- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ج ك پ ورتالىق كوميتەتى ساياسي بيۋروسىنىڭ ءماجىلىسىن باسقارىپ اشتى
18 - كەزەكتى ورتالىق كوميتەتتىڭ التىنشى جالپى ءماجىلىسىن اشۋ ۇيعارىلدى
2016.07.28 14:43 كەلۋ قاينارى : شينجياڭ گازەتى
شينحۋا اگەنتتىگىنىڭ 26 - شىلدەدە بەيجيڭنەن بەرگەن حابارى. ج ك پ ورتالىق كوميتەتى ساياسي بيۋروسى 26 - شىلدە كۇنى ءماجىلىس اشىپ، جۇڭگو كوممۋنيستىك پارتياسى 18 - كەزەكتى ورتالىق كوميتەتىنىڭ التىنشى جالپى ءماجىلىسىن بيىل قازان ايىندا بەيجيڭدە اشۋدى ۇيعاردى، جالپى ءماجىلىستىڭ كەڭەستىك تارتىپتەرى: ج ك پ ورتالىق كوميتەتى ساياسي بيۋروسى ورتالىق كوميتەتكە قىزمەتتەن بايانداما جاسايدى، پارتيانى جاپپاي قاتاڭ جونگە سالۋ تۋرالى ماڭىزدى ماسەلەلەر زەرتتەلەدى، جاڭا جاعدايداعى پارتيانىڭ ىشكى ساياسي تۇرمىسىنىڭ ءبىرقانشا ولشەمى شىعارىلادى، «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسىنە (سىناق رەتىندە اتقارىلادى)» وزگەرىس جاسالادى. ماجىلىستە قازىرگى ەكونوميكالىق جاعدايعا تالداۋ جاسالىپ، كەلەسى جارتى جىلداعى ەكونوميكالىق قىزمەت ورنالاستىرىلدى. ءماجىلىستى ج ك پ ورتالىق كوميتەتىنىڭ باس شۋجيى شي جينپيڭ باسقاردى.
ماجىلىستە بىلاي دەپ قارالدى: جۇڭگونىڭ ىستەرىن جاقسى ىستەۋدىڭ تەتىگى − پارتيادا، پارتيانى پارتيا باسقارىپ، پارتيانى قاتاڭ جونگە سالۋدا. پارتيانى پارتيا باسقارۋ، ءسوز جوق، پارتيانىڭ ىشكى ساياسي تۇرمىسىن باسقارۋدان، پارتيانى قاتاڭ جونگە سالۋ، ءسوز جوق، پارتيانىڭ ىشكى ساياسي تۇرمىسىن قاتايتۋدان باستالۋى كەرەك. پارتيا ىشىندە قاتاڭ، مۇقيات ساياسي تۇرمىس ورىستەتۋ − پارتيامىزدىڭ تاڭداۋلى ءداستۇرى جانە ساياسي ارتىقشىلىعى. ۇزاق اماليات بارىسىندا پارتيامىز پارتيا ىشىندە قاتاڭ، مۇقيات ساياسي تۇرمىس ورىستەتۋدى قاشاندا پارتيا قۇرىلىسىنىڭ ماڭىزدى مىندەتى رەتىندە يگەرىپ، ىشكى ساياسي تۇرمىستىڭ شىندىقتى ءىس جۇزىنەن ىزدەۋ، نازاريانى امالياتپەن ۇشتاستىرۋ، بۇقارامەن تىعىز بايلانىس جاساۋ، سىن جانە ءوز - وزىنە سىن ايتۋ، دەموكراتيالىق ورتالىقتاندىرۋ، پارتيا ءتارتىبىن قاتايتۋ، ت.