- ورتالىق
- ەل ءىشى
- شينجياڭ
- حالىقارا
مادەنيەت
ارناۋلى تاقىرىپ
شي جينپيڭ ستراتەگيالىق كومەك اسكەري ءبولىمى ورگانىندا قىزمەت تەكسەرگەندە ماڭىزدى تاريحي مىندەتتى ارقالاپ، دۇنيە جۇزىلىك بىرەگەي دەڭگەيدى كوزدەپ، باتىلدىقپەن جاڭالىق اشىپ، قاتاردان وزىپ، قۇدىرەتتى، وسىزاماندانعان كۇشتى ستراتەگيالىق كومەك قوسىنىن قۇلشىنا قۇرۋدى باسا دارىپتەدى
2016.08.30 13:02 كەلۋ قاينارى : شينجياڭ گازەتى
شينحۋا اگەنتتىگىنىڭ 29 - تامىزدا بەيجيڭنەن بەرگەن حابارى. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 29 - تامىز كۇنى تۇستەن بۇرىن ستراتەگيالىق كومەك اسكەري ءبولىمى ورگانىندا قىزمەت تەكسەرىپ، پارتيا ورتالىق كوميتەتى مەن ورتالىق اسكەري ىستەر كوميتەتى اتىنان ستراتەگيالىق كومەك اسكەري ءبولىمىنىڭ تۇڭعىش رەتكى پارتيا قۇرىلتايىنىڭ اشىلعاندىعىن قىزۋ قۇتتىقتاپ، ستراتەگيالىق كومەك اسكەري بولىمىندەگى بارلىق كوماندير - جاۋىنگەرلەرگە ىقىلاستى سالەم جولدادى. ول مىنانى باسا دارىپتەدى: پارتيانىڭ جاڭا جاعدايداعى ارميانى قۇدىرەتتەندىرۋ نىساناسىن جەتەكشى ەتىپ، جاڭا جاعدايداعى اسكەري ستراتەگيالىق باعىتتى دايەكتىلەندىرىپ، ارميا قۇرىلىسىن ساياسي جاقتان مىقتى يگەرۋدەن، رەفورما ارقىلى ارميانى قۇدىرەتتەندىرۋدەن، ارميانى زاڭمەن جونگە سالۋدان جازباي، اسكەري ءبولىم قۇرىلىسىنىڭ ەرەكشەلىگى مەن زاڭدىلىعىن مەڭگەرىپ، ماڭىزدى تاريحي مىندەتتى ارقالاپ، دۇنيە جۇزىلىك بىرەگەي دەڭگەيدى كوزدەپ، باتىلدىقپەن جاڭالىق اشىپ، قاتاردان وزىپ، قۇدىرەتتى، وسىزاماندانعان كۇشتى ستراتەگيالىق كومەك قوسىنىن قۇلشىنا قۇرۋدى باسا دارىپتەدى.
ستراتەگيالىق كومەك اسكەري ءبولىمى بىلتىر جىل سوڭىندا پارتيا ورتالىق كوميتەتى مەن ورتالىق اسكەري ىستەر كوميتەتىنىڭ مەملەكەت قورعانىسى مەن ارميا رەفورماسىن تەرەڭدەتۋ جونىندەگى شەشىم - ورنالاستىرۋىنا ساي قۇرىلعان. شي جينپيڭ ستراتەگيالىق كومەك اسكەري بولىمىنە ءوز قولىمەن ارميا تۋىن ۇسىنعان ءارى كەڭەس بەرگەن. ستراتەگيالىق كومەك اسكەري بولىمىنە، شي جينپيڭ وسكەلەڭ ءمان بەرىپ، زور ءۇمىت ارتقان. تۇستەن بۇرىن ساعات 9 دان 03 مينۋت وتكەندە، شي جينپيڭ ستراتەگيالىق كومەك اسكەري ءبولىمى ورگانىنا بارىپ، ستراتەگيالىق كومەك اسكەري ءبولىمىنىڭ تۇڭعىش رەتكى پارتيا قۇرىلتايىنىڭ بارلىق ۋاكىلدەرىمەن جانە ورگاننىڭ ديۆيزيادان جوعارى باسشى كادرلارىمەن ىقىلاستى تۇردە كەزدەسىپ، كوپشىلىكپەن قۋانىشتى تۇردە سۋرەتكە ءتۇسىپ، ەستەلىك قالدىردى.
سۋرەتكە تۇسكەن سوڭ، شي جينپيڭ ستراتەگيالىق كومەك اسكەري ءبولىمى بەلگىلى ءبولىمىنىڭ قولباسشىلىق ورتالىعىندا قىزمەت تەكسەرىپ، شايقاس جۇرگىزۋ كەزەكشىلىك جاعدايىن تەكسەردى. اسكەري بولىمدەگى قولباسشىلار مەن كەزەكشىلەردىڭ جاتتىعۋعا ىسىلعان، قايراتى مىعىم بەينەلەرىن كورىپ ءدان ريزا بولعان شي جينپيڭ كوپشىلىكتى قولباسشىلىق ەتۋ ساپاسىن شىڭداپ، شايقاس جۇرگىزۋگە قولباسشىلىق ەتۋ ءونىمىن ارتتىرۋعا جىگەرلەندىردى.
