدارلاسۋىندا ەگىلگەن تۇقىم، ءسوز جوق، تامىر تارتىپ، وركەن جايىپ، گۇل اشىپ، جەمىس بەرەدى. 3 ەل ديدارلاسۋ ورتاق تانىمىن ويداعىداي تياناقتاندىرىپ، تىلدەسۋدى ۇزدىكسىز كۇشەيتىپ، تىلدەسۋ ارقىلى ورتاق تانىم ۇيىستىرىپ، جاۋاپكەرشىلىك ارقالاۋ ارقىلى سىن - سايىستارعا توتەپ بەرىپ، سەلبەستىك ارقىلى بەيبىتشىلىكتى جەبەپ، اناعۇرلىم كوركەم دۇنيە قۇرۋدى بىرگە ىلگەرىلەتۋى كەرەك.

ديدارلاسۋدان كەيىن ءۇش ەل «جۇڭگو، رەسەي، ا ق ش مەملەكەت باسشىلارىنىڭ بەيبىتشىلىك جارناماسىن» جاريالادى (جارنامانىڭ تولىق مازمۇنىن «حالىق گازەتىنىڭ» 2 - بەتىنەن وقي الاسىزدار).

ساي چي، ۋاڭ ي قاتىناستى.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى