- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ورتالىقتىڭ قازىنا - ەكونوميكا باسشىلىق گرۋپپاسىنىڭ 13 - رەتكى ءماجىلىسىن باسقارىپ اشتى
قامداۋ جاعىنداعى قۇرىلىمدىق رەفورمانى تاباندىلىقپەن ىلگەرىلەتىپ، دامۋ بارىسىندا ورتاشا كىرىستەگىلەردىڭ كولەمىن ۇزدىكسىز كەڭەيتۋدى باسا دارىپتەدى
2016.05.18 16:13 كەلۋ قاينارى : شينجياڭ گازەتى
شينحۋا اگەنتتىگىنىڭ 16 - مامىردا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى، ورتالىقتىڭ قازىنا - ەكونوميكا باسشىلىق گرۋپپاسىنىڭ باستىعى شي جينپيڭ 16 - مامىر تۇستەن بۇرىن ورتالىقتىڭ قازىنا - ەكونوميكا باسشىلىق گرۋپپاسىنىڭ 13 - رەتكى ءماجىلىسىن باسقارىپ اشىپ، قامداۋ جاعىنداعى قۇرىلىمدىق رەفورما، ورتاشا كىرىستەگىلەردىڭ كولەمىن كەڭەيتۋ قىزمەتى جونىندە زەرتتەۋ جۇرگىزىپ، سايكەستى قىزمەتتەردى تياناقتاندىردى. شي جينپيڭ ماڭىزدى ءسوز سويلەپ مىنانى باسا دارىپتەدى: قامداۋ جاعىنداعى قۇرىلىمدىق رەفورمانى ىلگەرىلەتۋ − دۇنيە ءجۇزىنىڭ ەكونوميكالىق جاعدايى مەن ەلىمىزدىڭ ەكونوميكالىق دامۋىنىڭ جاڭا قالىپتى كۇيىنە جان - جاقتى تۇجىرىم جاساۋ نەگىزىندە العا قويىلعان كەلەلى شەشىم. جەر - جەر، تاراۋلار يدەيا مەن ارەكەتتى پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن بىرلىككە كەلتىرىپ، قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى، سۇيمەندى ازايتۋ، وزىندىك قۇندى تومەندەتۋ، ولقىلىقتاردى تولىقتاۋ قىزمەتىن ءتۇيىندى تۇردە جەبەۋى ءتيىس. اۋىرتپالىق سالماقتى دەپ قاراپ وتىرۋعا، قيىنشىلىق كوپ دەپ ىسكە كىرىسپەي قويۋعا، حاۋىپ - قاتەر بار دەپ تايساقتاۋعا، ءبىر مەزگىلدىك قيىندىقتان يمەنىپ، تۇرالاپ قالۋعا بولمايدى، ءسوز جوق، جەڭىسكە جەتۋ سەنىمىن بەكەمدەپ، اتالعان قىزمەتتى بۇلجىتپاي العا ىلگەرىلەتە بەرۋ كەرەك. حالىقتى ارقاۋ ەتۋ سىندى دامۋ يدەياسىنان جازباي، بۇكىل قوعامدا شوگەلدىكپەن ەڭبەك ەتىپ اۋقاتتانۋعا ۇمتىلۋ، قاجىرلىلىقپەن كۇرەس جۇرگىزۋ رۋحىن ساۋلەلەندىرىپ، ادامداردى ەڭبەك ارقىلى باقىتتى تۇرمىسقا كەنەلۋگە، تۇرمىس ورەسىن تىنباي جوعارىلاتۋعا شابىتتاندىرۋ كەرەك.
ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى، ورتالىقتىڭ قازىنا - ەكونوميكا باسشىلىق گرۋپپاسىنىڭ ورىنباسار باستىعى لي كىچياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى، ورتالىقتىڭ قازىنا - ەكونوميكا باسشىلىق گرۋپپاسىنىڭ مۇشەسى ليۋ يۇنشان، ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى، ورتالىقتىڭ قازىنا - ەكونوميكا باسشىلىق گرۋپپاسىنىڭ مۇشەسى جاڭ گاۋلي ماجىلىسكە قاتىناستى.