سوڭىنان، شي جينپيڭ ستراتەگيالىق كومەك اسكەري ءبولىمىنىڭ قىزمەت بايانداماسىن تىڭدادى ءارى ماڭىزدى ءسوز سويلەدى. ول مىنانى اتاپ كورسەتتى: ستراتەگيالىق كومەك اسكەري ءبولىمى − مەملەكەت حاۋىپسىزدىگىن قورعايتىن جاڭا سوعىس كۇشى، ارميامىزدىڭ بىرلەسىپ سوعىس جۇرگىزۋ جۇيەسىنىڭ ماڭىزدى تىرەگى. ستراتەگيالىق كومەك اسكەري ءبولىمى ۋاقىت كۇتىپ تۇرمايدى دەيتىن رۋحپەن ماڭىزدى تاريحي مىندەتتى باتىلدىقپەن ارقالاۋى كەرەك. شي جينپيڭ مىنانى باسا دارىپتەدى: ستراتەگيالىق كومەك اسكەري ءبولىمىنىڭ جاڭالىق اشا دامۋىن تەزدەتۋ كەرەك. ستراتەگيالىق كومەك اسكەري ءبولىمى قۇرىلىسىنا ەڭ قاجەتتىسى، جاڭالىق ەنگىزۋ، ءتۇبىرلى شىعار جولى جاڭالىق اشۋدا. زاڭدىلىقتى مەڭگەرۋ نەگىزىندە وي جەلىسىنە، رەفورماعا، دامۋعا باتىلدىقپەن جاڭالىق ەنگىزىپ، نازاردى شىنايى سوعىسقا شوعىرلاندىرۋعا، جاڭالىق اشۋ ارقىلى ىلگەرىلەتۋگە، جۇيە قۇرىلىسىنا، شوعىرلى، جوعارى ونىمگە، ارميا مەن حالىقتى توعىستىرۋعا ءتىپتى باسا ءمان بەرۋ سىندى ستراتەگيالىق جەتەكشىلىكتى دايەكتىلەندىرىپ، قۇرىلىستاردى جوعارى ولشەممەن، تىڭ باستامامەن ىلگەرىلەتىپ، جۇڭگوشا جاڭا شايقاس جۇرگىزۋ قۋاتى قۇرىلىسىنىڭ جاڭا جولىن قۇلشىنا اشۋ كەرەك. سوعىسقا ازىرلەنۋدە، سوعىس جۇرگىزۋدە بوساڭسىماي، سوعىس جۇرگىزۋ قاجەتىن جەتەكشى ەتىپ، ستراتەگيالىق كومەك اسكەري ءبولىمىنىڭ دامۋ ستراتەگياسى مەن قۇرىلىس جوبا - جوسپارىن بەلگىلەپ، جاڭاشا ماشىق جۇيەسىن جەدەل ورناتىپ، سەس كورسەتۋ مەن ناقتى سوعىس جۇرگىزۋ قۋاتىن جاپپاي ارتتىرۋ كەرەك. رەفورمانى تەرەڭدەتۋدى بوساڭسىتپاي، جاڭاشا سوعىس جۇرگىزۋ كۇشى قۇرىلىسى مەن بىرلەسىپ سوعىس جۇرگىزۋ تالابىنا سايكەسەتىن يدەيا، كوزقاراستى ورناتىپ، عىلمي، جوعارى ءونىمدى اينالىم مەحانيزمىن قۇرىپ، قوسىننىڭ كولەمىن، ءتۇزىلىسىن، قۇرامىن ساپالىلاندىرىپ، قىزمەتتەردىڭ عىلميلانۋ دەڭگەيىن، جۇيەلەنۋ دەڭگەيىن ارتتىرۋ كەرەك. جاڭالىق اشۋ ارقىلى دەم بەرۋدى بوساڭسىتپاي، اسكەري ىستەر نازارياسىنا جاڭالىق ەنگىزۋدى ىلگەرىلەتىپ، عىلىم - تەحنيكادا جاڭالىق اشۋدى مىقتاپ يگەرۋ ارقىلى وزىق تەحنيكا مەن جابدىقتاردى دامىتىپ، جاڭاشا سوعىس جۇرگىزۋ كۇشى مەن عىلىم - تەحنيكادا جاڭالىق اشۋ جوعارى دەڭگەيلى دارىندىلارىن جەتىلدىرۋدى مىقتاپ يگەرىپ، باسقارۋ جۇيەسىن كەمەلدەندىرىپ، قوسىن قۇرىلىسىنىڭ دالدىگىن، ونىمدىلىك پەن قاراجاتتىڭ سالىستىرماسىن جوعارىلاتۋ كەرەك. ارميا مەن حالىقتىڭ ەتەنە بايلانىسىن كۇشەيتۋدى بوساڭسىتپاي، سوتسياليستىك بازار شارۋاشىلىعى شارت - جاعدايىندا بۇكىل ەلدىك ءتۇزىلىس ابزالدىلىعىن ساۋلەلەندىرىپ، ءتۇرلى جاقتاعى كۇش قاينارىن ءبىر تۇتاس جوسپارلاپ، توعىستىرۋدىڭ تەرەڭدىگى مەن كەڭدىگىن ۇزبەي ۇلعايتىپ، ءبىر تۇلعالانعان مەملەكەتتىك ستراتەگيالىق قۋات قالىپتاستىرۋ كەرەك.
