بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى

شي جينپيڭ ا ق ش - نىڭ زۇڭتۇڭى ترامپپەن كەزدەستى

2026.11.20 16:19     كەلۋ قاينارى : حالىق تورابى

11 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ شىنجىندە ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسۋ ءۇشىن جۇڭگوعا كەلگەن ا ق ش - نىڭ زۇڭتۇڭى ترامپپەن كەزدەستى.

سۋرەتتى شينحۋا اگەنتتىگىنىڭ ءتىلشىسى يان يان تۇسىرگەن

«حالىق گازەتى»، 11 - ايدىڭ 19 - كۇنى، شىنجىن (تىلشىلەر حۋاڭ چاۋ، لين فان). 11 - ايدىڭ 19 - كۇنى تۇستەن كەيىن مەملەكەت ءتوراعاسى شي جينپيڭ شىنجىندە ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ماجىلىسىنە قاتىناسۋ ءۇشىن جۇڭگوعا كەلگەن ا ق ش - نىڭ زۇڭتۇڭى ترامپپەن كەزدەستى.

شي جينپيڭ مىنالاردى اتاپ كورسەتتى: وتكەن بىرنەشە ايدا بەيجيڭنەن ۆاشينگتونعا دەيىن، ترامپ زۇڭتۇڭ ەكەۋىمىز جۇڭگو مەن ا ق ش سىندى ەكى ءىرى ەلدىڭ دۇرىس قاتىناس جاساۋ جولىن قاراستىرىپ، ”جۇڭگو مەن ا ق ش - نىڭ سىندارلى ستراتەگيالىق ورنىقتى قاتىناسى“ سىندى جاڭا ورىندى تۇراقتاندىردىق ءارى وعان ”قۇرمەت ەتۋ، ادىلدىك، تەڭدىك“ سىندى جاڭا ءمان ۇستەپ، جۇڭگو - ا ق ش حالىقتارىنىڭ قۇپتاۋىنا جانە حالىقارالىق قوعامنىڭ قارسى الۋىنا يە بولدىق. جۇڭگو - ا ق ش قاتىناسى جالپى جاقتان ورنىقتى بولىپ، جاقسارىپ، ەكى ەل حالقىنا ناقتى پايدا جەتكىزدى ءارى دۇنيە جۇزىنە ورنىقتىلىق جانە تۇراقتىلىق ۇستەدى. مەن ترامپ زۇڭتۇڭمەن بىرگە جۇڭگو - ا ق ش قاتىناسىنا ۇزدىكسىز جول باستاپ، رول ۇستاپ، وسى الىپ كەمەنىڭ باستان - اياق دۇرىس باعدارمەن جەلكەن جايىپ، الىسقا ساپار شەگۋىنە كەپىلدىك ەتۋدى كۇتەمىن.

شي جينپيڭ مىنالاردى باسا دارىپتەدى: جۇڭگو مەن ا ق ش - نىڭ سىندارلى ستراتەگيالىق ورنىقتىلىق قاتىناسىن ورناتۋ _ بۇرىنعىلار ىستەپ كورمەگەن باستاما ءىس، بۇل باتىلدىقپەن قامال الىپ، باتىلدىقپەن سىناپ كورىپ، تىڭعىلىقتى ىستەپ، شەبەرلىكپەن ءىس تىندىرۋدى قاجەت ەتەدى. جۇڭگو، ا ق ش مەملەكەت باسشىلارى ديپلوماتياسىنىڭ جەتەكشىلىك رولىنىڭ ورنىن وگەيسىتۋگە بولمايدى.

جۇڭگو - ا ق ش قاتىناسىنىڭ قازىرگى ورنىقتى جاقسارۋ بەتالىسىن جالعاستىرۋدىڭ تەتىگى مەملەكەت باسشىلارىنىڭ ورتاق تانىمىن تياناقتاندىرۋ جاعىنان ارەكەت جاساۋدا. ەكى جاقتىڭ ۇجىمدارىنىڭ پىكىرلەسۋى دە ىلەسىپ وتىرۋى كەرەك. سەلبەستىك ءتىزىمىن ۇزارتىپ، ماسەلە ءتىزىمىن ىقشامداپ، قازىرشە شەشۋگە بولمايتىن الاۋىزدىقتاردى سىندارلى مەڭگەرىپ، قايشىلىقتىڭ ۋشىعۋىنان ساقتانۋ كەرەك. تايۋان ماسەلەسىندە ا ق ش جاق دۇرىس ءىس ىستەۋگە تاباندى بولىپ، جۇڭگو - ا ق ش قاتىناسىندا ۇلكەن بۇراڭدىقتاردىڭ تۋىلۋىنان ساقتانۋى كەرەك. ەكونوميكا - ساۋدا سالاسىندا بايلانىستى كۇشەيتىپ، ءوزارا كوڭىل ءبولىپ وتىرعان ماسەلەلەردى شەشىپ، ءوزارا پايدا جەتكىزۋگە، ءوزارا تيىمدىلىك جاساۋعا قول جەتكىزۋ كەرەك. ەكى ەلدىڭ ەسىرتكىگە تيىم سالۋ، زاڭسىز كوشپەندىلەردى قايتارۋ، تەلەگراف، توراپ الدامكوستىگىنە سوققى بەرۋ سياقتى سالالارداعى سەلبەستىگى ايرىقشا ناتيجەلى بولدى، قۇرمەت ەتۋ، ادىلدىك، تەڭدىك پرينسيبى بويىنشا سەلبەستىكتى ۇزدىكسىز كۇشەيتۋگە بولادى.