ءماجىلىس مەملەكەتتىك دامۋ - رەفورما كوميتەتىنىڭ، مەملەكەتتىك كەڭەستىڭ مەملەكەت مەنشىگىندەگى مال - مۇلىكتى باقىلاۋ - باسقارۋ كوميتەتىنىڭ، تۇرعىن ءۇي جانە قالا، اۋىل قۇرىلىسى مينيسترلىگىنىڭ قامداۋ جاعىنداعى قۇرىلىمدىق رەفورمانى ىلگەرىلەتۋگە قاتىستى قىزمەت جوباسى جونىندەگى مالىمەتىن؛ جياڭسۋ، چۇڭچيڭ، حىبەي، سونداي - اق شىنجىن سياقتى ولكە، قالا، رايونداردىڭ قامداۋ جاعىنداعى قۇرىلىمدىق رەفورمانى ىلگەرىلەتۋ جاعدايى جونىندەگى مالىمەتىن؛ مەملەكەتتىك دامۋ - رەفورما كوميتەتىنىڭ، قازىنا مينيسترلىگىنىڭ، ادام كۇشى بايلىعى جانە قوعامدىق قامتاماسىزداندىرۋ مينيسترلىگىنىڭ ورتاشا كىرىستەگىلەردىڭ كولەمىن ۇزدىكسىز كەڭەيتۋ قىزمەتى جونىندەگى مالىمەتىن تىڭدادى. باسشىلىق گرۋپپاسىنىڭ مۇشەلەرى جوعارىداعى مازمۇندار جونىندە تالقى جۇرگىزدى.
شي جينپيڭ سوزىندە مىنالاردى اتاپ كورسەتتى: پارتيا ورتالىق كوميتەتى قامداۋ جاعىنداعى قۇرىلىمدىق رەفورمانى ىلگەرىلەتۋ جونىندەگى شەشىمدى العا قويعاننان كەيىن، جەر - جەردىڭ، تاراۋلاردىڭ تانىمى تىنباي جوعارىلاپ، قىزمەتتى ىرىقتىلىقپەن ورىستەتتى، قاتىستى تاراۋلار ءىشىنارا ساياساتتىق شارالاردى العا قويدى، كوپتەگەن وڭىرلەر جالپىلىق جوبا مەن ارناۋلى جوبانى زەرتتەپ جاسادى، مۇنىڭ ونىمدىلىگى بىرتىندەپ كورنەكتىلەنىپ، ەكونوميكالىق، قوعامدىق دامۋعا ۇلەس قوستى. سونىمەن بىرگە، كەي ساياساتتىق شارالاردى ىشكەرىلەي زەرتتەۋ جۇرگىزۋ نەگىزىندە بەلگىلەۋگە تۋرا كەلەدى، كەيبىر جەرلەر ءالى دە ۇمتىلا كىرىسكەن جوق، كەيبىر قىزمەتتەر ءالى دە ءداپ باسىپ ءدال يگەرىلمەي وتىر. قامداۋ جاعىنداعى قۇرىلىمدىق رەفورما جالپى جاعدايعا، ۇزاق بولاشاققا سايادى، ونى، ءسوز جوق، شىنايى مىقتى يگەرۋ كەرەك. داۋىرلىك ارتقى كورىنىستى ىشكەرىلەي ءتۇسىنۋ كەرەك، قازىر ەلىمىزدىڭ ەكونوميكالىق دامۋىندا پەريودتىق، جالپى شامالىق ماسەلەلەر ورىن تەپكەنىمەن، ءبىراق قۇرىلىمدىق ماسەلە ەڭ كورنەكتى، قايشىلىقتىڭ باستى جاعى قامداۋ جاعىندا بولىپ وتىر.