شي جينپيڭ مىنانى اتاپ كورسەتتى: ستراتەگيالىق كومەك اسكەري ءبولىمى قۇرىلىسىنىڭ يدەيا، ساياسي نەگىزىن تىڭعىلىقتى نىعايتۋ كەرەك. ءتۇبىرلى مانگە تابان تىرەپ، نەگىزدى بەكەمدەۋ، تاماشا رۋح جەتىلدىرىپ، دارىندى تاربيەلەۋ قىزمەتىن ويداعىداي ىستەپ، قالىڭ كوماندير - جاۋىنگەرلەردى ارميامىزدىڭ ساياسي ويىن جەتە تۇسىنۋگە تاربيەلەپ، جەتەلەپ، ساياسي تانىمدى، جالپى جاعداي تانىمىن، ۇيتقىلىق تانىمدى، ساپ تۇزەۋ تانىمىن كۇشەيتىپ، پارتيانىڭ ارمياعا دەگەن مۇلدەم باسشىلىعىنا بەرىك تاباندى بولىپ، پارتيانىڭ ءسوزىن بۇلجىتپاي تىڭداپ، پارتياعا ىلەسۋى كەرەك. جاڭا جاعدايداعى ساياسي قىزمەتتەردىڭ ەرەكشەلىگى مەن زاڭدىلىعىن زەرتتەپ، مەڭگەرىپ، ساياسي قىزمەتتىڭ يدەياسىنا، تاسىلىنە، شاراسىنا جاڭالىق ەنگىزىپ، ساياسي قىزمەتتىڭ داۋىرلىك اسەرى مەن ءونىمىن كۇشەيتىپ، ساياسي قىزمەتتىڭ مىعىم كۇشىن ساۋلەلەندىرۋ كەرەك. تاڭداۋلى ءداستۇر ارقىلى كوماندير - جاۋىنگەرلەردى تاربيەلەۋدەن، اسقاق رۋح ارقىلى كوماندير - جاۋىنگەرلەردى سومداۋدان، قاسيەتتى بورىش ارقىلى كوماندير - جاۋىنگەرلەردى شابىتتاندىرۋدان جازباي، «تورتتە تولىمدى» جاڭا ۇرپاق توڭكەرىستىك جاۋىنگەرلەردى بارىنشا تاربيەلەپ جەتىلدىرۋ كەرەك. پارتيا ىشىندەگى ساياسي تۇرمىستى قاتاڭداستىرىپ، دەموكراتيانى ورتالىقتاندىرۋ ءتۇزىمىن دايەكتىلەندىرىپ، ۇيرەنۋ ستيلىن بارىنشا ساۋلەلەندىرىپ، ستراتەگيالىق ساپانى، اسكەري ىستەر ساپاسىن، عىلىم - تەحنيكالىق ساپانى، جاڭالىق اشۋ ساپاسىن جوعارىلاتىپ، پارتكومنىڭ قوسىن قۇرىلىسىنا باسشىلىق ەتۋدەگى قابىلەتىن ۇزبەي ارتتىرۋ كەرەك. «ەكىنى ۇيرەنۋ، ءبىر بولۋ» ۇيرەنۋ تاربيەسىن يگەرىپ، پارتيانى جاپپاي قاتاڭ جونگە سالۋدى ءاربىر پارتيا ياچەيكاسىنا، ءاربىر پارتيا مۇشەسىنە دەيىن تياناقتاندىرىپ، ءار دارەجەلى پارتيا باسشىلىق ۇيىمدارىنىڭ جاسامپازدىق قۋاتىن، ۇيىسۋ قۋاتىن، جاۋىنگەرلىك قۋاتىن ارتتىرۋ كەرەك. ءتارتىپ قۇرىلىسىن كۇشەيتىپ، جاڭا ستيلدى، دۇرىس سالتتى جەتىلدىرىپ، ىشكى جاقتاعى سالتتى مۇلتىكسىزدەندىرىپ، ساياسي ەكولوگيانى تازارتىپ، قوسىن قۇرىلىسىن ىلگەرىلەتەتىن مىعىم وڭ ەنەرگيا ۇيىستىرۋ كەرەك.
كەلۋ قاينارى: شينجياڭ گازەتى - ءتاڭىرتاۋ تورابى
جاۋاپتى رەداكتورى : مانەپ ەربول ۇلى (پراكتيكانت)
وقىرمان نازارىنا
نازار سالا كەتەرسىز
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