جۇڭگو مەن ا ق ش قاتىناس پەن سايكەسۋدى كۇشەيتىپ، جاساندى زەردەنىڭ حاۋىپسىزدىك حاۋىپ - قاتەرىنەن ساقتانىپ، جاساندى زەردەنىڭ باستان - اياق ادامزاتتىڭ مەڭگەرۋىندە بولۋىنا كەپىلدىك ەتۋى كەرەك.

ترامپ جۇڭگو جاقتىڭ ءوزىن ىستىق ىقىلاسپەن كۇتىپ العاندىعىنا ەرەكشە العىس ايتىپ، مىنالاردى ءبىلدىردى: ديپلوماتيالىق قاتىناس ورناتقان 40 نەشە جىلدان بەرى ا ق ش - جۇڭگو قاتىناسى كورنەكتى ىلگەرىلەۋشىلىككە قول جەتكىزدى.

ءتوراعا شي جينپيڭ ەكەۋىمىز تىعىز بارىس - كەلىستى ساقتادىق، دوستىعىمىز كۇن سايىن تەرەڭدەپ، ا ق ش - جۇڭگو قاتىناسىنىڭ دامۋىنا بىرگە جەتەكشىلىك ەتتىك. ەكى ەلدىڭ ساۋدا، قارجى قوسۋ قاتىناسى ۇزدىكسىز كۇشەيدى، فەنتانيل سياقتى سالالارداعى سەلبەستىكتە ونىمدىلىككە قول جەتتى. ەكى جاق ا ق ش - جۇڭگو قاتىناسىنىڭ ورنىقتى دامۋ جاعدايىن ساقتاپ، اۋىل شارۋاشىلىق ونىمدەرى، ەنەرگيا، اسقىن زەردە سياقتى سالالاردا سەلبەستىكتى كۇشەيتىپ، ءارقايسىسى كوڭىل ءبولىپ وتىرعان ماسەلەلەردى ءادىل، ويداعىداي ءبىر جاقتى ەتۋى كەرەك.

ا ق ش ”تايۋاندى دەربەستەندىرۋدى“ قولدامايدى. جۇڭگو جاقتىڭ ازيا - تىنىق مۇحيت ەكونوميكالىق سەلبەستىك ۇيىمى باسشىلارىنىڭ بەيرەسمي ءماجىلىسىن ءساتتى وتكىزگەندىگىن قۇتتىقتايمىن. ا ق ش توتەنشە قۋاتتى، جۇڭگو دا توتەنشە قۋاتتى، ەكى ەل دۇنيە ءجۇزىنىڭ بەيبىتشىلىگى مەن ورنىقتىلىعىنا بىرگە جەتەكشىلىك ەتۋى جانە ونى جەبەۋى كەرەك.

ەكى جاق وسى رەتكى كەزدەسۋ بەلسەندى، سىندارلى بولدى دەپ قاراپ، سىندارلى ستراتەگيالىق ورنىقتى قاتىناس ارەكەت جوسپارىن جاساپ، ەكى ەل مەملەكەت باسشىلارىنىڭ ورتاق تانىمىن تياناقتاندىرىپ، قۇرمەت ەتۋ، ادىلدىك، تەڭدىك نەگىزىندە جۇڭگو مەن ا ق ش - نىڭ سىندارلى ستراتەگيالىق ورنىقتىلىق قاتىناسىن ورناتۋعا ماقۇل بولدى.

ەكى ەل مەملەكەت باسشىلارى ورتاق كوڭىل ءبولىپ وتىرعان حالىقارالىق جانە وڭىرلىك ماسەلەلەر جونىندە پىكىر اۋىستىردى.

ساي چي، ۋاڭ ي، حى ليفىڭ، حۋاڭ كۇنميڭ قاتارلىلار كەزدەسۋدە بىرگە بولدى.

كەلۋ قاينارى: حالىق تورابى

جاۋاپتى رەداكتورى : نۇرعيسا قۇرمانجان ۇلى