نەگىزدىك تالاپتى ءداپ باسىپ ءدال يگەرۋ كەرەك، قامداۋ جاعىنداعى قۇرىلىمدىق رەفورمانىڭ ءتۇبىرلى ماقساتى − قامداۋ ساپاسىن ءوسىرۋ، قاجەتتى قاناعاتتاندىرۋ، قامداۋ قابىلەتىنىڭ حالىقتىڭ كۇننەن - كۇنگە ارتىپ كەلە جاتقان زاتتىق، مادەنيەت قاجەتىن اناعۇرلىم جاقسى قاناعاتتاندىرۋىنا مۇمكىندىك جاساۋ ؛ باستى تالپىنۋ بەتالىسى − ۇتىمسىز قامداۋدى ازايتۋ، ۇتىمدى قامداۋ اياسىن كەڭەيتۋ، قامداۋ قۇرىلىمىنىڭ قاجەتسىنۋ قۇرىلىمىمەن ۇيلەسۋىن ارتتىرۋ بولىپ تابىلادى. قازىر قاجەتتەن اسىپ قالعان ءوندىرىس قۋاتىن، قامبادا باسىلىپ قالۋدى، سۇيمەندى ازايتۋ، وزىندىك قۇندى تومەندەتۋ، ولقىلىقتاردى تولىقتاۋ قىزمەتىندەگى 5 ءىرى مىندەتتىڭ ورىندالۋىن جەبەۋ ءتۇيىندى قىزمەت ەسەپتەلەدى؛ مۇنىڭ ماندىك سيپاتى − رەفورمانى تەرەڭدەتۋ، مەملەكەت مەنشىگىندەگى كاسىپورىندار رەفورماسىن ىلگەرىلەتۋ، ۇكىمەت قىزمەتىندە جەدەل بۇرىلىس جاساۋ، باعا، قازىنا - سالىق، فينانس، قوعامدىق قامتاماسىزداندىرۋ سياقتى سالالارداعى نەگىزدىك رەفورمالاردى تەرەڭدەتۋ، بازار مەن ۇكىمەتتىڭ رولىن ويداعىداي ساۋلەلەندىرۋ كەرەك. ءبىر جاعىنان، بازاردىڭ زاڭدىلىعىنا بويسۇنۋ، بازار مەحانيزمىنەن يكەمدىلىكپەن پايدالانىپ، ماسەلەنى شەبەرلىكپەن شەشۋ كەرەك، ەندى ءبىر جاعىنان، ۇكىمەت جاۋاپكەرشىلىكتى باتىلدىقپەن ۇستىنە الۋى كەرەك. ءارقايسى تاراۋلار، ءار دارەجەلى جەرگىلىكتى ۇكىمەت تۇگەلدەي جاۋاپكەرشىلىكتى باتىلدىقپەن ۇستىنە الۋى، ءوزى ىستەۋگە ءتيىستى قىزمەتتى تىڭعىلىقتى تىندىرۋى كەرەك. ماڭىزدى، قيىن تۇيىندەردە قامال الىپ، باستى ءتۇيىن نازارياسىنان جازباي، شوعىرلى تۇردە قامال الىپ، تۇيىندەردەگى قىزمەت ارقىلى كولەمدىك قىزمەتتى جەبەۋ كەرەك. قىزمەتتى ىشكەرىلەي، ەگجەي - تەگجەيلى جاقسى ىستەۋ، باعىتتامالى تۇردە ساياسات شىعارىپ، كۇدىك - كۇماننان ارىلتۋ كەرەك؛ ناقتى قىزمەتتە ءىس جۇزىندىكتى شىعار ءتۇيىن ەتۋ، وعان قاداعالاي نازار اۋدارۋ، ارنايى ادام جاۋاپتاندىرۋ، دەرەۋ كىرىسىپ ىستەۋ كەرەك. ءارقايسى جاقتىڭ قاتىناسىن ويداعىداي تەڭگەرۋ، ريتىم مەن سەرپىندى جاقسى يگەرۋ، كومەسكى حاۋىپ - قاتەردى ازايتۋعا كوڭىل ءبولۋ كەرەك.