ب نى باستى مازمۇن ەتكەن نەگىزگى قاعيدالارىن قالىپتاستىرىپ، پارتيانىڭ بەرەكە - بىرلىگىن بەكەمدەپ، پارتيانىڭ جاندى ومىرشەڭدىگىن نىعايتۋعا باي تاجىريبەلەر جيناقتاپ، پارتيانىڭ ءار تاريحي كەزەڭدەگى وزەكتى مىندەتتەرىنىڭ ءساتتى ورىندالۋىندا ماڭىزدى رول اتقاردى. جاڭا جاعدايدا، پارتيانىڭ ىشكى ساياسي تۇرمىسىنىڭ جاعدايى جالپىلاي ايتقاندا جاقسى، دەگەنمەن، ءبىراز مەزگىلدەن بەرى پارتيانىڭ ىشكى ساياسي تۇرمىسىندا ءبىر قاتار كورنەۋ ماسەلەلەر دە توبە كورسەتتى. پارتيانىڭ 18 - قۇرىلتايىنان بەرى شي جينپيڭ جولداس باس شۋجي بولعان پارتيا ورتالىق كوميتەتى ءوزى باس بولىپ ورىنداپ، الدىمەن ونەگە كورسەتىپ، پارتيانى جاپپاي قاتاڭ جونگە سالۋدى بۇلجىماستان ىلگەرىلەتىپ، پارتيا قۇرىلىسىن نىعايتىپ، پارتيانىڭ يدەولوگيالىق قۇرىلىسىن كۇشەيتۋ مەن پارتيانى تۇزىممەن جونگە سالۋدى تىعىز ۇشتاستىرۋدان جازباي، پارتيا ستيلىن شوعىرلى تۇردە تارتىپكە كەلتىرىپ، جەمقورلىققا قاتاڭ جازا قولدانىپ، پارتيانىڭ ىشكى ساياسي تۇرمىسىن كىرشىكسىزدەندىردى، پارتيانىڭ ىشكى ساياسي تۇرمىسىندا تىڭ تىنىس بايقالىپ، پارتيانىڭ، حالىقتىڭ تىلەۋلەستىگىنە قول جەتىپ، ەل باسقارىپ، بيلىك جۇرگىزۋدىڭ جاڭا جاعدايىن اشۋعا ماڭىزدى كەپىلدىك ازىرلەندى. جان - جاقتى تالداۋ جاساي كەلە، جاڭا جاعدايداعى پارتيانىڭ ىشكى ساياسي تۇرمىسىنىڭ ولشەمدەرىن بەلگىلەۋ قاجەتتىلىگى انىقتالدى. جاڭا جاعدايدا پارتيانىڭ ىشكى ساياسي تۇرمىسىن نىعايتۋ مەن ارناعا سالۋدىڭ ماڭىزدى ءتۇيىنى − ءار دارەجەلى باسشىلىق ورگاندار مەن باسشى كادرلار، تەتىگى − جوعارى دارەجەلى كادرلار، اسىرەسە، ورتالىق كوميتەتتىڭ مۇشەلەرى، ورتالىق كوميتەت ساياسي بيۋروسىنىڭ، ورتالىق كوميتەت ساياسي بيۋروسى تۇراقتى كوميتەتىنىڭ قۇرامىنداعىلار. جوعارى دارەجەلى كادرلار، اسىرەسە، ورتالىق باسشىلىق قىزمەتتىڭ قۇرامىنداعىلار، ءسوز جوق، وزدەرى باس بولىپ، پارتيا ۋستاۆىنا، پارتيانىڭ قاعيدالارىنا ونەگەلى تۇردە بويسۇنىپ، پارتيانىڭ ساياسي ءتارتىبى مەن ساياسي قاعيدالارىن قاتاڭ ساقتاپ، اۋەلگى ماقساتتى ۇمىتپاي، ۇدەرە العا تارتۋعا، الدىمەن ونەگە كورسەتىپ، تومەندەگىلەرگە باستاماشى بولۋعا، بۇكىل پارتياعا ۇلگى كورسەتۋگە تاباندى بولۋلارى كەرەك.
ماجىلىستە بىلاي دەپ قارالدى: پارتيا ىشىندەگى باقىلاۋدى كۇشەيتۋ − ماركستىك ساياسي پارتيانىڭ دايەكتى تالابى، پارتيامىزدىڭ تاڭداۋلى ءداستۇرى مەن ساياسي ارتىقشىلىعى. پارتيانىڭ بيلىك ۋستاۆى پارتيا ىشىندە باقىلاۋ جۇرگىزۋدىڭ پارتيا مەن مەملەكەتتىڭ ءتۇرلى باقىلاۋ تاسىلدەرىنىڭ اراسىنداعى ەڭ نەگىزگى، ماڭداي الدى باقىلاۋ بولۋىن بەلگىلەگەن. پارتيا ىشىندەگى باقىلاۋ ارقىلى باسقا باقىلاۋعا جەتەكشى بولىپ، باقىلاۋ جۇيەسىن جەتىلدىرگەندە عانا، پارتيانى جاپپاي قاتاڭ جونگە سالۋدى تۇزىمدىك تۇرعىدان پارمەندى قامتاماسىز ەتۋگە بولادى. «جۇڭگو كوممۋنيستىك پارتياسىنىڭ پارتيا ىشىندەگى باقىلاۋ ەرەجەسى (سىناق رەتىندە اتقارىلادى)» 2003 - جىلى جاريالانىپ، اتقارىلعاننان بەرى پارتيانى پارتيا باسقارۋ، پارتيانى قاتاڭ جونگە سالۋ باعىتىنا تاباندى بولىپ، پارتيا ىشىندەگى باقىلاۋدى كۇشەيتىپ، پارتيانىڭ بەرەكە - بىرلىگىن قورع−اپ، جال−پى ءۇشى−ن پارتيا قۇرۋ،
حالىق ءۇشىن بيلىك جۇرگىزۋ تالابىن ىسكە اسىرۋىمىزدا بەلسەندى رول اتقاردى. سونىمەن قاتار جاعداي مەن مىندەتتەردىڭ دامۋىنا، وزگەرۋىنە بايلانىستى، «ەرەجەنىڭ» جاڭا اماليات، جاڭا تالاپتارمەن ۇيلەسپەۋ ماسەلەسى دە اشىققا شىعا باستادى. پارتيانىڭ 18 - قۇرىلتايى مەن 18 - كەزەكتى ورتالىق كوميتەتتىڭ ءۇشىنشى، ءتورتىنشى، بەسىنشى جالپى ماجىلىستەرىندە پارتيا ىشىندەگى باقىلاۋدى كۇشەيتۋ تۋرالى ايقىن تالاپتار ورتاعا قويىلىپ، پارتيا ىشىندەگى باقىلاۋ ەرەجەسىنە وزگەرىس ەنگىزۋگە ماڭىزدى نەگىز ازىرلەندى. وتكەن بىرنەشە جىلدا ءبىز پارتيا باسشىلىعىنا تاباندى بولىپ، پارتيانى جاپپاي قاتاڭ جونگە سالۋدان جازباي، «ەكى جاۋاپكەرشىلىكتى» تياناقتاندىرىپ، پارتيا ءتارتىبىن قاتايتىپ، كوپ تاجىريبە جيناقتاپ، پارتيا ىشىندەگى باقىلاۋ ەرەجەسىنە وزگەرىس ەنگىزۋگە ءىس جۇزىندە ماڭىزدى نەگىز قالادىق. وزگەرىس ەنگىزۋ قىزمەتىنىڭ تولعاعى جەتىپ، شارتتارى ازىرلەندى، جەدەل تۇردە مىقتى يگەرۋگە ءتيىسپىز.
ماجىلىستە مىنالار اتاپ كورسەتىلدى: جىل باسىنان بەرى ەلدىڭ ءىشى - سىرتىنداعى كۇردەلى دە الماعايىپ جاعدايدا، جەر - جەر، تاراۋلار پارتيا ورتالىق كوميتەتىنىڭ ورنالاستىرۋى بويىنشا، ەكونوميكالىق دامۋدىڭ جاڭا قالىبىنا بەلسەندى تۇردە سايكەسىپ، قامداۋ جاعىنداعى قۇرىلىمدىق رەفورمانى كۇش سالا ىلگەرىلەتىپ، وڭايعا تۇسپەگەن جەتىستىكتەرگە جەتتى. الدىڭعى جارتى جىلدا ەكونوميكالىق اينالىم جالپى جاقتان تۇراقتى بولدى، دامۋ تاسىلىنە بۇرىلىس جاساۋ، ەكونوميكالىق قۇرىلىمدى رەتتەۋ بايىپپەن ىلگەرىلەتىلدى، كاسىپورىنداردىڭ تيىمدىلىگى قايتا كوتەرىلە باستادى، فينانس بازارى جالپى جاقتان تۇراقتىلىقتى ساقتادى، قالا - قالاشىقتاردا جاڭا جۇمىس ورىندارى ۇزدىكسىز كوبەيدى، حالىقتىڭ تۇرمىسى ءۇرتىس جاقساردى، قوعامنىڭ جالپى جاعدايى ورنىقتى بولدى. سونىمەن قاتار ەكونوميكانىڭ باسەيۋى ءالى دە اجەپتاۋىر قىسىم ءتۇسىرىپ، بارىنشا نازار اۋدارماسا بولمايتىن كەيبىر قاتەر مەن جاسىرىن حاۋىپ تە ورىن تەۋىپ وتىر. قازىر ەكونوميكالىق اينالىمنىڭ جاڭا قالىبىنىڭ ەرەكشەلىگى ايقىندالا ءتۇستى، ءبىز، ءسوز جوق، ەكونوميكالىق دامۋدىڭ جاڭا قالىبىنىڭ ۇلكەن لوگيكاسىن ويداعىداي يگەرىپ، قامداۋ جاعىنداعى قۇرىلىمدىق رەفورمانى تاباندى تۇردە ىلگەرىلەتىپ، قىسىمدى قوزعاۋشى كۇشكە اينالدىرىپ، ەلىمىزدىڭ ەكونوميكالىق دامۋىنىڭ ۇزاق ۋاقىت جاقسارۋىن جەبەۋگە ءتيىسپىز.
ماجىلىستە مىنالار باسا دارىپتەلدى: كەلەسى جارتى جىلداعى ەكونوميكالىق قىزمەتتەردى جاقسى ىستەۋ ءۇشىن، ورتالىقتىڭ ەكونوميكالىق قىزمەت ءماجىلىسىنىڭ شەشىم - ورنالاستىرۋلارى بويىنشا، جاڭالىق اشا دامۋ، سايكەستى دامۋ، جاسىل دامۋ، اشىق دامۋ، بىرگە يگىلىككە كەنەلەتىن دامۋ يدەياسىن دايەكتىلەندىرىپ، قىزمەتتىڭ ورنىقتىلىق بارىسىندا العا ىلگەرىلەۋ دەگەن نەگىزگى اۋەنى مەن ماكرو ساياساتتار ورنىقتى، سالالىق ساياساتتار تياناقتى، ميكرو ساياساتتار جاندى، رەفورما ساياساتتارى ناقتى، قوعامدىق ساياساتتار تۇبەگەيلى بولۋ دەگەن جالپى وي جۇلگەسىنە تاباندى بولىپ، جالپى سۇرانىستى لايىقتى ۇلعايتۋ ارقىلى قامداۋ جاعىنداعى قۇرىلىمدىق رەفورمانى بۇلجىماستان ىلگەرىلەتۋ جانە دامۋ مەجەسى كورنەكتى كەشەندى ساياساتتارعا باعىت - باعدار ايقىنداپ، ەكونوميكانىڭ تۇراقتى دامۋ بەتالىسىن ساقتاپ، «13 - بەسجىلدىقتى» ويداعىداي باستاۋ قاجەت.
