- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
كىرە اۆتوموبيلدەرى رەفورما جوباسى جانە عالامتوردا جەڭىل اۆتوموبيلگە كەلىسۋ ىستەرىن باسقارۋ جونىندەگى ۋاقىتتىق ءادىس شىعارىلدى
عالامتوردا كەلىسىلگەن جەڭىل اۆتوموبيلدىڭ تيجاراتى زاڭدى سانالاتىن بولدى (ساياساتتىق تۇسىنىك)
2016.07.29 16:30 كەلۋ قاينارى : حالىق تورابى
28 – شىلدەدە «رەفورمانى ىشكەرىلەي جۇرگىزىپ، كىرە اۆتوموبيلدەرى كاسىبىنىڭ اقاۋسىز دامۋىن جەبەۋ جونىندەگى جەتەكشىلىك ەتۋ پىكىرى»، «عالامتوردا كەلىسىلگەن جەڭىل اۆتوموبيلمەن تيجارات جۇرگىزىپ، قىزمەت وتەۋدى باسقارۋ جونىندەگى ۋاقىتتىق ءادىس» (تومەندە قىسقاشا «جەتەكشىلىك ەتۋ پىكىر»، «ۋاقىتتىق ءادىس» دەلىنەدى) سىرتقا اشىق جاريالاندى، ەكى جىلدان استام ۋاقىت تالقى جۇرگىزىلگەن وسى ەكى جۇمىس اقىرى تامامدالىپ، عالامتوردا كەلىسىلگەن جەڭىل اۆتوموبيلدىڭ ەلىمىزدەگى زاڭدىق ورنى وسىدان باستاپ ايقىندالدى. 1 – قاراشادا «ۋاقىتتىق ءادىس» اتقارىلعان كەزدە، شارت – جاعداي ازىرلەگەن جەكەلىك اۆتوموبيلدەر بەلگىلى ءتارتىپ بويىنشا عالامتوردا كەلىسىلگەن جەڭىل اۆتوموبيل قاتارىنا ەنگىزىلىپ، ارناۋلى تيجاراتپەن شۇعىلدانۋىنا جول اشىلادى.
جوبا جاريالانۋمەن بىرگە، مەملەكەتتىك كەڭەستىڭ اقپارات كەڭسەسى اقپار جاريالاۋ ءماجىلىسىن اشتى، قاتىستى مينيسترلىك، كوميتەتتەردىڭ جاۋاپتىلارى تۇسىنىك جاسادى.
قالالار سەرۋەن ماشينالارى مەن عالامتوردا كەلىسىلەتىن جەڭىل اۆتوموبيل سانىن، تاسىمال باعاسىن ءوز الدارىنا بەلگىلەيدى
عالامتوردا كەلىسىلگەن جەڭىل اۆتوموبيلدەر قالا تۇرعىندارىنىڭ ءجۇرىس – تۇرىسىنا قولايلىلىق جاراتتى، دەسە دە تاسىمالمەن شۇعىلدانۋشى جاۋاپتى تۇلعا ايقىن بولماۋ، وتىرعان جولاۋشىنىڭ حاۋىپسىزدىگى مەن شوفەردىڭ ۇقىق – مۇددەسى قامتاماسىزداندىرىلماۋ، جەكە ينفورماتسيالاردىڭ اشىق جاريالانىپ كەتۋى سياقتى ماسەلەلەر دە جارىققا شىقتى. وسىنداي جاعدايدا قاتىناس – تاسىمال مينيسترلىگى 2015 – جىلدىڭ باسىنان باستاپ قاتىستى تاراۋلارمەن سەلبەسە وتىرىپ رەفورما ىستەرىن اقىلداسا باستادى. قاتىناس – تاسىمال مينيسترلىگىنىڭ ورىنباسار مينيسترى ليۋ شياۋميڭ بىلاي دەدى: تۇتاس قۇجاتتىڭ جازىلۋىنا 2 جىلداي ۋاقىت جۇمسالدى.
جاي عانا بۇكىلدەي شەكتەپ تاستاۋعا بولمايدى
ليۋ شياۋميڭ بىلاي دەيدى: قازىر حالىقارادا عالامتوردا كەلىسىلگەن جەڭىل اۆتوموبيلدەر جونىندە ءبىرىڭعاي پىكىر قالىپتاسا قويعان جوق، گەرمانيا، فرانسيا، يسپانيا، جاپونيا، سينگاپۋر سياقتى كوپ ساندى ەل جانە قالا عالامتوردا كەلىسىلگەن جەڭىل اۆتوموبيلدەردى كوبەيتۋدى شەكتەپ وتىر، ا ق ش – تىڭ ءارقايسى شتاتىنىڭ باسقارۋ شارالارى دا ۇقساس ەمەس. ءبىز عالامتوردا كەلىسىلگەن جەڭىل اۆتوموبيلدەردى جاي عانا بۇكىلدەي شەكتەپ تاستاساق بولمايدى، قايتا جاڭا اۋقىمنىڭ ەرەكشەلىگىنە بارىنشا بەيىمدەلىپ، جاسامپازدىقپەن جوبا جاساپ، شاماعا قاراي جول بەرۋ شارتىن بەلگىلەپ، جول بەرۋ ءتارتىبىن قاراپايىمداندىرىپ، ارناعا ءتۇسىرىپ دامىتۋدى قولداۋىمىز كەرەك. «ۋاقىتتىق ءادىس» ــ قازىرگە دەيىن عالامتوردا كەلىسىلگەن جەڭىل اۆتوموبيلدەردى باسقارۋعا ساياتىن مەملەكەت جاعىنان شىعارىلعان دۇنيە جۇزىندەگى بىردەن – ءبىر زاڭدىق بەلگىلەمە.جەر جاعدايىنا قاراي جوبا بەلگىلەۋ، قالالاردىڭ جاعدايىنا قاراي اتقارۋ كەرەك
بۇل رەتكى رەفورما مەملەكەت جاعىنان شىعارىلدى، مۇندا كىرە اۆتوموبيلدەرىنىڭ ورنى، سەرۋەن ماشينالارىنىڭ تيجارات ۇقىعى سياقتىلارعا نەگىزگى باعدار ايقىندالدى، قالالارعا ناقتىلاندىرعاندا، بەلگىلەمە بويىنشا سەرۋەن ماشينالارى مەن عالامتوردا كەلىسىلەتىن جەڭىل اۆتوموبيل سانىن، تاسىمال باعاسىن قالالىق ۇكىمەتتەر ءوز الدارىنا بەلگىلەيدى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