شي جينپيڭ مىنانى دارىپتەدى: ورتاشا كىرىستەگىلەردىڭ كولەمىن كەڭەيتۋ جاپپاي دوڭگەلەك داۋلەتتى قوعام قۇرۋ نىساناسىنىڭ جۇزەگە اسۋىنا سايادى، ول شارۋاشىلىقتىڭ دامۋ تاسىلىنە بۇرىلىس جاساپ، قۇرىلىمدى رەتتەۋدىڭ تابيعي تالابى، قوعامنىڭ جاراسىمدىلىعى مەن ورنىقتىلىعىن، مەملەكەتتىڭ باياندى تىنىشتىعىن قورعاۋدىڭ تابيعي تالابى. ورتاشا كىرىستەگىلەردىڭ كولەمىن كەڭەيتۋ ءۇشىن، ءسوز جوق، ساپالى، ناتيجەلى دامۋعا تاباندى بولۋ، ماكرولىق ەكونوميكانىڭ تۇراقتىلىعىنان جازباۋ، حالىق جۇرتشىلىعىنىڭ تۇرمىس ورەسىن جاقسارتۋعا اناعۇرلىم مىعىم نەگىز ازىرلەۋ كەرەك؛ ءسوز جوق، شوگەلدىكپەن ەڭبەك ەتىپ، اۋقاتتانۋعا ۇمتىلۋ رۋحىن ساۋلەلەندىرىپ، ادامداردى ەڭبەك ارقىلى باقىتتى تۇرمىسقا كەنەلۋگە شابىتتاندىرۋ ءتيىس؛ ءسوز جوق، كىرىس ءبولىسى ءتۇزىمىن كەمەلدەندىرىپ، ەڭبەگىنە قاراي بولىسكە سالۋدى نەگىزگى تۇلعا ەتكەن، كوپ ءتۇرلى ءبولىس فورماسى قاتار ءومىر سۇرەتىن تۇزىمگە تاباندى بولىپ، ەڭبەگىنە قاراي بولىسكە سالۋ مەن ءوندىرىس فاكتورلارىنا ساي بولىسكە سالۋدى ۇشتاستىرىپ، ۇكىمەتتىڭ، كاسىپورىننىڭ، تۇرعىنداردىڭ ءبولىس قاتىناسىن ويداعىداي ءبىر جايلى ەتۋ كەرەك؛ ءسوز جوق، ادام كۇشى كاپيتالىن كۇشەيتىپ، ادام كۇشى كاپيتالىنىڭ ۇسىنىلىم سەرپىنىن ارتتىرىپ، وقۋ - اعارتۋدىڭ ساپاسىن كۇش سالا جوعارىلاتىپ، وسى زامانعى كاسىپتىك وقۋ - اعارتۋ جۇيەسىن قۇرۋ كەرەك؛ ءسوز جوق، كاسىپورىنشىلاردىڭ رولىن ويداعىداي ساۋلەلەندىرىپ، كاسىپورىنداردىڭ قيىنشىلىقتى شەشۋىنە، قيىنشىلىقتان ارىلۋىنا كومەك كورسەتىپ، ءتۇرلى فاكتورلىق ۇسىنىلىمنان قارىمجى قايتارىپ الۋدى قامتاماسىزداندىرۋ كەرەك؛ ءسوز جوق، مۇلىك ۇقىعىن قورعاۋدى كۇشەيتىپ، وسى زامانعى مال - مۇلىك ۇقىعى ءتۇزىمىن كەمەلدەندىرىپ، مەملەكەت مەنشىگىندەگى مال - مۇلىككە مەنشىك ۇقىعىن، تيجارات ۇقىعىن، كاسىپورىننىڭ زاڭدىق ۋاكىلىنىڭ مال - مۇلىك ۇقىعىن قورعاۋدى، جالپىلىق مەنشىككە جاتپايتىن ەكونوميكانىڭ مال - مۇلىك ۇقىعىن قورعاۋدى، ءبىلىم مەنشىك ۇقىعىن قورعاۋدى كۇشەيتۋ، حالىق جۇرتشىلىعىنىڭ مال - مۇلىك حاۋىپسىزدىگى سەزىمىن ارتتىرۋ كەرەك.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