ماجىلىستە مىنالار باسا دارىپتەلدى: جالپى سۇرانىستى لايىقتى ۇلعايتۋعا تاباندى بولىپ، بەلسەندى قازىنا ساياساتى مەن ورنىقتى اقشا ساياساتىن ۇزدىكسىز اتقارىپ، قولايلى ساتتە، يكەمدى تۇردە رەتتەۋگە نازار اۋدارىپ، ونىڭ ءتۇيىنىن، ىرعاعىن، تەبىنىن ويداعىداي يگەرىپ، قامداۋ جاعىنداعى قۇرىلىمدىق رەفورماعا ىڭعايلى ماكرو ورتا ازىرلەۋ كەرەك. الىم - سالىقتاردى ازايتۋ شارالارىن تياناقتاندىرىپ، الەۋمەتتىك شىعىستىڭ قابىلەتى مەن پارمەنىنە كەپىلدىك ەتىپ، قازىنالىق قاراجاتتىڭ اسەرىن ساۋلەلەندىرىپ، قوعامدىق كاپيتالدى ناقتى ەكونوميكا مەن نەگىزدىك قۇرىلعىلار قۇرىلىسىنىڭ ءالسىز سالالارىنا كوبىرەك بەيىمدەۋ كەرەك. اقشالاي كرەديت پەن قوعامدىق قارجىلاندىرۋدىڭ ۇيلەسىمدى ارتۋىنا جەتەكشىلىك ەتىپ، اقشا ساياساتىنىڭ اسەر ەتۋ ارناسىن كۇش سالا اشىپ، كرەديت قۇرىلىمىن ساپالىلاندىرىپ، ناقتى ەكونوميكانىڭ دامۋىنا قولداۋ كورسەتۋ كەرەك. فينانس سالاسىنداعى قاتەر مەن جاسىرىن حاۋىپتەردەن ءونىمدى تۇردە ساقتانىپ جانە ونى باسەيتىپ، حالىق اقشاسى ۆاليۋتالىق باعامىنىڭ ۇيلەسىمدى تەڭدىك دەڭگەيىندەگى نەگىزگى تۇراقتىلىعىن ساقتاۋ كەرەك. «ىرىقتاندىرۋ، باسقارۋ، قىزمەت كورسەتۋ» جانە قازىنا، سالىق، فينانس، جاڭالىق اشۋ، مەملەكەتتىك كاسىپورىن سياقتى ماڭىزدى سالالارداعى رەفورمانى ۇزدىكسىز تەرەڭدەتۋ كەرەك. «ءوندىرىس قۋاتىن كەمىتۋ، قوسالقى قوردى ازايتۋ، قارجىلىق سۇيمەندى جويۋ، وزىندىك قۇندى تومەندەتۋ، ولقىلىقتاردى تولىقتىرۋ» دەگەن ءتۇيىندى 5 مىندەتتى جاپپاي تياناقتاندىرىپ، ءونىمدى بازار باسەكەسى ارقىلى بايلىقتى ۇلەستىرۋدىڭ تيىمدىلىگىن كوتەرىپ، سۇرىپتالۋ مەن مەنشىكتەردىڭ قايتا ۇيىمداسۋىن ىسكە اسىرىپ، ءوندىرىس قۋاتى قاجەتتەن ارتىق سالالاردىڭ شوعىرلانۋ دەڭگەيىن جوعارىلاتىپ، عىلىم - تەحنيكادا جاڭالىق اشۋدى بەلسەندىلىكپەن ىلگەرىلەتىپ، وزەكتى باسەكەلىك قابىلەتتى نىعايتىپ، جاڭا - ەسكى قوزعاۋشى قۋاتتاردىڭ اۋىسۋىن جەدەلدەتۋ كەرەك. دۇرىس ستراتەگيا، ءونىمدى ءادىس قولدانۋ ارقىلى ءتۇيىندى 