- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ءوندىرىس حاۋىپسىزدىگى قىزمەتىن شىن مانىندە جاقسى ىستەۋ جونىندە ماڭىزدى نۇسقاۋ بەرىپ ءار دارەجەلى پارتكوم مەن ۇكىمەتتەن حاۋىپسىز دامۋ تانىمىن بەرىك ورناتىپ، اۋىر، ەرەكشە اۋىر ءوندىرىس شىرعالاڭدارىنىڭ تۋىلۋىن باتىل تەجەۋدى تالاپ ەتتى
لي كىچياڭ بەكىتپە جازدى، مەملەكەتتىك كەڭەس ءوندىرىس حاۋىپسىزدىگى جونىندە مەملەكەتتىك تەلەۆيزور - تەلەفون ءماجىلىسىن اشىپ، ورنالاستىرۋ جاسادى
2015.08.18 13:22 كەلۋ قاينارى : ءتاڭىرتاۋ تورابى
شينحۋا اگەنتتىگىنىڭ 15 - تامىزدا بەيجيڭنەن بەرگەن حابارى. سوڭعى ءبىر مەزگىلدەن بەرى، بۇكىل ەلدىڭ جەر - جەرىندە اۋىر، ەرەكشە اۋىر ءوندىرىس شىرعالاڭدارى تۋىلدى، وتە - موتە، تيانجين پورتىنداعى «12 - تامىز» رۇيحاي سەرىكتەستىگىنىڭ قاتەرلى بۇيىمدار قامباسىندا تۋىلعان ەرەكشە اۋىر ءورت اپاتى، جارىلىس شىرعالاڭىندا قىرۋار ادام ءولىپ، جارالانىپ، اۋىر مال - مۇلىك زيانى تۋىلدى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ءوندىرىس حاۋىپسىزدىگى قىزمەتىن شىن مانىندە جاقسى ىستەۋگە بارىنشا ءمان بەرىپ، 15 - تامىزدا تاعى دا ماڭىزدى نۇسقاۋ بەردى.
شي جينپيڭ بىلاي دەپ اتاپ كورسەتتى: ءوندىرىس حاۋىپسىزدىگىنە شىنايى كەپىلدىك ەتۋ، قوعامنىڭ تىنىشتىعىن قورعاۋ، حالىق جۇرتشىلىعىنىڭ تىنىش تىرشىلىك ەتۋىن قامتاماسىز ەتۋ ءار دارەجەلى پارتكوم مەن حالىق ۇكىمەتى، ءسوز جوق، ارقالاۋعا ءتيىستى ماڭىزدى جاۋاپكەرشىلىك. تيانجين پورتىنداعى «12 - تامىز» رۇيحاي سەرىكتەستىگىنىڭ قاتەرلى بۇيىمدار قامباسىندا تۋىلعان ەرەكشە اۋىر ءورت اپاتى، جارىلىس شىرعالاڭى، سونداي - اق جۋىردا ءىشىنارا جەرگىلىكتى ورىنداردا ىركەس - تىركەس تۋىلعان اۋىر ءوندىرىس شىرعالاڭدارى ءوندىرىس حاۋىپسىزدىگى جاعىنداعى ورىن تەپكەن كورنەكتى ماسەلەلەر مەن ءدوپ كەلگەن جاعدايدىڭ قاتاڭدىعىن تاعى دا اشىق كورسەتتى. قاندى ساباق وتە اۋىر، ونى، ءسوز جوق، ەستە بەرىك ساقتاۋ كەرەك. ءار دارەجەلى پارتكوم مەن ۇكىمەت حاۋىپسىز دامۋ تانىمىن بەرىك ورناتىپ، حالىقتىڭ مۇددەسىن بارىنەن جوعارى قويۋدان جازباي، ءوندىرىس حاۋىپسىزدىگىن باستان - اياق ماڭداي الدى ورىنعا قويىپ، حالىق جۇرتشىلىعىنىڭ باس اماندىعى مەن مال - مۇلىك حاۋىپسىزدىگىن شىنايى قورعاۋى ءتيىس. ءوندىرىس حاۋىپسىزدىگى جاۋاپكەرشىلىك ءتۇزىمىن باتىل تياناقتاندىرىپ، پارتيا مەن ۇكىمەت بىردەي جاۋاپكەرشىلىك ارقالاۋدى، ءبىر قىزمەت ورنىندا قوس جاۋاپكەرشىلىكتى ۇستىنە الۋدى، قىزمەت ىستەمەسە جاۋاپكەرشىلىكتى تەكتەۋدى شىنايى جۇزەگە اسىرۋ كەرەك. ساقتاندىرۋ، شۇعىل جاعدايعا توتەپ بەرۋ مەحانيزمىن اقاۋسىزداندىرىپ، حاۋىپسىزدىكتى باقىلاۋ - باسقارۋ بويىنشا زاڭ اتقارۋ سەرپىنىن ارتتىرىپ، ءوندىرىس حاۋىپسىزدىگىنە تونەتىن حاۋىپ - قاتەرلەردى ىشكەرىلەي اداقتاپ جانە ءونىمدى تۇردە شەشىپ، ءوندىرىس حاۋىپسىزدىگىن قامتاماسىز ەتۋ ورەسىن جوعارىلاتىپ، ءوندىرىس حاۋىپسىزدىگى جاعدايىن تۇبىرىنەن جاقسارتۋدى قۇلشىنا جەبەۋ كەرەك. ءارقايسى ءوندىرىس ورىندارى ءوندىرىس حاۋىپسىزدىگى ءبىرىنشى ورىندا تۇرادى دەيتىن تانىمدى كۇشەيتىپ، ءوندىرىس حاۋىپسىزدىگى بويىنشا سۋبيەكتتىك جاۋاپكەرشىلىكتى تياناقتاندىرىپ، ءوندىرىس حاۋىپسىزدىگىنىڭ نەگىزدىك قابىلەت قۇرىلىسىن كۇشەيتىپ، اۋىر، ەرەكشە اۋىر ءوندىرىس شىرعالاڭدارىنىڭ تۋىلۋىن باتىل تەجەۋى كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ ماڭىزدى بەكىتپە جازىپ، بىلاي دەپ اتاپ كورسەتتى: ءوندىرىس حاۋىپسىزدىگى حالىق جۇرتشىلىعىنىڭ باس اماندىعى مەن مال - مۇلىك حاۋىپسىزدىگىنە، ەكونوميكالىق دامۋ مەن قوعامدىق ورنىقتىلىقتىڭ جالپى جاعدايىنا بارىپ سايادى. جۋىردا كەي جەرلەردە اۋىر، ەرەكشە اۋىر ءوندىرىس شىرعالاڭدارى ىركەس - تىركەس تۋىلدى، وتە - موتە، تيانجين پورتىنداعى «12 - تامىز» رۇيحاي سەرىكتەستىگىنىڭ قاتەرلى بۇيىمدار قامباسىندا تۋىلعان ەرەكشە اۋىر ءورت اپاتى، جارىلىس شىرعالاڭىندا قىرۋار ادام ءولىپ، جارالاندى، زيان ەرەكشە اۋىر بولدى. قاندى ساباق الدىق، ساقتىق دابىلى قۇلاق تۇندىرادى دەسەك ارتىق ەمەس. جەر - جەر، تاراۋلار حالىق جۇرتشىلىعىنىڭ باس اماندىعىنا بارىنشا جاۋاپتى بولۋ پوزيتسياسىمەن، ءوندىرىس حاۋىپسىزدىگى بويىنشا سۋبيەكتتىك جاۋاپكەرشىلىكتى شىن مانىندە تياناقتاندىرىپ جانە كۇشەيتىپ، ءتۇرلى كومەسكى حاۋىپ - قاتەرلەردى جاپپاي اداقتاۋى، وتە - موتە، قاتەرلى حيميالىق بۇيىمدار مەن وڭاي جاناتىن، وڭاي جارىلىس جاسايتىن بۇيىمدار سياقتىلاردى حاۋىپسىزدىك بويىنشا رەتتەۋدەن قامال الۋ شايقاسىن باتىل جۇرگىزىپ، پارمەندى دە ۇتىمدى شارا قولدانىپ، ءالسىز بۋىنداردى جەدەل تۇزەتىپ، بەكەمدەپ، باياندى مەحانيزم قالىپتاستىرىپ، اۋىر شىرعالاڭنىڭ تۋىلۋىنان شىن مانىندە ساقتانۋى كەرەك. 15 - تامىزدا مەملەكەتتىك كەڭەس ءوندىرىس حاۋىپسىزدىگى جونىندە مەملەكەتتىك تەلەۆيزور - تەلەفون ءماجىلىسىن اشىپ، شي جينپيڭ مەن لي كىچياڭنىڭ ماڭىزدى نۇسقاۋى مەن بەكىتپەسىنىڭ رۋحىن جەتكىزىپ، ءوندىرىس حاۋىپسىزدىگىن جاپپاي تەكسەرىپ، «زاڭسىز، زاڭعا قايشىلىق جاساپ وندىرىسپەن، تيجاراتپەن شۇعىلدانۋعا سوققى بەرۋ» جانە ارناۋلى وڭاۋ، رەتكە سالۋ قىزمەتىن ونان ارى تەرەڭدەتۋ جونىندە ورنالاستىرۋ جاسادى.
ج ك پ ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ ورىنباسار زۇڭليى، مەملەكەتتىك كەڭەستىڭ ءوندىرىس حاۋىپسىزدىگى كوميتەتىنىڭ مەڭگەرۋشىسى ما كاي ماجىلىستە بىلاي دەپ اتاپ كورسەتتى: باس شۋجي شي جينپيڭ مەن زۇڭلي لي كىچياڭنىڭ ماڭىزدى نۇسقاۋىندا، بەكىتپەسىندە ءوندىرىس حاۋىپسىزدىگىنىڭ ايرىقشا ماڭىزدىلىعى تەرەڭ بايىمدالعان، ءوندىرىس حاۋىپسىزدىگى جونىندە اناعۇرلىم ايقىن، اناعۇرلىم ناقتى، اناعۇرلىم قاتاڭ تالاپ قويىلعان، بۇل قازىرگى جانە بۇدان بىلايعى قىزمەتتى تىڭعىلىقتى جاقسى ىستەۋدە ماڭىزدى جەتەكشى ءمان الادى. جەر - جەر، تاراۋلار مەن ورىندار اۋىر، ەرەكشە اۋىر شىرعالاڭداردان تەرەڭ ساباق الىپ، ماسەلەنى نىشان ەتىپ، قاتەرلى حيميالىق بۇيىمداردى، حالىقتىق جارىلىس بۇيىمدارىن، تورسىلداقتى، ليفتتى، كومىردەن وزگە كەندەردى، قاتىناس - تاسىمالدى، وتە - موتە، ۇلكەن اۆتوبۋز، ساياحات اۆتوبۋزى، مەكتەپ اۆتوكولىگى سياقتى ءتۇيىندى سالالاردى، سونداي - اق ىشكى وزەن تاسىمالى، پورت، كەمەجاي، ادامدار توپتاسقان ورىندار سياقتى ءتۇيىندى ورىنداردى مىقتاپ يگەرىپ، شۇعىل اتتانىسقا كەلتىرىپ، دەرەۋ ارەكەتتەنىپ، «كومەسكى قاتەردى تەكسەرۋدى، قاتاڭ جونگە سالۋدى، شىرعالاڭنان ساقتانۋدى، حاۋىپسىزدىككە كەپىلدىك ەتۋدى» باستى تاقىرىپ ەتىپ، ءوندىرىس حاۋىپسىزدىگىنە جاپپاي، ىشكەرىلەي تەكسەرۋ جۇرگىزىپ، 6 ۇلكەن ءتۇيىندى سالاداعى زاڭسىز، زاڭعا قايشى جايتتەرگە سوققى بەرۋ جانە بەلگىلەمەگە، ەرەجەگە قايشى جايتتەردى جونگە سالۋ ارناۋلى ارەكەتى مەن قاتەرلى حيميالىق بۇيىمداردى جانە وڭاي جاناتىن، وڭاي جارىلىس جاسايتىن بۇيىمداردى حاۋىپسىزدىك جاعىنان ارناۋلى وڭاۋدى، جونگە سالۋدى جاپپاي ورىستەتۋى كەرەك. وڭىرلىك جانە كاسىپتىك حاۋىپسىزدىك بويىنشا الدىن الۋ، مەڭگەرۋ جۇيەسىن ورناتۋدى مىقتى ۇستاپ، ءوندىرىس حاۋىپسىزدىگى جاۋاپكەرشىلىگىن جاپپاي تياناقتاندىرۋ، ءوندىرىس حاۋىپسىزدىگىن زاڭمەن جونگە سالۋ جۇيەسىن قۇرۋ، حاۋىپسىزدىكتى باقىلاۋ - باسقارۋ بويىنشا زاڭ اتقارۋدى كۇشەيتۋ، شۇعىل جاعدايعا توتەپ بەرۋ، قۇتقارۋ قابىلەتىن جوعارىلاتۋ، ءوندىرىس حاۋىپسىزدىگى نەگىزىن قامتاماسىز ەتۋ ورەسىن جوعارىلاتۋ سياقتى جاقتاردا كۇش سالىپ، ءوندىرىس حاۋىپسىزدىگى جاعدايىنىڭ باياندى، ورنىقتى تۇردە جاقسارۋىن تىڭعىلىقتى ىلگەرىلەتىپ، ەكونوميكالىق دامۋ مەن قوعامنىڭ جاراسىمدىلىعىنا، ورنىقتىلىعىنا تاماشا ءوندىرىس حاۋىپسىزدىگى ورتاسىن ازىرلەۋ كەرەك. «شينجياڭ گازەتى»
جاۋاپتى رەداكتورى : نۇرعيسا قۇرمانجان ۇلى
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