5 مىندەتتى ىلگەرىلەتۋ كەرەك، وندىرىستىك قۋاتتى كەمىتۋ مەن قارجىلىق سۇيمەندى جويۋدىڭ تەتىگى − مەملەكەتتىك كاسىپورىندار مەن فينانس تاراۋلارىنداعى نەگىزدىك رەفورمانى تەرەڭدەتۋ، قوسالقى قوردى ازايتۋ مەن ولقىلىقتاردى تولىقتىرۋدىڭ باعدارى قالا - قالاشىقتانۋ ۇدەرىسىنە ءتارتىپتى جەتەكشىلىك ەتۋمەن جانە شارۋا جۇمىسكەرلەردى قالا تۇرعىندارىنا تەڭەستىرۋمەن جاندى تۇردە ۇشتاستىرىلۋى كەرەك، وزىندىك قۇندى تومەندەتۋدىڭ ءتۇيىنى − ەڭبەككۇش بازارىنىڭ يكەمدىلىگىن ارتتىرىپ، مۇلىكتىڭ كوبىكتەنۋىن تەجەپ، ماكرو سالىق سالماعىن جەڭىلدەتۋ. بازار مەجەسىنە جەتەكشىلىك ەتۋدەن جازباي، ساياساتتاردىڭ ساپاسى مەن جاريالىلىعىن جوعارىلاتىپ، تۇراقتى ماكرو ەكونوميكالىق ساياساتتار ارقىلى بازار مەجەسىن ورنىقتىرۋ، ماڭىزدى رەفورما شارالارىنىڭ تياناقتانۋى ارقىلى دامۋ سەنىمىن بەكەمدەۋ، وتە - موتە، نەگىزگى ەكونوميكالىق تۇزىمگە تاباندى بولىپ، جەكە قارجىنى ىنتالاندىرىپ، كاسىپورىنداردىڭ ميكرو ورتاسىن جاقسارتىپ، ءتۇرلى كاسىپورىندار تەڭ باسەكەگە ءتۇسىپ، اقاۋسىز داميتىن بازار ورتاسىن ازىرلەۋ كەرەك. حالىق تۇرمىسىن جاقسارتۋ مەن قوعامدىق ىستەردى دامىتۋدىڭ ىشكى سۇرانىستى ۇلعايتىپ، ەكونوميكانىڭ دامۋىن ىلگەرىلەتۋگە جاسايتىن بەلسەندى رولىن ساۋلەلەندىرۋ كەرەك.
ماجىلىستە مىنالار باسا دارىپتەلدى: كەلەسى جارتى جىلداعى ەكونوميكالىق قىزمەتتى جاقسى ىستەۋ توتەنشە ماڭىزدى. جەر - جەر، تاراۋلار يدەيا مەن تانىمدى پارتيا ورتالىق كوميتەتىنىڭ ەكونوميكالىق جاعداي جونىندەگى عىلمي تۇجىرىمىمەن بىرلىككە كەلتىرىپ، پارتيا ورتالىق كوميتەتىنىڭ شەشىم - ورنالاستىرۋلارىن دايەكتى تياناقتاندىرۋ سانالىلىعى مەن ىرىقتىلىعىن جوعارىلاتىپ، شىن يگەرىپ، ناقتى ىستەپ، جاۋاپكەرشىلىكتى جۇرەكتىلىكپەن ارقالاپ، شەگە قاعۋ رۋحىن ساۋلەلەندىرىپ، ءتۇرلى قىزمەتتى تىڭعىلىقتى تياناقتاندىرۋ كەرەك.
ماجىلىستە تاعى باسقا ىستەر اقىلداسىلدى.
كەلۋ قاينارى: شينجياڭ گازەتى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
